Morgunblaðið - 04.07.2009, Blaðsíða 44
44 MenningFRÉTTIR
MORGUNBLAÐIÐ LAUGARDAGUR 4. JÚLÍ 2009
Reggísveitin Hjálmar sendir frá
sér nýtt lag, „Manstu“, en það er
annað af tveimur lögum hennar
sem verður einslags einkennisstef
þáttanna Ástríður sem verða frum-
sýndir í haust og skarta Ilmi Krist-
jánssyni í aðalhlutverki. Hitt lagið
var tekið upp í frægðarför sveit-
arinnar til Jamaíka á dögunum.
Ástríðufullir Hjálmar
senda frá sér nýtt lag
Fólk
Eftir Jóhann Bjarna Kolbeinsson
jbk@mbl.is
„OPINBER titill lagsins er „Við gefum skít í allt
ruglið“ en í textanum er rugl og bull til skiptis,
enda nóg af slíku nú um stundir,“ segir Valgeir
Guðjónsson, höfundur nýjasta smells Stuð-
manna. Lagið er afar skemmtilegt, en eins og
nafnið bendir til, einnig mjög viðeigandi í því
ástandi sem nú ríkir. „Ég er nýbúinn að setja
þetta saman. Það er svo margt sagt þessa dag-
ana, eins og til dæmis í sambandi við Icesave, og
fólk sem maður þekkir kannski að góðu einu tal-
ar algjörlega í austur og vestur. Þannig að það
er voðalega erfitt að vita hvað snýr upp og niður,
og það má segja að allt sem ruglar okkur í rím-
inu sé rugl. En fyrst og fremst er þetta svona
dansvænt og Bítlaskotið lag.“
Aðspurður segist Valgeir vera fullgildur Stuð-
maður þessa dagana, og kemur hann til að
mynda fram með sveitinni á tónleikum í Sjall-
anum á Akureyri í kvöld. Söngvarar sveit-
arinnar um þessar mundir eru þau Stefanía
Svavarsdóttir og Eyþór Ingi Gunnlaugsson; sá
síðarnefndi á að vísu ekki heimangengt í kvöld
og hleypur Stefán Karl Stefánsson því í skarðið.
„Það er dásamlegt að vera með honum á sviði,
auk þess sem hann getur hermt eftir nokkrum
valinkunnum söngvurum þannig að varla heyrist
munur. Þar á meðal er góðvinur minn Egill
Ólafsson, Björn Jörundur og meira að segja
Gylfi Ægisson,“ segir Valgeir.
Stuðmenn gefa skít í allt ruglið
Morgunblaðið/Eggert
Stuð Valgeir ásamt Stefaníu Svavarsdóttur,
hinni ungu söngkonu Stuðmanna.
Sjónvarpsstöðvarnar vinna nú
hörðum höndum að því að gera
vetrardagskrá sína sem kræsileg-
asta að vanda og hafa ráðamenn
hjá Skjá einum nú staðfest að ný
þáttaröð af Nýju útliti verði tekin
til sýninga þar í vetur.
Það hlýtur að flokkast undir hár-
rétta ákvörðun hjá ráðamönnum
þar á bæ enda var tillögum þeirra
Karls Berndsen og aðstoðar-
mannsins Ísaks að bættu útliti mjög
vel tekið og áhorf á þáttinn mikið.
Auk þess heldur Sölvi Tryggva-
son áfram á Skjánum með vikuleg-
an spjallþátt sinn.
Karl Berndsen heldur
ótrauður áfram
Það hefur löngum þótt skemmti-
leg dægradvöl hér á landi að þrasa
og nú hefur hópur þrasgjarnra ein-
staklinga ákveðið að fara alla leið
og keppa í þessari þjóðaríþrótt.
Fyrsta keppniskvöldið verður hald-
ið nú á miðvikudaginn í Austurbæj-
arbíói og er áhugasömum bent á
vefsíðuna frumkvaedi.is eða fés-
bókarsíðuna Þrasið/Morfín. Nú
þegar hafa alþingismennirnir
Höskuldur Þórhallsson og Birkir
Jón Jónsson staðfest þátttöku sína.
Hjálp!
Alþingismenn í þras-
keppni í Austurbæ
Eftir Jóhann Bjarna Kolbeinsson
jbk@mbl.is
„VIÐ erum bara í lest á leið til Frakk-
lands,“ segir Emilíana Torrini þegar
blaðamaður nær tali af henni. Emilíana
er á mikilli tónleikaferð um Evrópu
ásamt hljómsveit sinni, og spiluðu þau í
Frakklandi í gærkvöldi og á hinni mikils-
virtu Rock Werchter-hátíð í Belgíu
kvöldið þar áður. „Það gekk rosalega vel
og það var fullt tjald,“ segir Emilíana um
þá tónleika, en í kvöld heldur hún svo tón-
leika í Póllandi.
Þær fréttir berast annars frá Þýska-
landi um þessar mundir að lag Emilíönu,
„Jungle Drum“, sé að slá í gegn þar í
landi. Lagið hefur verið að þoka sig upp
þýska vinsældalistann og nú í vikunni
komst lagið á toppinn. Um frábæran ár-
angur er að ræða, enda Þýskaland afar
stór markaður með yfir 80 milljónir íbúa.
„Ég frétti nú bara af þessari velgengni í
síðustu viku, við erum ekki einu sinni bú-
in að fara til Þýskalands. Það eina sem ég
veit er að það er búið að ganga rosalega
vel þar, en við höfum hins vegar ekkert
fundið fyrir því,“ segir Emilíana, en á
meðal flytjenda neðar á listanum má
nefna Lady Gaga, Linkin Park, Black
Eyed Peas, A-Ha, Alexander Rybak og
Beyonce Knowles.
Vinsælust í Austurríki
Emilíana segir að þessar miklu vin-
sældir lagsins í Þýskalandi nú megi rekja
til þess að það hljómaði í raunveru-
leikaþættinum Germany’s Next Top
Model fyrir skömmu. „Það er engin
spurning, það var það sem gerði lagið
svona vinsælt núna. Annars hefði það
örugglega bara farið framhjá þeim,“
segir hún og hlær.
Auk velgengninnar á vinsældalist-
anum hefur „Jungle Drum“ verið mest
selda lagið á hinni þýsku útgáfu af iTunes
síðustu þrjár vikurnar. Þá nýtur lagið
mikilla vinsælda í fleiri Evrópulöndum og
er til að mynda á toppnum í Austurríki,
auk þess sem það fór á toppinn í Belgíu í
maí.
Ný plata í bígerð?
Eins og áður segir er Emilíana á miklu
tónleikaferðalagi um þessar mundir, og á
hún m.a. eftir að halda sex tónleika í
Þýskalandi þar sem viðtökurnar verða ef-
laust afar góðar.
Samkvæmt MySpace-síðu Emilíönu
mun hún halda 42 tónleika beggja vegna
Atlantsála fram í október, og því ljóst að
ekki er um neinn smá túr að ræða. Hún
segist þó ekkert vera að telja. „Það er
bara best að taka eina viku í einu,“ segir
hún og bætir því við að þreyta sé ekkert
farin að gera vart við sig. „Ég er búin að
vera í gangi síðan í september og maður
venst þessu bara. Þetta er samt lang-
mesta törnin núna. En það er bara svo
gaman að vera að vinna. Ég held líka að
við verðum á tónleikaferðalagi alveg fram
í janúar.“
Aðspurð segist söngkonan vera farin að
huga að næstu verkefnum, og að ný plata
sé jafnvel í bígerð.
„Ég fæ viku frí í ágúst og þá ætla ég inn
í stúdíó að vinna og skrifa. Ég ætla bara
að sjá hvað kemur út út manni. Það getur
vel verið að það gerist ekki neitt af því að
maður er bara búinn að vera í flugvélum,
lestum og rútum. Þannig að ég veit ekki
hvað er búið að safnast saman uppi í heil-
anum. En það kemur bara í ljós.“
Á toppnum í Þýskalandi
Lag Emilíönu Torrini, „Jungle Drum“, er í efsta sæti þýska vinsældalistans
Er mest selda lagið á þýska iTunes og hljómaði í Germany’s Next Top Model
Morgunblaðið/hag
Að slá í gegn Emilíönu verður eflaust vel tekið í Þýskalandi. „Jungle
Drum“ er fyrsta íslenska lagið til að komast á topp þýska listans.
Eftir Birgi Örn Steinarsson
biggi@mbl.is
TVÖ dagblöð í Minneapolis fara lofs-
orðum um tónleika Jóhanns Jó-
hannssonar á þriðjudagskvöldið síð-
asta. Jóhann kom fram í The
Southern Theater ásamt fylgdarliði
sínu á hátíðinni Wordless Music Ser-
ies þar sem tónlist án söngs eða tals
er sérstaklega hampað. Íslandsvin-
irnir Nico Muhly og Sam Amidon
spiluðu einnig á hátíðinni í vikunni.
Gagnrýnendur blaðanna Minn-
Post og StarTribune höfðu hvorugir
hugmynd um hver Jóhann var fyrir
tónleikana en virðast báðir hafa ver-
ið verulega hrærðir. Með Jóhanni á
sviði var trommuleikarinn Matthías
Hemstock og erlendir strengjaleik-
arar. Á tónleikunum flutti Jóhann
valin lög úr höfundaverki sínu en
tónlist plötunnar Fordlandia virðist
hafa snert viðkvæma strengi hjá
áhorfendum sem risu úr sætum sín-
um og klöppuðu hann tvisvar upp á
svið að tónleikum loknum. Í báðum
umsögnum er sérstaklega minnst á
það að Jóhann hafi ekki yrt á áhorf-
endur eða undirleikssveit sína einu
orði heldur frekar kosið að láta tón-
listina tala sínu máli. Hann á heldur
ekki að hafa sýnt nein svipbrigði er
gerði tónleikana enn áhrifameiri að
mati gagnrýnanda. Pamela Espel-
and hjá MinnPost talar um að hún
hafi gengið út af tónleikunum sem
breytt manneskja.
Þetta voru fyrstu tónleikar Jó-
hanns í Minneapolis en plötum hans
hefur verið dreift um allan heim.
Sérstök blanda hans af klassískum
strengjaútsetningum og elektróník
virðist hitta í mark hjá tónlistar-
grúskrurum um allan heim.
Sviplaus og þögull Jóhann
slær í gegn í Minneapolis
Morgunblaðið/Kristinn
Jóhann Jóhannsson Tónlist fyrrum hljómborðsleikara Ham er áhrifamikil.
Jóhann Jóhannsson fær stjörnudóma í bandarískum miðlum
1. Jungle Drum – Emiliana Torrini
2. Stadt – Cassandra Steen
3. Poker Face – Lady Gaga
4. New Divide – Linkin Park
5. When Love Takes Over –
David Guetta & Kelly Rowland
6. Ein Kompliment –
Sportfreunde Stiller
7. Ayo Technology – Milow
8. Boom Boom Pow –
Black Eyed Peas
9. Foot Of The Mountain – A-Ha
10. Fairytale – Alexander Rybak
Topp 10 í Þýskalandi