Morgunblaðið - 29.03.2009, Blaðsíða 50

svara kalli aðdáenda. „Það þurfti líka að minnka
álagið á heimilum þessara barna sem voru í Rokk-
lingunum en sum þurftu nánast að fara í felur og fá
önnur símanúmer vegna vinsælda. Krakkarnir
komu saman á skrifstofunni hjá mér um tvisvar í
mánuði og skrifuðu á myndir og svöruðu aðdá-
endabréfum. Klúbburinn lifði út aðra plötuna en
fór svo að dala og var lagður niður.“
Rokklingaskóli var líka stofnaður í samstarfi við
Jazzballettskóla Báru. „Það er í aðdraganda ann-
arrar plötunnar sem ég og Bára opnum Rokklinga-
skólann. Það var í raun og veru til gamans gert því
það voru svo margir krakkar sem
Eftir Ingveldi Geirsdóttur
ingveldur@mbl.is
F
yrirmyndin að Rokklingunum var
Mini Pops frá Englandi. Það var hug-
detta að athuga hvort það væri hljóm-
grunnur fyrir svipaðri hugmynd með
íslenskum dægurlögum og íslenskum
börnum,“ segir Birgir Gunnlaugsson, stofnandi
Rokklinganna. Þetta var árið 1988 og rak Birgir þá
BG-útgáfu og hafði verið að gefa út kassetturnar
Barnaleikir. „Krakkarnir mín-
ir voru þá í Seljaskóla og ég
forvitnaðist um það innan
kórsins hvort þar væru krakk-
ar sem vildu syngja inn á
svona snældu. Þá myndaðist
sá kjarni sem síðan varð
Rokklingarnir.
Síðan auglýstum við eftir
krökkum í viðbót, fórum í
gegnum 200-300 umsækj-
endur og völdum úr þeim
fimm sem bættust við þau 5
eða 6 sem ég var þegar með úr kór Seljaskóla. Svo
var alltaf smá kjarni þar fyrir utan
sem myndaði kór. Ætli það hafi
ekki verið rúmlega tuttugu
krakkar sem komu að öllum plöt-
unum, hópurinn sem telst vera
hinir eiginlegu Rokklingar,“ segir
Birgir.
Fyrsta Rokklingaplatan kom út
árið 1989 og urðu þær þrjár í
heildina á þremur árum. Eftir
þriðju plötuna selur Birgir útgáfu
sína til Skífunnar og þá deyja
Rokklingarnir út.
Leitað eftir sjarma
Að sögn Birgis þurftu þeir sem
vildu vera Rokklingar að hafa nátt-
úrulega hæfileika til að geta sungið
og einhvern sjarma í röddinni auk
þess að vera frjálst og óheft barn.
„Þetta snerist um einhver sérkenni í
blæbrigðum raddarinnar og hvernig
barnið upplifði lagið sem það var að
syngja. Þó að það væru einhver mis-
tök og ekki alveg hreinir tónar, var
það látið lifa á plötunum og það
finnst mér hafa verið sá þáttur sem
höfðaði mest til barnanna sem voru
að hlusta, þau fundu sjálf sig í þessu,
gátu sungið og dansað með.“
Birgir segir Rokklingana hafa orð-
ið mikið frægari en hann bjóst við.
„Það kom okkur öllum mjög á óvart
hvað þetta varð að mikilli sprengju.“
Rokklingaklúbbur og skóli
Með útgáfu fyrstu plötunnar var
Rokklingaklúbburinn stofnaður til að
vildu læra að vera eins og Rokklingarnir.
Þeim var kennt að dansa og syngja, þau fóru í
stúdíó og sungu við sama undirspil og Rokkling-
arnir og að lokum var nemendasýning sem var tek-
in upp á vídeó og þar fengu allir nemendurnir
myndband af sér syngjandi sinn part af Rokk-
lingalögunum.“
Ekki aftur
Eins og gefur að skilja á Birgir sitt uppáhalds
Rokklingalag.
„Ég held að „Nína og Geiri“ standi upp úr á öll-
um ferlinum, bæði
myndbandið og
söngvararnir sem
sungu það voru al-
veg kostulegir.
„Jibbí jey“ varð
líka gríðarlega
vinsælt hjá
krökkunum og
dansinn við það,“
segir Birgir sem
gæti ekki hugsað
sér að setja álíka
grúppu saman
aftur. „Ég er
þeirrar trúar að
ef maður gerir
eitthvað sem
heppnast svona
vel sé ekki hægt
að endurtaka
það.“
ROKKLINGUNUM
Birgir Gunn-
laugsson
Seljast vel Rokklingarnir taka við gullplötu fyrir fyrstu plötuna sem var samnefnd þeim.Fullt hús Rokklingarnir skemmta í Inghól á Selfossi fyrir fullu húsi aðdáenda.
Tónlistin Þrjár plötur á þremur árum. Fyrsta er sam-
nefnd sönghópnum, önnur heitir Af lífi og sál og sú
þriðja Það er svo undarlegt. Allar seldust þær vel.
Rokklingarnir störfuðu frá 1989 til 1991 og komu út þrjár plötur með
þeim á því tímabili. Grúppuna skipuðu ungir krakkar sem sungu syrpur af
íslenskum dægurlögum við miklar vinsældir jafnaldra sinna.
Bragi Þór Valsson er virðulegur á fyrstaplötuumslagi Rokklinganna, eins og
hljómsveitarstjóri. Það
er kannski ekki tilviljun
að í dag er hann með
masterspróf í kórstjórn,
útskrifaður klarenettu-
leikari og menntaður í
söng.
Bragi var í Rokkling-
unum allan tímann, frá
tíu til þrettán ára aldurs,
og var fenginn í þá úr
kór Seljaskóla. „Það var allt í kringum sjálfa
tónlistina í Rokklingunum mjög skemmti-
legt, enda átti ég met í einsöng á plötunum,
en að vera Rokklingur gerði lífið ekki auð-
velt. Ég skipti um skóla á tímabilinu og lenti
í svolitlu einelti í nýja skólanum. Upp á það
að gera var þetta leiðinlegt en ég lærði gíf-
urlega mikið af þessu tónlistarlega.“
Bragi segir að vertíðin hafi aðallega verið
fyrir jólin. „Við fengum samt lítið sem ekk-
ert borgað, held að það hafi verið 5000 kr. á
hverja plötu fyrir margra tuga tíma vinnu.“
Spurður hvað standi upp úr frá Rokk-
lingatímanum svarar Bragi: „Í sjálfu sér
bara þessi reynsla, ég á hrúgu af gull- og
platínuplötum sem ég á líklega aldrei eftir
að toppa,“ segir Bragi sem söng síðar í
Heimskór æskunnar, frá 19 til 23 ára, og var
meðlimur í hljómsveitinni Smaladrengirnir.
Á hrúgu af gull- og platínuplötum
Bragi Þór Valsson
Ég var í Rokklingunum frá upphafi til enda ogvar aðeins á sjöunda ári þegar ég byrjaði,“
segir Ástrós Elísdóttir sem á
ömmu sinni að þakka að hún var
valin í Rokklingana. „Það var
auglýst eftir krökkum sem vildu
syngja inn á plötu í DV, amma
mín sá þetta og hringdi í
mömmu. Hún gaf mér leyfi, svo
ég fór, söng eitt lag og komst
inn.
Við Gunnar [Örn Ingólfsson]
vorum yngst á fyrstu plötunni.
Þau elstu voru um 12 ára og ég man að þau voru
voða góð við mig.“
Ástrós fannst gaman að vera í Rokklingunum og
segir margt standa upp úr frá þessum tíma.
„Við fórum á hverju ári í sjónvarpsþáttinn Á tali
með Hemma Gunn og fyrsta árið var einmitt tekið
viðtal við mig. Þá þótti okkur gaman að hitta fræga
fólkið sem kom líka fram í þáttunum, t.d. Lindu P.
og Ladda, og við fengum eiginhandaráritanir hjá
þeim.“
Spurð hvort henni finnist skammarlegt að hafa
verið í Rokklingunum segir Ástrós að það finnist
henni ekki í dag. „Ég kannski skammaðist mín
stundum fyrir þetta á unglingsárunum þegar
sjálfstraustið var minna og verið var að stríða mér
á þessu. En annars þykir mér þetta bara skemmti-
legt í dag.“
Ástrós er líklega þekktust fyrir það í Rokkling-
unum að syngja Nínu í laginu „Nína og Geiri“ sem
varð eitt það vinsælasta með Rokklingunum.
Söngurinn hefur fylgt henni alla tíð síðan, hún
lærði djasssöng hjá FÍH í nokkur ár og er núna að
taka sjöunda stigið í klassískum söng í Domus Vox.
Söng Nínu og Geira
Ástrós Elísdóttir
Manstu eftir …
Mini Pops Var fyrirmynd
Rokklinganna.
MINI POPS var sjónvarpsþáttur
sem fór í loftið á Channel 4 í
Bretlandi árið 1983. Þátturinn
var fyrir börn og í honum sungu
börn nýja sem gamla poppslag-
ara í litskrúðugu setti. Börnin
sem voru valin í þáttinn úr
áheyrnarprufum máttu ekki
vera vön því að koma fram. Þau
voru á aldrinum 8 til 12 ára og
voru vanalega klædd og máluð
eins og þeir sem fluttu lagið,
sem þau sungu, upphaflega.
Hugmyndina að Mini Pops
átti Martin Wyatt. Þátturinn sló
í gegn en fékk mikla gagnrýni
fyrir að láta ung börn syngja
lög sem innihéldu jafnvel kyn-
ferðislega grófa texta.
Mini Pops gaf út sjö plötur á
árunum 1982-1989 og urðu þær
hvergi eins vinsælar og í Kan-
ada.
Árið 2005 sýndi Channel 4
heimildarmynd sem hét Hvað
varð um Mini Pops? Þar var
saga þáttanna rakin og birt við-
töl við fyrrverandi Mini Pops-
meðlimi eins og þeir eru í dag.
MINI POPS
Að vera Rokklingur var merkileg reynsla.
VEFVARP mbl.is