Morgunblaðið - 04.07.2009, Blaðsíða 2

2 FréttirINNLENT
MORGUNBLAÐIÐ LAUGARDAGUR 4. JÚLÍ 2009
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Egill Ólafsson, egol@mbl.is Viðskipti vidsk@mbl.is Björgvin Guðmundsson, fréttastjóri, bjorgvin@mbl.is
Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar mbl.is/sendagrein, Stefán Ólafsson, Arnór Ragnarsson
Íþróttir sport@mbl.is Sigurður Elvar Þórólfsson, seth@mbl.is Víðir Sigurðsson, vs@mbl.is Sunnudagur Ragnhildur Sverrisdóttir, ritstjórnarfulltrúi, rsv@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Eftir Baldur Arnarson
baldura@mbl.is
„VERKEFNIÐ er enn á hugmynda-
stigi en við erum búin að vinna að
þessu í nokkurn tíma. Þetta snýst
um að samnýta rannsóknarinnviði
sem eru mjög dýrir. Við eigum mjög
góða fyrirmynd að slíku samstarfi á
Norðurlöndunum sem er farsæl
uppbygging og rekstur á gagnaneti,
NORDUnet. Á sama hátt langar
okkur til að koma upp ofurtölvu-
miðstöð,“ segir Ebba Þóra Hvann-
berg, prófessor í tölvunarfræði við
Háskóla Íslands, um fyrirhugaðan
rekstur ofurtölvu hér á landi.
„Ástæðan fyrir því að við viljum
hafa hana á Íslandi er sú að hér er
rekstur hennar hagkvæmastur.
Framlag Íslands er til rekstrar, þar
með talið raforku, en við væntum
þess að framlag hinna norrænu
ríkjanna, Noregs, Danmerkur og
Svíþjóðar, verði í formi vélbúnaðar.“
Innt eftir fyrirhugaðri staðsetn-
ingu segir Ebba Þóra hana óá-
kveðna en hún upplýsir að kostnað-
aráætlun hljóði upp á hundruð
milljóna króna.
Möguleikarnir séu miklir.
„Vaxtarmöguleikarnir eru gríðar-
legir. Ef við skoðum sambærilegar
miðstöðvar í Evrópu eiga allir við
þann vanda að glíma að orkuverðið
og orkuþörfin fara vaxandi. Annað,
sem er ekki síður mikilvægt, er sam-
starfið á milli landanna og möguleiki
á að geta selt aðgang að tölvunni.“
Sparar hundruð milljóna króna
Fjallað er um verkefnið í norræn-
um tæknimiðlum og kemur fram í
Teknisk Ukeblad að danskir sér-
fræðingar áætli að rekstur ofurtölvu
hér spari árlega sem svarar um 540
milljónum króna í raforkukostnað.
Spurður um möguleika verkefnis-
ins segir Rene Belsø, framkvæmda-
stjóri dönsku ofurtölvu-
stofnunarinnar (DSCS), að örugg
nettenging sé forsenda þess.
„Ofurtölvan verður tiltölulega lítil
á heimsvísu, meðalstór í Skandinav-
íu en gríðarstór í íslensku samhengi.
Verkefnið gæti síðar þróast út í
eitthvað umtalsvert stærra og þar
með gert Ísland að stórum útflytj-
anda á raforku án þess að orkan sé
flutt beint úr landinu,“ segir Belsø.
Vísir að ofurtölvumiðstöð
 Norrænt samvinnuverkefni um rekstur ofurtölvu hér á landi vel á veg komið
 Verkefnið styður áætlanir um netþjónabú og yrði lyftistöng fyrir vísindaiðkun
» Tölvan nýtist meðal
annars í eðlisfræði
og líftækni
» Hana mætti einnig
nýta í hagfræðinni
Ebba Dóra
Hvannberg
Rene
Belsø
Mývatnssveit | Margir ferðamenn koma árlega á
Kröflusvæðið. Margir ganga á Leirhnjúk sem tek-
ur svo sem hálfan annan tíma. Aðrir ganga um-
hverfis Víti en það má sem best gera á hálfri
stundu. Þessi glaðlegi hópur gekk rösklega og bar
hratt yfir. Í baksýn er borinn Týr sem innan fárra
daga verður tekinn ofan og fluttur í geymslu þar
til ný verkefni finnast. Í gær var 24 stiga hiti við
Kröflu og útlit er fyrir svipað veður í dag.
RÖSKIR FERÐAMENN Á KRÖFLUSVÆÐINU
Morgunblaðið./ BFH
SMKEPPNISEFTIRLITIÐ hefur
úrskurðað að Teymi og Og fjarskipti
hafi brotið gegn samkeppnislögum
og skilyrðum eftirlitsins með sam-
stilltum aðgerðum og samkomulagi
við IP fjarskipti ehf. (Tal) sem mið-
aði að því að draga úr sjálfstæði Tals
og vinna gegn því að Tal keppti við
Og fjarskipti. Einnig hafi tiltekin
ákvæði í samningi fyrirtækjanna um
aðgang að fjarskiptaneti verið til
þess fallin að draga úr samkeppni.
Er Teymi gert að greiða 70 millj-
ónir króna í stjórnvaldssekt auk
þess sem mælt er fyrir um að Teymi
selji frá sér eignarhlut sinn í Tali.
Samkeppniseftirlitið gerði húsleit
á starfsstöðvum Teymis, Og fjar-
skipta og Tals 7. janúar síðastliðinn.
Í fréttatilkynningu frá Teymi segir
að grunur Samkeppniseftirlitsins
um að skilyrðum vegna sameiningar
SKO og Hive, sem nú starfa undir
merkjum Tals, hefði ekki verið fylgt
hafi komið mjög á óvart. Samkeppni
á fjarskiptamarkaðnum hafi aldrei
verið meiri en eftir stofnun Tals.
Forráðamenn Teymis og Og fjar-
skipta óskuðu eftir sátt um málið og
játuðu brot sín, segir í úrskurðinum.
Tal veitti fyrst upplýsingar og slepp-
ur þess vegna við sekt.
Teymi
braut sam-
keppnislög
Gert að greiða 70
milljónir í sekt
RÚMLEGA 16% aðspurðra í Þjóð-
arpúlsi Gallup telja að skuldir vegna
húsnæðis þeirra séu hærri en mark-
aðsverð þess og ríflega 20% telja að
skuldir heimilisins vegna húsnæðis
séu hærri en fasteignamat þess.
16% svarenda telja einnig skuldir
heimilisins vegna húsnæðis álíka
miklar og markaðsverð þess annars
vegar og fasteignamat þess hins
vegar. Um helmingur telur hins veg-
ar að skuldir vegna húsnæðis séu
lægri en markaðsverð annars vegar
og fasteignamat hins vegar.
Hlutfall þeirra sem telja skuldir
hærri en markaðsverð/fasteignamat
húsnæðisins er hæst á meðal fólks
með 250 þúsund eða minna í fjöl-
skyldutekjur á mánuði.
Rúm 58% svarenda telja eignirnar
vera meiri en skuldirnar.
16% heimila
eru í mínus
Tempur – 15 ár á Íslandi
Frábær afmælistilboð í júlí
Te
m
pu
r 15 ár á Ísland
i
Te
m
pur 15 ár á
Ísl
an
d
i Eftir Önund Pál Ragnarsson
onundur@mbl.is
MAÐURINN sem slasaðist í flug-
slysinu á Vopnafirði í fyrradag ligg-
ur enn þungt haldinn á Landspítal-
anum. Er hann enn talinn í lífshættu
og er honum haldið sofandi í önd-
unarvél. Niðurstöður vettvangs-
rannsóknar benda til að vélinni,
Cessna 180, hafi verið flogið á raf-
magnsvír með þeim afleiðingum að
hún brotlenti.
Vinnu rannsóknarnefndar flug-
slysa á vettvangi er nú lokið og ger-
ist ekki fleira í rannsókn málsins fyrr
en flak flugvélarinnar kemur til
Reykjavíkur til frekari rannsóknar.
Það verður flutt sjóleiðina.
„Svo byrjar frumrannsókn inni í
skýli hjá okkur þar sem við förum yf-
ir kerfi vélarinnar og annað slíkt og
staðfestum að allt sé í lagi,“ segir
Bragi Baldursson, aðstoðarforstöðu-
maður rannsóknarnefndar flygslysa,
sem fer fyrir rannsókninni. Þá verð-
ur rætt nánar við vitni og þá sem
komu að slysinu. Þrjú vitni voru að
slysinu. Tvö voru í veiðihúsinu
Hvammsgerði en hið þriðja sá slysið
ofan af vegi skammt undan.
Bragi segir ekki liggja fyrir hve
lengi rannsóknin muni standa yfir.
Síðast ástandsskoðuð í maí
Flugvélin, sem hafði skráningar-
númerið TF-GUN, var skráð til
einkaflugs. Hún var fjögurra sæta
fyrir þrjá farþega. Lofthæfisskír-
teini flugvélarinnar gildir til 1. maí
2010. Árleg skoðun vélarinnar fór
síðast fram þann 8. maí.
Rangt var farið með aldur hins
slasaða og hins látna í Morgun-
blaðinu í gær. Hinn látni var fæddur
árið 1966 og hinn slasaði er fæddur
árið 1964. Beðist er afsökunar á
þessum mistökum.
Flugvélin rann-
sökuð í Reykjavík
MAÐURINN sem lést í flugslysinu
á Vopnafirði í fyrradag hét Hafþór
Hafsteinsson, fæddur árið 1966.
Hafþór kom víða við í flugmálum.
Hann vann sem flugmaður og varð
forstjóri flugfélagsins Atlanta árið
2001. Síðar varð hann forstjóri Av-
ion Group, en skipti svo um starfs-
vettvang og varð stjórnarformaður
Avion Aircraft Trading. Hann lætur
eftir sig eiginkonu og tvo syni.
Hafþór Hafsteinsson
Lést í flug-
slysinu