Morgunblaðið - 03.01.2009, Page 8

8 FréttirINNLENT
MORGUNBLAÐIÐ LAUGARDAGUR 3. JANÚAR 2009
„ÞJÓÐIN er nú
sem fyrr þeirrar
skoðunar að það
eigi að ganga til
aðildarviðræðna
við Evrópusam-
bandið. Það þarf
ekki að hafa
þjóðaratkvæða-
greiðslu um það,
ef eitthvað er að
marka svona
skoðanakannanir,“ segir Jón Stein-
dór Valdimarsson, framkvæmda-
stjóri Samtaka iðnaðarins.
Stuðningur við aðildarumræður
hefur lengi komið fram í könnunum
SI og vekur Jón Steindór athygli á
að hann hafi frekar aukist.
Tekur hann fram að þótt hann
telji ekki þörf á þjóðaratkvæða-
greiðslu um viðræður, hafi hann
ekkert á móti því að hún fari fram.
Eftir Helga Bjarnason
helgi@mbl.is
MIKILL meirihluti landsmanna er
hlynntur því að taka upp aðild-
arviðræður við Evrópusambandið,
samkvæmt skoðanakönnun sem
Capacent Gallup gerði fyrir Samtök
iðnaðarins í síðasta mánuði. Þá eru
fleiri hlynntir aðild að ESB en and-
vígir. Meirihlutinn er hlynntur því
að taka upp evru í stað íslensku
krónunnar.
Samtök iðnaðarins (SI) láta
reglulega gera kannanir á viðhorfi
almennings til Evrópusambandsins.
Könnunin sem nú er birt var net-
könnun. Svör fengust frá 650 af
þeim 1200 sem leitað var til.
Fram kemur í niðurstöðunum að
65,5% svarenda eru hlynntir því að
taka upp aðildarviðræður við Evr-
ópusasmbandið en tæp 20% andvíg.
Frá því í september hefur fylgi auk-
ist við aðildarviðræður, samkvæmt
könnunum SI, en andstaða minnk-
að.
Fjölgar í óvissa hópnum
Önnur mynd kemur upp þegar
spurt er beint um afstöðu til aðildar
að Evrópusambandinu. Tæp 43%
segjast hlynnt aðild en rúm 31%
andvíg. Fylgjendum aðildar hefur
fækkað frá könnunum í október og
nóvember en andstæðingum fjölgað
heldur. Þá hefur þeim fjölgað sem
segjast óákveðnir, þeir eru nú lið-
lega 26% svarenda.
Mesta fylgi við aðild er meðal
fólks á aldrinum 25-34 ára og fylgi
við hugmyndina vex eftir því sem
fjölskyldutekjur eru hærri. Þeir
sem hafa háskólapróf eru áhuga-
samari um ESB-aðild en aðrir. And-
staða er marktækt meiri utan höf-
uðborgarsvæðisins en í Reykjavík.
Kjósendur Samfylkingarinnar
eru mun áhugasamari um aðild að
ESB en kjósendur Sjálfstæðisflokks
og Vinstri hreyfingarinnar – græns
framboðs en mesta andstaðan er
meðal kjósenda Frjálslynda flokks-
ins.
Nú eru 62,6% Íslendinga hlynnt
því að taka evru upp sem gjaldmiðil
á Íslandi í stað íslensku krónunnar
en 17,6% andvíg. Er minni áhugi á
evrunni en var í nóvember en áhug-
inn er þó meiri en sams konar skoð-
anakannanir Samtaka iðnaðarins á
fyrri hluta ársins bentu til.
Mikill meirihluti vill viðræður
Minnkandi áhugi á ESB-aðild og evru
en þeim fjölgar sem vilja viðræður 



  


  
  






  

  


 








       ! !
"#  #$% &
TÓLF manns létust í jafnmörgum
umferðarslysum á síðasta ári, sam-
kvæmt upplýsingum frá Umferð-
arstofu. Frá því að formleg skrán-
ing umferðarslysa hófst hafa aðeins
tvisvar færri látið lífið í umferðinni
á ári, árin 1968 og 1996. Skráning
hófst árið 1967. Á undanförnum
tuttugu árum hafa að meðaltali
tæplega 22 látið lífið í umferðinni
ár hvert.
Þrátt fyrir jákvæða þróun bendir
Umferðarstofa á, að tólf dauðsföll í
umferðinni eru vitanlega óvið-
unandi. Eitt slys geti einnig hækk-
að hlutfallslegan fjölda látinna um
tugi prósenta. Þróun og árangur
umferðaröryggis verði þannig að
meta út frá samanlögðum fjölda lát-
inna og alvarlega slasaðra. Þær töl-
ur liggja þó ekki enn fyrir.
Engin banaslys á sjó
Enginn lét lífið í sjóslysi á ís-
lenskum skipum á nýliðnu ári. Sam-
kvæmt upplýsingum frá Sigl-
ingastofnun Íslands er það einstakt.
„Vegna náinna tengsla við hafið og
mikilvægis sjósóknar frá upphafi,
er jafnvel hægt að leiða að því líkur
að 2008 hafi verið fyrsta árið frá
landnámi án banaslysa á sjó,“ segir
í tilkynningu frá stofnuninni.
Á síðari hluta síðustu aldar fór
banaslysum á sjó mjög fækkandi og
hefur sú þróun haldið áfram það
sem af er þessum áratug. Sigl-
ingastofnun telur þær skýringar
helstar að skipakostur hafi batnað,
öryggiskröfur til skipa hafi aukist
en einnig að sjómönnum hafi fækk-
að.
Morgunblaðið/Júlíus
Fjöldi 434 einstaklingar hafa látist í
umferðinni á undanförnum 20 árum.
Sjaldan
færri
banaslys
KVEIKT var í ónýtum flug-
eldatertum í bakgarði hússins Berg-
staðastræti 20 skömmu eftir hádeg-
ið í gær. Húsið er úr timbri og
stendur autt. Það hefur verið í frétt-
um vegna óánægju íbúa með slæma
umgengni við húsið. Að sögn
Slökkviliðs höfuðborgarsvæðisins
gekk greiðlega að slökkva eldinn.
Kári Halldór Þórsson, sem býr í
næsta nágrenni við húsið, telur að
það skapi mikla hættu. Rúður á bak-
hlið þess séu brotnar og það standi
þannig hálfopið. Kári kvaðst hafa
séð ummerki um að fiktað hefði ver-
ið með eld við kjallaraglugga á suð-
vesturgafli hússins. Hann segir að
ef kvikni í húsinu, t.d. í hávaðaroki,
sé ómögulegt að segja hve mikla
hættu það geti skapað fyrir hús í
nágrenninu. gudni@mbl.is
Kveikt í við
yfirgefið hús
„HELDUR þykir okkur súrt í brotið
að ferðakostnaður okkar með Strætó
til og frá vinnu muni frá og með ára-
mótum tvöfaldast, á sama tíma og
þjónustan skerðist verulega,“ segja
hjónin Sigríður Indriðadóttir og
Hjörtur Hróðmarsson, íbúar á Akra-
nesi, í grein á vefnum Skessuhorni.
Þar segjast þau harma það að
verðskrá Strætós hækki mikið nú
um áramót og þjónustan skerðist en
þau eru meðal margra Akurnesinga
sem nýta strætóferðir til Reykjavík-
ur. Níu mánaða kort kostar nú frá
áramótum 61 þúsund en kostaði áður
rúmlega 30 þúsund krónur. Þá er því
einnig mótmælt í bréfi þeirra að
fyrsti vagn frá Akranesi aki ekki nið-
ur í Ártún eins og áður var heldur í
Mosfellsbæinn. „Þetta kemur sér
mjög illa fyrir marga sem hafa nýtt
sér þessa þjónustu þar sem stoppið í
Ártúni skiptir marga, sem þurfa að
taka aðrar leiðir áfram í vinnu eða
nám, miklu,“ sagði Hjörtur í samtali
við Morgunblaðið í gær.
Breytingar á gjaldskrá Strætós,
og þjónustunni nú um áramót, taka
mið af því að hagræða en jafnframt
halda þjónustustigi áfram viðunandi.
Segjast þurfa að hætta
að nota Strætóferðir
Skerðing á þjónustu Strætós á Akranesi mótmælt
Í HNOTSKURN
» Árskort sem keypt voruseinnipart árs í fyrra
gilda ekki frá og með ára-
mótum en hægt er að setja
þau upp í kaup á nýjum kort-
um.
» Í breytingunum á ferðumStrætós til og frá Akra-
nesi felst að ferðum er fjölg-
að yfir daginn.
Jón Steindór
Valdimarsson
Þarf ekki
þjóðaratkvæði
LJÓSIN frá flugeldunum gleðja marga meðan
þau loga á himninum. Þegar birtir kemur hins
vegar í ljós allur sá mikill óþrifnaður sem fylgir
flugeldunum. Þeir Ólafur Bæring og Gunnar Jök-
ull voru önnum kafnir við tiltekt á Ægisíðunni í
Reykjavík í gær, en þar var talsvert um flug-
eldadrasl. Hreinsunardeild Reykjavíkurborgar
hvetur borgarbúa til að taka til eftir gleðskap
gamlársdags, en biður fólk jafnframt að setja
flugeldaruslið ekki í öskutunnur heldur skila því á
móttökustöðvar Sorpu. Talið er að flutt hafi verið
til landsins um 700 tonn af flugeldum þetta árið.
Þyngdin er líklega enn meiri sé tekið tillit til þess
að rignt hefur í dótið. Það er því mikið rusl sem
þarf að tína upp á landinu öllu.
Ólafur Bæring og Gunnar Jökull nýta vel tímann meðan frí er í skólanum
Taka upp ruslið með bros á vör
Morgunblaðið/RAX