Útvarpstíðindi : nýr flokkur - 01.01.1952, Blaðsíða 18
Vinsælir menn
og þættir
NOKKUR ÓVISSA hefur ríkt og ríkir
enri um framhald þáttarins „Sitt af hverju
tagi“, sem Pétur Pétursson þulur hefur
séð um, við miklar vinsældir. Vonir
standa þó til að hann verði oðru hvoru
í vetur.
Hins vegar er fullráðið að Óskastund
Ben. Gröndals ritstjóra verður hálfsmán-
aðarlega í vetur, hefur hún yfirleitt tek-
ist vel og fengið hinar beztu viðtökur
hjá hlustendum.
Þá má nefna tvo aðra fasta þætti, sem
eiga mikilli hylli að fagna, en það eru
Óskalög sjúklinga og kynning á djass-
músik ,undir stjórn tveggja vinsælla tón-
listarmanna, Björns R. Einarssonar og
Svavars Gests. — Þess má og geta, að
okkar góði og gamli Bjarni Böðvarsson
er nú á ný tekinn til við að skemmta
útvarpshlustendum — ög Haukur Morth-
ens syngur öðru hvoru, bæði í Óskastund-
inni og hjá Pétri .
★
Frá Sjálandi
og Fjóni
EINS og kunnugt er er Högni Torfa-
son fréttamaður starfandi fyrir útvarpið
í Danmörku, sendir hann fréttir og flyt-
ur erindi, er send eru hingað á plötum.
Á næstunni verða fluttir þættir er hann
hefur tekið á stálþráð með aðstoð frú
Inger Larsen, konu Martin Larsen sendi-
kennara, en hún hefur sem kunngt er áð-
ur séð um útvarpsefni frá Danmörku.
Að þessu sinni verður efnið Frá Sjálandi
og Fjóni og einkum sagt frá göml-
um íslendingum, sem þar eru búsettir,
munu sumir þeirra láta til sín heyra. Enn
fremur verða þættir frá Jótlandi síðar í
tnánuðinum.
Halldór
Halldórs-
son dósent
íslenzkt mál og íslenzk
handrit
FLUTTUR verður á næstunni erinda-
flokkur um íslenzku handritin, uppruna
þeirra, geymd og útgáfur. Gert er ráð
fyrir að erindin verði a. m. k. 5 og flytj-
endur verða Einar Ól. Sveinsson próf. og
Jakob Benediktsson orðabókarritstjóri.
Halldór Halldórsson, hinn nýskipaði
dósent í íslenzku við háskólann, mun á
næstunni flytja sunnudagserindi — tvö
eða fleiri — um íslenzk orðatiltæki. —
Halldór er fæddur á Isafirði 1911. Hann
er bróðir Ártnanns Halldórssonar skóla-
stjóra. Stúdent frá Akureyri 1932. Lauk
háskólaprófi í ísl. fræðum frá Háskóla
íslands 1938. Var menntaskólakennari á
Akureyri, unz hann var skipaður dósent.
Hann hefur gefið út' Stafsetningarorðabók
og Isl. málfræði handa æðri skólum, enn-
fremur ritgerðina Illutlivörf, um merk-
ingu orða, og Egluskýringar.
★
18 ÚTVARPSTÍÐINDI