Morgunblaðið - 07.12.2008, Blaðsíða 23

Morgunblaðið/Ómar
23
MORGUNBLAÐIÐ SUNNUDAGUR 7. DESEMBER 2008
M
b
l1
06
41
24
Síðumúla 3 · Reykjavík · 553 7355
Opið 11-18 virka daga, 11-17 laugard.
Undirföt • náttföt • náttkjólar
sloppar • kvenfatnaður
Gjafabréf
Jólakjólar
og falleg föt
í jólapakkann
Glæsilegar jólagjafir
Pétur: „Hann Elli var alltaf mjög
kelinn sem krakki, það var aldrei
vandamál að knúsa hann. Hann
var líka viðkvæmur. Ég man eftir
einu atviki á gamlárskvöld þegar
við sprengdum tívolíbombu með
látum. Konan mín hélt á Ella á
meðan þetta átti sér stað en hvell-
irnir voru rosalegir, eins og fall-
byssuskot, og greyið var alveg
skíthræddur. En þegar þetta var
búið sagði hann: „Ég var ekkert
skíthræddur!“ Elli hefur alltaf
verið mjög góð sál.
Við bjuggum ekki saman nema
þegar mamma hans fór út í nám
voru krakkarnir hjá okkur, bæði
Guðrún og Elli, og það var ynd-
islegt. Þegar fólk býr ekki saman
eru tengslin óneitanlega öðruvísi.
Umgengnin verður ekki eins náin
en það er enginn vandi að byggja
upp samband við hann Ella.
Elli er það sem ég kalla sögu-
maður, hann segir auðveldlega
sögur og kann að segja sögur.
Þetta er ákveðin gáfa. Hann getur
verið óheyrilega fyndinn í frásögn-
inni. Ég hef séð Ella á tónleikum
og þetta kemur auðvitað fram þar.
Gítarkennsla hjá KK
Hann lék son minn í Þrúgum
reiðinnar í Borgarleikhúsinu árið
1991, skömmu eftir að leikhúsið
var opnað. Þar kynntist Elli
manni að nafni KK, sem var
meðal annars að syngja
„Vegbúann“ í sýningunni. Ég
man ekki hvernig það gerðist
en á einhverjum tímapunkti var
KK farinn að kenna honum á gít-
ar. Í lokapartíinu um vorið spiluðu
þeir saman. Ég skal alveg við-
urkenna það að ég var mjög hissa.
Einhvern tímann þegar ég var
ungur maður gerði ég tilraun til
þess að læra að spila á gítar en
það varð aldrei nein alvara úr því.
Ég fékk notaðan gítar hjá ein-
hverjum og lét gera hann upp en
lengra náði það ekki. En Elli
komst lengra. Það kom mér veru-
lega á óvart hvað hann var búinn
að læra mikið á gítarinn hjá KK.
Þeir náðu vel að tengja, KK og
Elli.
Það er ómögulegt að segja hvort
við eigum eftir að vinna aftur sam-
an en maður á aldrei að
segja aldrei. En
hann finnur far-
veg fyrir sögu-
manninn sinn í
samskiptum við
annað fólk eða
í tónlistinni.
Hann er oft upptekinn, sér-
staklega í kringum plötuútgáfu, og
þá þarf maður að vera duglegur
við að draga upp úr honum frétt-
irnar. Hann er ekki montinn hann
Elli.
Hann er rosalega hlýr og það er
enginn vandi að faðma hann. Þessi
grunnur í manni verður til strax.
Hann breytist ekkert. Elli er að
eðlisfari mjög hlý manneskja.
Alltaf í góðu skapi
Hann var um tíma að vinna í
plötubúðinni hjá Smekkleysu og
ég gef mér að það hafi verið ágæt-
ur skóli fyrir hann, að hlusta þar á
bæði gamla og nýja diska. Núna er
hann að vinna hjá Friðriki Skúla-
syni og maður heyrir þegar maður
hringir í hann í vinnuna að hann
er með hlýlegt og kátt viðmót. Elli
er glaðlyndur. Hann er hreinskipt-
inn og líka mjög skapgóður. Ég
held að hann sé eiginlega alltaf í
góðu skapi, hvort sem það er svo
satt eða ekki! Það er aldrei neitt
vesen með hann Ella.
Það eina sem skiptir mig máli er
að hann sé að gera eitthvað sem
hann vill gera. Hitt, að fara að
gera eitthvað sem maður hefur
ekki áhuga á að gera, það er bara
uppáskrift að óhamingju.
Ég fór einhvern tímann og
hlustaði á hljómsveitina hans á
Gauki á Stöng. Það var alveg
pakkað en þetta var þegar
sveitin var að kynna fyrstu
plötuna sína. Ég er ekki alveg
eins duglegur núna. Ég var
að spá í að fara á útgáfu-
tónleikana en svo hugsaði ég
með mér – ég fæ bara disk
hjá honum Ella!“
Er góður sögumaður
‘‘HANN ER ROSALEGAHLÝR OG ÞAÐ ER ENGINN VANDI AÐFAÐMA HANN
fæddist 31. október árið 1940. Hann er sonur Einars Guttorms-
sonar, sjúkrahúslæknis í Vestmanneyjum, og Margrétar Krist-
ínar Pétursdóttur en þau eru bæði látin. Pétur er kvæntur
Birgitte Heide, kennara og fagstjóra við Listdansskóla Ís-
lands. Þau eiga saman Pétur Heide Pétursson, 18 ára nema
við Verslunarskóla Íslands. Pétur hefur starfað sem leikari
og leikstjóri frá því hann útskrifaðist úr Leiklistarskóla
Leikfélags Reykjavíkur árið 1964. Hann stundaði fram-
haldsnám í Bandaríkjunum 1965-1966 og var skólastjóri
Leiklistarskóla Íslands frá stofnun 1975 til ársins 1983.
Ennfremur hefur hann staðið fyrir námskeiðum sem
hjálpa fólki til að hætta að reykja með því að losa það við
löngunina.
PÉTUR EINARSSON