Morgunblaðið - 07.12.2008, Blaðsíða 47

Minningar 47
MORGUNBLAÐIÐ SUNNUDAGUR 7. DESEMBER 2008
Afi var góður og
skemmtilegur, hann
var alltaf að grínast
og var mjög góður í fótbolta og
golfi.
Okkur fannst gaman að leika
okkur með honum, fara út á róló, í
sund og í bíó. Við eigum eftir að
sakna afa mjög mikið. Við ætlum
að vera dugleg að fara með bæn-
irnar okkar og biðja fyrir afa og
líka vera góð við ömmu. Við eigum
fullt af myndum til af afa sem við
ætlum að skoða og hafa nálægt
okkur svo okkur líði betur.
Við elskum þig alla leið upp til
stjarnanna og aftur til baka, elsku
afi.
Afabörnin þín,
Patrekur, Andrea og Karen.
Elsku besti bróðir minn.
Hér sit ég og reyni að koma
hugsunum mínum á blað sem er
svo erfitt því ótal minningar flæða
fram þegar ég læt hugann reika
um líf okkar saman. Þú varst stóri
bróðir minn og mitt leiðarljós í líf-
inu þegar við vorum börn.
Það varst þú sem kenndir mér
að reima skóna mína, þú kenndir
mér líka stafrófið og passaðir mig
ávallt þegar einhver var að stríða
mér. Ég man þegar við báðum
bænirnar okkar saman og líka
þegar þú gættir mín á kvöldin
þegar mamma var í vinnu og
pabbi á sjónum. Í raun hefurðu
verið til staðar fyrir mig alla tíð.
Ég man líka þegar þú varst að
spila á Framvellinum og ég fékk
stolt að horfa á þig með strákun-
um. Það var á þeim tíma sem þú
byrjaðir að kalla mig Brynju „sys“
og ég kallaði þig Nonna „bró“.
Það eru bara fallegar minningar
í mínum huga um þig elsku besti
bróðir. Ég hvíslaði að þér þegar
þú varst sem veikastur uppi á
spítala og gaf þér loforð um að
hugsa vel um barnabörnin þín
sem þú sást ekki sólina fyrir og
við það stend ég. Ég sagði þér
einnig að ég ætlaði að útskýra fyr-
ir Patreki hvernig góður bróðir á
að vera við systur sínar Andreu
og Karenu og það geri ég með því
að segja honum hversu góður
bróðir þú hefur reynst mér.
Það var svo bjart yfir öllu þegar
þið Pálína fóruð saman til Dan-
merkur í frí í júní í sumar. Þá
gerðist það sem enginn gat séð
fyrir, þú slasaðist og fimm dögum
síðar kom í ljós að þú varst háls-
brotinn. Þú áttir erfiðan tíma en
við vorum viss um að þetta tæki
enda og þú yrðir orðinn góður eft-
ir tvo mánuði. Hinn 5. september
kom reiðarslagið þegar rannsókn-
ir sýndu að þú værir með krabba-
mein sem búið væri að dreifa sér
um allan líkamann. Þú hafðir aldr-
ei kennt þér neins meins og þegar
læknarnir spurðu þig hvort þú
hefðir aldrei fundið fyrir neinu
svaraðir þú: „Nei“ og hafðir ekki
grun um að krabbameinið hafði
verið að hreiðra um sig í langan
tíma.
Elsku Nonni, þú varst svo
ákveðinn í að sigrast á þessum
sjúkdómi, en þegar þú fékkst að
vita að líf þitt yrði ekki lengra en
örfáir mánuðir til viðbótar þá var
það þín helsta ósk að fá tækifæri
til að eyða jólunum með barna-
börnunum og fjölskyldu þinni. Því
miður fékkstu ekki þann tíma. Ég
var svo stolt af þér en á sama
tíma fann ég svo til með þér því
þú varst alltaf með rænu og gast
leiðbeint okkur með augunum.
Fimmtán mínútum áður en þú lést
Jón Nordquist
✝ Jón Nordquistfæddist í Reykja-
vík 20. apríl 1950.
Hann lést á krabba-
meinsdeild Landspít-
alans við Hringbraut
27. nóvember síðast-
liðinn og fór útför
hans fram frá Dóm-
kirkjunni í Reykjavík
5. desember.
sagðir þú við Pálínu
og Ásgeir: „Sjáið“,
„sjáið“ og horfðir
upp til himna. Við
vitum ekki hvað þú
sást en erum sann-
færð um að þú hafir
séð ljós sem vísar
þér veginn til þess
staðar sem við getum
öll sameinast á síðar.
Ég sá þig taka síð-
asta andardráttinn
elsku bróðir minn og
því gleymi ég aldrei.
Ég var lánsöm að
eignast bróður eins og þig og þú
færðir mér einnig þína yndislegu
fjölskyldu sem hefur verið svo
stór hluti af lífi mínu og minnar
fjölskyldu.
Ég kveð þig núna elsku einasti
Nonni „bró“ og veit að pabbi tek-
ur vel á móti þér ásamt öllum hin-
um englunum sem við þekktum og
elskuðum.
Þín einasta,
Brynja „sys“.
Meira: www.mbl.is/minningar
Kæri Nonni.
Á sama tíma og heilt samfélag
hefur háð baráttu gegn hruni á
fjármálakerfi landsins barðist þú
fyrir því að fá að lifa örlítið leng-
ur. Þínar óskir síðustu dagana
fyrir andlátið voru aðeins þær að
fá að deila jólunum með fjölskyldu
þinni og horfa á barnabörnin þín
þessi síðustu jól sem þú áttir ólif-
uð. Því miður rættist sú ósk ekki,
kæri vinur, en þessi jól og allar
aðrar samverustundir fjölskyld-
unnar verða tileinkaðar þér. Þú
hefur haft þann sérstaka eigin-
leika að taka öllu með stóískri ró
og láta helst ekkert raska jafn-
vægi þínu. Þessi eiginleiki þinn
smitaði út frá sér og öllum leið vel
í nærveru þinni. Þú miðlaðir til
barnanna þinna og síðar barna-
barnanna góðum gildum sem eiga
eftir að lifa með þeim um ókomna
tíð. Þú sýndir þeim mikla ást og
hlýju og svo hafðir þú ómældan
skammt af kímnigáfu og gast
fengið alla til að hlæja, jafnvel á
erfiðum stundum.
Ég er lánsamur að hafa fengið
að kynnast þér, Pálínu, börnunum
ykkar og barnabörnum. Þið hafið
fært gleði og vináttu inn í líf okk-
ar og þegar á bjátar í lífinu mun
ég hugsa til þín. Þú hefur sýnt
okkur að það sem skiptir mestu
máli í lífinu er manngæska, hlýja
og umhyggja fyrir öðrum. Þannig
lifðir þú og það eigum við hin sem
eftir lifum að tileinka okkur til
þess að heiðra minningu þína.
Þórhallur.
Elsku Nonni, það tekur mig
sárt að þurfa að kveðja þig svo
fljótt. Finnst aðeins vera augna-
blik síðan þú gekkst hér inn um
dyrnar á Nýlendugötunni glaður í
bragði og fullfrískur. Það geislaði
alltaf svo mikil góðvild og gleði
frá þér, alltaf stutt í hláturinn og
húmorinn. Meira að segja daginn
áður en þú kvaddir okkur var
stutt í spaugið hjá þér. Þú varst
ákaflega glaðlynd og blíð mann-
eskja og ég er heppin að hafa
kynnst þér.
Ég man hvað mig langaði alltaf
að gera eitthvað eða gefa þér eitt-
hvað þegar þú lást á spítalanum,
en það var einhvern veginn ekkert
sem mér datt í hug. En þegar þú
varst sem veikastur þá baðstu mig
að syngja fyrir þig, mér fannst
það fullkomin leið til að gleðja þig
og gefa þér styrk á þessum erfiða
tíma sem þú áttir. Þetta var falleg
stund inni á herberginu þínu, allir
þínir nánustu voru þarna saman-
komnir til að vera með þér. Ég
söng Hvítir mávar og Sofðu unga
ástin mín fyrir þig, og virtist þér
líka vel og klappaðir meira að
segja. Ég fann fyrir nærveru svo
margra annarra á þessari stundu.
Pabbi þinn var þarna og svo allir
þeir sem ætluðu að taka á móti
þér hinum megin. Þegar ég söng
fyrir þig í kistulagningunni vissi
ég að þú stóðst þarna við hlið Pál-
ínu og naust þess að hlusta. Þótt
þetta hafi verið sorgarstund þá
fann ég hlýju í hjarta við að
syngja þetta til þín því ég vissi að
þú varst þarna með okkur að
hlusta.
Elsku Nonni, það er svo sárt að
þurfa að kveðja, vertu sæll þangað
til næst þegar við hittumst öll og
skálum í kampavíni í himnaríki.
Þín frænka,
Gunnur Þórhalls Eriksdóttir.
Okkar kæri vinur Jón Nor-
dquist er látinn langt um aldur
fram.
Við kynntumst Nonna og Pálu
gegnum sameiginlega vini um það
leyti sem þau voru að hefja líf sitt
saman og höfum við síðan haldið
vinskap við þau heiðurshjón. Við
minnumst Nonna sem góðs fjöl-
skylduföður, ferða- og íþrótta-
félaga og samkvæmisvinar. Okkur
er minnisstæð glettni hans og já-
kvæðni svo og hans fjölmörgu
áhugamál, en þar var fjölskyldan
ætíð í fyrsta sæti.
Oft komum við á heimili þeirra
hjóna, ekki síst hér áður fyrr þeg-
ar heimsóknir voru algengari, og
áttum með þeim góðar stundir.
Nonni var talsvert ríkur af hljóm-
list, sem gaman var að njóta með
þeim. Og svo var skipst á mat-
arboðum eins og gengur, en
Nonni var listagrillari. Alloft fór-
um við saman í styttri og lengri
ferðalög bæði innanlands og er-
lendis. Allra þessara stunda minn-
umst við með þakklæti og mikill
verður treginn næst þegar sam-
eiginlegir vinir hittast.
Nonna er sárt saknað af hnit-
félögunum sem hist hafa tvisvar í
viku í fjölmörg ár og stundað
íþróttina af elju.
Hugur okkar er nú hjá Pálu,
börnum, tengdabörnum og barna-
börnum, sem alltof stutt fengu að
njóta samvista við Nonna. Við
vottum Höllu, Brynju og öðrum í
fjölskyldu þeirra hjóna okkar hug-
heilustu samúð.
Sveinn og Kolbrún.
Þótt ég sé látinn, harmið mig ekki með
tárum, hugsið ekki um dauðann með
harmi eða ótta. Ég er svo nærri, að
hvert eitt tár ykkar snertir mig og
kvelur, þótt látinn mig haldið.
En þegar þið hlæið og syngið með glöð-
um hug lyftist sál mín upp í mót til
ljóssins. Verið glöð og þakklát fyrir allt
sem lífið gefur og ég, þótt látinn sé, tek
þátt í gleði ykkar yfir lífinu.
(Kahlil Gibran)
Kæri vinur, hafðu þökk fyrir
allt.
Elsku Pálína og fjölskylda,
megi minningin um Jón vera með
okkur um ókomin ár.
Emmy og Guðjón.
Elsku vinurinn Jón, ég átti ekki
von á því að þú kveddir okkur
svona fljótt.
Ég vonaði að við gætum átt
góðar stundir nú í desember.
Gætum farið á okkar mánudög-
um og hitt bræður okkar.
Það er sérkennilegt til þess að
vita að heimili okkar voru aðeins í
150 m fjarlægð. Samt hittumst við
ekkert oftar. Áhugi þinn á mánu-
dögunum hafði verið að aukast
undanfarið. Það er ég ánægður
með vegna þess hversu fölskva-
laust það var hjá þér.
Verð að segja það um þig að
traustari og þagmælskari manni
hef ég ekki áður kynnst á lífsleið-
inni hægt var að segja hvað sem
var án þess að það færi lengra.
Það er gott að geta treyst fólki,
það boðar gott og er gott far-
arnesti fyrir eftirlifendur.
Nú gengur þú í austurátt og ég
bið hinn hæsta að taka á móti þér
þar.
Elsku Pála og þín fjölskylda öll,
ég bið ykkur guðsblessunar,
vitandi það að hreinar sálir eiga
gott athvarf.
Þorsteinn Hermannsson.
✝
Ástkær eiginmaður minn, faðir, tengdafaðir, bróðir,
afi og langafi,
KRISTINN ÓSKARSSON
fyrrverandi lögreglumaður,
Hæðargarði 35,
verður jarðsunginn frá Bústaðakirkju þriðjudaginn
9. desember kl. 15.00.
Blóm og kransar vinsamlegast afþakkaðir, en þeim
sem vilja minnast hins látna er bent á líknarstofnanir.
Ágústa Jónsdóttir,
Óskar Kristinsson, Jarþrúður Williams,
Anna K. Östmark, Gunnar Östmark,
Eyrún Kristinsdóttir, Haraldur A. Haraldsson,
Jón Gnarr, Jóhanna Jóhannsdóttir,
Guðmundur Óskarsson,
Guðrún Óskarsdóttir,
afa- og langafabörn.
✝
Ástkær eiginmaður minn, faðir okkar, tengdafaðir
og afi,
BJÖRN BJÖRNSSON
flugvirki,
Hörðukór 1,
Kópavogi,
lést á líknardeild Landspítalans laugardaginn
29. nóvember.
Útförin verður frá Fossvogskirkju þriðjudaginn 9. desember kl. 13.00.
Sigþrúður Zóphóníasdóttir,
Sigrún Edda Björnsdóttir, Axel Hallkell Jóhannesson,
Leifur Björn Björnsson, Steinunn Anna Gunnlaugsdóttir,
Oddný Anna Björnsdóttir, Pálmi Einarsson,
Hlynur Ómar Björnsson, Elísa Davíðsdóttir,
Lára Björg Björnsdóttir
og barnabörn.
✝
Eiginmaður minn, faðir okkar, tengdafaðir og afi,
ODDUR GUNNARSSON
bóndi,
Dagverðareyri
við Eyjafjörð,
varð bráðkvaddur á heimili sínu sunnudaginn
30. nóvember.
Útför hans fer fram frá Akureyrarkirkju þriðjudaginn
9. desember kl. 13.30.
Gígja Snædal,
Fríða Oddsdóttir, Indriði Þröstur Gunnlaugsson,
Rannveig Oddsdóttir, Svanlaugur Jónasson,
Jóhanna María Oddsdóttir,
Þórgunnur Oddsdóttir, Birkir Baldvinsson
og barnabörn.
✝
Ástkær eiginmaður minn, faðir, tengdafaðir og afi,
HÖRÐUR JÓNASSON
húsasmíðameistari,
Mánabraut 6,
Kópavogi,
verður jarðsunginn frá Fossvogskirkju
miðvikudaginn 10. desember kl. 13.00.
Sigrún Eliseusdóttir,
Ellert Ingi Harðarson, Oddný Jóna Þorsteinsdóttir,
Jónas Freyr Harðarson, Anna Soffía Reynisdóttir
og barnabörn.
✝
Ástkær eiginmaður minn, faðir, tengdafaðir, afi og
langafi,
SIGURSTEINN HEIÐAR JÓNSSON
múrari,
Sólvangsvegi 3,
Hafnarfirði,
verður jarðsunginn frá Fríkirkjunni í Hafnarfirði
mánudaginn 8. desember kl. 15.00.
Ágústína Berg Þorsteinsdóttir,
Heiðdís Sigursteinsdóttir, Vilhjálmur Þórðarson,
Hafdís Sigursteinsdóttir, Jón Tryggvi Kristjánsson,
Snorri Hallgrímsson,
afa- og langafabörn.