Útvarpstíðindi : nýr flokkur - 01.03.1952, Blaðsíða 7
Þorkell Jóliannesaon
prófessor
Helgi Sæmundsson
blaðamaður
hvorki sé spurningin einföld né auðvelt
að svara henni. Hitt er annað mál, að
hægt er að setja reglu, sem gerir svarið
tiltölulega einfalt. Ég gæti t. d. vel hugs-
að mér úrlausn þessarar spurningar, sem
leiddi til mikils sparnaðar á fé ríkisins, en
ekki hirði ég að setja hana hér fram, enda
engan veginn viss um, að þá færi betur.
Ymsum er gjarnt að horfa sem fastast á
það, sem kalla mætti bezta árangur, met
og methafa í þessum efnum, svo sem öðr-
um íþróttum, og telja allt hitt lítils eða
einskis vert. Hitt ætla ég samt réttara að
fyrirlíta ekki með öllu liinn lægri gróður.
Þrátt fyrir allt er það skoðun mín, að hinn
almenni áhugi og viðleitni fjölda manna
til iðkunar lista og sköpunar í einhverri
mynd sé eitt af beztu þjóðareinkennum
Islendinga óg sé rétt og skylt að hlynna
að slíku, jafnvel þótt ekki leiði til mikils
árangurs nema fremur sjaldan. Við get-
um ekki vænzt þess, svo fámenn þjóð að
eiga á hverjum tíma mjög marga frá-
bæra listamenn. — En við megum
heldur aldrei verða svo miklir bú-
menn, eða svo vandlátir, að við kefjum
niður listhneigð fólksins með þeim rök-
semdum, að slíkt svari ekki kostnaði, eða
sé einskisvert, af því það rísi ekki þegar
nógu hátt. Þjóðin verður aldrei fátæk af
því að greiða af höndum listamannalaun,
þótt í ríkulegra lagi sé. En hún er þá að
vísu fátæk orðin, þegar hún á ekki lengur
neina listhneigð að virða, enga viðleitni
til listar að styðja, enga listamenn að
launa.
— Hvernig lízt yður á hina yngri
skáldakynslóð?
— Sannast að segja er viðurhluta mik-
ið að spyrja þeirra hluta, er ætla má, að
um 50% þjóðarinnar myndi svara á þann
hátt, að naumast þætti prenthæft, frem-
ur en sumt það sem spurningin stefnir að.
Ef ég væri spurður að því, hvað ég áliti
um heimspeking án heimspeki, kvæði án
forms og innihalds og skáld án skáldgáfu,
þá myndi ég líklega svara því, að betra
gæti það verið. — Spurningu yðar
mætti svara á líkan hátt. En þó veður-
spáin sé ömurleg og hver lægðin annarri
ÚTV'ARPSTÍÐINDI 7