Morgunblaðið - 29.11.2008, Blaðsíða 38

38 Umræðan
MORGUNBLAÐIÐ LAUGARDAGUR 29. NÓVEMBER 2008
ÞAÐ er margt
ánægjulegt að gerast
hjá Strætó bs. þessa
dagana. Farþegum hef-
ur fjölgað og ljóst er að
þegar harðnar á daln-
um líta margir til þess
að nýta sér þann frá-
bæra og ódýra sam-
göngumáta sem strætó
er. Gjaldskrá Strætó
verður óbreytt sem ætti að koma
sér vel hjá mörgum um þessar
mundir. Gerðar hafa verið ítarlegar
talningar á notkun Strætó und-
anfarið og hafa talningar sýnt að
nú síðustu mánuði hefur farþegum
fjölgað. Fjölgunin á sér helst stað á
annatímum og því nauðsynlegt að
auka við þjónustuna á sumum leið-
um á annatíma með því að setja
inn aukavagna. Það sést vel á súlu-
riti hér að neðan hvernig notkunin
er á vögnunum miðað við mismun-
andi tíma dags.
Fjölgun farþega kallar
á fleiri ferðir
Fjölgun farþega kallar á aukna
þjónustu, t.d. í formi aukavagna á
ákveðnum tímum. Til þess að mæta
þeirri fjölgun sem hefur átt sér
stað voru nauðsynlegar ráðstafanir
gerðar.
Ákveðið var að fara í nokkurs
konar aðlögun leiðakerfisins að
notkuninni, þjónustuaðlögun. Þjón-
ustuaðlögunin, sem samþykkt var í
stjórn Strætó bs., miðar fyrst og
fremst að því að fjölga ferðum á
annatíma og miða þjónustuna fyrst
og fremst út frá notkun miðað við
þær tölulegu upplýsingar sem
liggja fyrir. Ferðir farþega eru
skilgreindar tvenns konar:
1. Ferðir til og frá vinnu eða
skóla þar sem farþeginn er bund-
inn af því að mæta á ákveðnum
tíma. Þá er nauðsynlegt að akstur
vagnanna sé tiltölulega tíður, en
þessar ferðir eru aðallega á ann-
atíma.
2. Ferðir farþega sem ekki eru
bundnar af ákveðnum föstum tíma,
heldur getur farþeginn valið það
hvenær hann fer af stað, það eru
ferðir utan annatíma.
Við þjónustuaðlögunina var ein-
mitt tekið mið af þessu.
Stefnumótun til framtíðar
Stjórn Strætó bs. er einhuga í
því að fara í stefnumótunarvinnu til
framtíðar fyrir Strætó bs. á nýju
ári. Stjórnin er sammála um það að
gera enga byltingu í leiðakerfinu
enda nýbúið að því og notendur nú
loks að jafna sig á
því öllu saman.
Stjórn og stjórn-
endur munu horfa til
þess að laga kerfið
sem best að þörfum
notendanna. Haldið
verður áfram að nota
talningar til þess að
meta stöðuna og vita
hver notkunin er
hverju sinni og
hvernig hún breytist
frá einu tímabili til
annars.
Það er afar mikilvægt að skil-
greina þjónustuna enn betur en
þegar hefur verið gert. Sérstaklega
þarf í því sambandi að horfa til
þess að skilgreina aksturstíðni eftir
fjölda farþega, skilgreina lengd að
stoppistöð eftir þéttleika íbúa-
svæða, skilgreina hver hlutur far-
þega í rekstrinum eigi að vera,
skilgreina ný markmið um gæði
þjónustu og áfram mætti lengi
telja.
Þessi vinna mun fara fram í
stjórn og hjá stjórnendum Strætó
bs. á nýju ári, nauðsynlegt er að
fara vel yfir þessi mál og fá sem
flesta að þeirri vinnu. Sjálfsagt er
við svona stefnumótunarvinnu að
leita í smiðju nágrannalandanna.
Þar er mikil þekking á því hvað
gengur upp og hvað ekki í rekstri
þjónustu sem okkar. Flest ná-
grannalönd okkar eru komin mun
lengra en við í því að reka almenn-
ingssamgöngur og þar er víða að
finna sambærilegt þjónustusvæði
og það sem Strætó bs. er að þjón-
usta. Þar má finna upplýsingar um
það með hvaða hætti þjónustan er
skilgreind eftir mismunandi gerð
samfélaga.
Þjónustuaðlögunin sem nú hefur
verið samþykkt mun bæta þjón-
ustuna á annatímum en draga lít-
illega úr þjónustunni utan ann-
atíma. Við stöndum vörð um
starfsfólkið og engum verður sagt
upp hjá Strætó bs. í tengslum við
þessar breytingar.
Fjölgun farþega og
ferða hjá Strætó
Jórunn Frímanns-
dóttir fjallar um
rekstur Strætó bs.
Jórunn Frímannsdóttir
» Þjónustuaðlögunin
sem nú hefur verið
samþykkt mun bæta
þjónustuna á anna-
tímum en gjaldskráin
mun engu að síður ekki
hækka.
Höfundur er borgarfulltrúi og
stjórnarformaður Strætó bs.
0
10
20
30
40
50
60
70
80
90
0
6
.0
0
-
0
7
.0
0
0
7
.0
0
-
0
8
.0
0
0
8
.0
0
-
0
9
.0
0
0
9
.0
0
-
1
0
.0
0
1
0
.0
0
-
1
1
.0
0
1
1
.0
0
-
1
2
.0
0
1
2
.0
0
-
1
3
.0
0
1
3
.0
0
-
1
4
.0
0
1
4
.0
0
-
1
5
.0
0
1
5
.0
0
-
1
6
.0
0
1
6
.0
0
-
1
7
.0
0
1
7
.0
0
-
1
8
.0
0
1
8
.0
0
-
1
9
.0
0
1
9
.0
0
-
2
0
.0
0
2
0
.0
0
-
2
1
.0
0
2
1
.0
0
-
2
2
.0
0
2
2
.0
0
-
2
3
.0
0
2
3
.0
0
-
2
4
.0
0
Aðalfundur Valsmanna hf.
Aðalfundur í Valsmönnum hf. verður haldinn laugardaginn 6. desember nk. kl. 14:00 að Hlíðarenda.
Dagskrá aðalfundar er venjuleg aðalfundarstörf samkvæmt samþykktum félagsins og lögum um
hlutafélög nr. 2/1995 og verður sem hér segir:
1. Skýrsla stjórnar vegna liðins starfsárs
2. Ársreikningur félagsins
3. Ákvörðun hverning fara eigi með hagnað/tap ársins
4. Ákvörðun um þóknun til stjórnarmanna
5. Kjör stjórnar
6. Kjör endurskoðanda
7. Önnur mál
Hluthöfum félagsins er auk þess boðið að vera viðstaddir formlega afhendingu nýbyggðs gervigras-
vallar til Knattspyrnufélagsins Vals. Hluthöfum er boðið að skoða völlinn og þiggja léttar veitingar í
Lollastúku. Athöfnin hefst kl. 13:00.
UMMÆLI forseta
Íslands í viðtali í Kast-
ljósi Ríkissjónvarpsins að kveldi 12.
þessa mánaðar hafa áreiðanlega orð-
ið mörgum umhugsunarefni. Ekki
síst þeim, sem falinn hefur verið sá
trúnaður að vera sendiherrar Ís-
lands í öðrum löndum.
Viðtalið snerist að mestu um
skýrslu, sem sagt hafði verið frá í
norsku blaði. Skýrslan var frásögn
norska sendiherrans á Íslandi af
ummælum Ólafs Ragnars Gríms-
sonar, forseta Íslands, í hádeg-
isverðarboði í bústað danska sendi-
herrans í Reykjavík þar sem gestir
voru sendiherrar erlendra ríkja á Ís-
landi. Það er hluti af starfi allra
sendiherra að skýra ráðuneytum
sínum samviskusamlega frá um-
ræðum á slíkum fundum.
Í upphafi viðtalsins segir forseti
Íslands: „Ég hef svo sem ekkert les-
ið þessa skýrslu, en mér finnst hún
einhvern veginn vera eins og margar
skýrslur sendiherra sem maður hef-
ur séð í gegnum tíðina. Þessi fundur
eins og honum er lýst í skýrslunni
var auðvitað ekkert á þennan veg.
Alls ekki.“ Fundurinn var ekki eins
og honum var lýst í skýrslunni, sem
forsetinn hefur ekki lesið. Seinna í
viðtalinu segir forsetinn: „… þjóðir,
sem meðal annars eru nefndar í
þessari skýrslu“. Það var og, – þjóðir
sem nefndar eru í skýrslunni, sem
forsetinn hefur ekki lesið.
Nú er ástæða til að doka við. For-
setinn hefur ekki lesið skýrsluna, en
samt var fundurinn alls
ekki eins og honum er
lýst í skýrslunni. Lái
mér hver sem vill.
Þetta skil ég ekki.
Forseti segir síðan
um þessa sömu skýrslu,
sem hann ekki hefur
lesið: „… mér finnst
hún einhvern veginn
vera eins og margar
skýrslur sendiherra
sem maður hefur séð í
gegnum tíðina …“
Hvað á forsetinn við?
Er hann að gefa í skyn, að sendi-
herrar segi ekki sannleikann, þegar
þeir skrifa skýrslur heim í ráðu-
neyti? Er hann að væna sendiherra
Noregs og reyndar einnig aðra
sendiherra um að segja ósatt í emb-
ættisskýrslum? Hann gerir að
minnsta kosti lítið úr því sem norski
sendiherrann hefur skrifað, enda
þótt hann hafi ekki séð eða lesið frá-
sögn sendiherrans.
Síðar í viðtalinu segir Sigmar
Guðmundsson fréttamaður, að það
sé í rauninni himinn og haf milli þess
sem forsetinn sé að segja og þess
sem norski sendiherrann segi í sinni
skýrslu og spyr hvort forsetinn muni
gera athugasemdir við frásögn
sendiherrans.
Þá segir forseti Íslands: „Ég hef
nú séð svo margar skýrslur gegnum
tíðina, sem sendiherrar hafa skrifað,
bæði erlendir og íslenskir, ég hef
líka sem fræðimaður lesið allskonar
skýrslur sem erlendir sendiherrar
hafa skrifað, sem hafa verið staddir
hér á Íslandi á fyrri áratugum, að ég
hef þá skoðun að sendiherrum sé í
sjálfu sér frjálst að endursegja fundi
með þeim hætti sem þarna er gert.“
Þá spyr fréttamaður : „Ertu að
segja að þetta sé rangt?“
Forseti Íslands svarar: „Í raun og
veru get ég ekkert farið að elta ólar
við einhverjar missagnir eða rang-
færslur í einhverri skýrslu, sem ég
hef ekki séð, sem blað í Noregi hefur
verið að endursegja með því að tína
út … … þetta voru rúmlega tveggja
tíma samræður og sendiherra og
blaðið eru að reyna að sjóða það nið-
ur í fáein stikkorð eða fyrirsagnir.“
Var það í raun og veru svo að
þetta voru tveggja tíma samræður?
Þá hljóta að hafa átt sér stað fróð-
legar umræður, sem engin ástæða er
til að halda leyndum. Áreiðanlega
hefur forseti vor ekkert við það að
athuga að frásagnir viðstaddra
sendiherra verði birtar. Það mundi
hreinsa andrúmsloftið.
Í Kastljósi segir forseti Íslands að
sendiherra Noregs hafi rangtúlkað
og farið rangt með í skýrslu sem
hann hefur ekki séð. Það er óneit-
anlega sérkennilegt, að forseti,
fræðimaðurinn Ólafur Ragnar
Grímsson, skuli tjá sig svo ítarlega
um skýrslu, sem hann hefur ekki
séð.
Í fullri hreinskilni sagt, þá vildi ég
ekki vera í sporum sendiherra í landi
þar sem þjóðhöfðinginn segir í sjón-
varpsviðtali að ég hafi sagt ósatt um
hann í embættisskýrslu til yf-
irmanna minna. Þetta er mjög alvar-
leg ásökun. Annaðhvort segir forseti
Íslands ósatt, og því vil ég helst ekki
trúa, eða sendiherra Noregs hefur
gerst sekur um alvarleg embætt-
isglöp. Því vil ég alls ekki trúa eftir
löng og traust kynni af starfs-
mönnum norsku utanríkisþjónust-
unnar í áranna rás og ekki síst þau
fimm ár, sem ég var sendiherra Ís-
lands í Noregi. Hvers vegna í ósköp-
unum ætti sendiherra Noregs að
segja að forseti Íslands hafi sagt
eitthvað, sem hann sagði ekki?
Brýnt er að sannleikurinn í þessu
máli komi fram. Það voru mörg vitni
á staðnum. Það er auðvitað óvið-
unandi fyrir sendiherra Noregs á Ís-
landi að liggja undir því ámæli að
hafa sagt yfirmönnum sínum ósatt
um hvað forseti Íslands sagði í þess-
um hádegisverði.
Það hlýtur að vera eðlilegt og
nauðsynlegt, að einhver eða ein-
hverjir af starfsbræðrum norska
sendiherrans, sem þarna voru
staddir, taki nú til máls og taki af öll
tvímæli um hvað þarna var sagt.
Til varnar sendiherrum
Eiður Guðnason
veltir fyrir sér um-
mælum Ólafs Ragn-
ars Grímssonar um
skýrslu norska
sendiherrans á Ís-
landi þar sem segir
af ummælum for-
seta Íslands í há-
degisverðarboði
fyrir skömmu
» Það er óneitanlega
sérkennilegt, að for-
seti, fræðimaðurinn
Ólafur Ragnar Gríms-
son, skuli tjá sig svo ít-
arlega um skýrslu, sem
hann hefur ekki séð.
Eiður Guðnason
Höfundur er fyrrverandi
sendiherra Íslands í Noregi.
Mikið úrval af
fallegum
rúmfatnaði
Skólavörðustíg 21, Reykjavík, sími 551 4050 Sími 551 3010
Fréttir á SMS