Morgunblaðið - 04.07.2009, Blaðsíða 45
MORGUNBLAÐIÐ LAUGARDAGUR 4. JÚLÍ 2009
BRÁK eftir Brynhildi Guðjónsdóttur (Söguloftið)
BANDIÐ BAK VIÐ EYRAÐ (HVÍTISALUR)
Tvær Grímur 2008 - Besta leikkonan - Besta handritið
Fim 23/7 kl. 21:00 Tónleikar
Lau 4/7 kl. 16:00
Sun 12/7 kl. 16:00
Lau 18/9 kl. 16:00
Sun 26/9 kl. 16:00
Lau 8/8 kl. 20:00
Sun 16/8 kl. 16:00
Lau 22/8 kl. 20:00
Sun 30/8 kl. 16:00
Landnámssetrið í Borgarnesi
437 1600 landnamssetur@landnam.is
Sama hvernig á það er litið þávar heimildarmyndin Livingwith Michael Jackson, sem
Martin Bashir gerði árið 2003, upp-
hafið að falli poppkóngsins. Myndin
er sett saman af röð viðtala er fóru
öll fram á hálfu ári, eða frá maí-
mánuði árið 2002 til janúarmánaðar
2003. Þetta var í fyrsta skipti sem
Jackson samþykkti að veita viðtal
þar sem spyrjandinn fékk að fylgja
honum í hans daglega amstri og þar
sem ekkert umræðuefni var tabú.
Myndin fékk metáhorf um allan
heim enda aðeins nokkrar vikur frá
því að myndir birtust í fjölmiðlum af
Jackson sveiflandi nýfæddu þriðja
barni sínu fram af svölum í Berlín.
Óhætt er að fullyrða að viðbrögðheimsbyggðarinnar við heim-
ildarmyndinni hafi verið stórbrotin.
Bashir spurði popparann töluvert út
í vináttu hans við börn sem heim-
sóttu Neverland-búgarð hans í þús-
unda tali. Opinberun Jacksons þar
sem hann viðurkenndi að hafa
nokkrum sinnum deilt rúmi sínu
með börnum olli miklu fjaðrafoki.
Sú afstaða hans að slíkt væri sak-
laust og fallegt virtist stangast
verulega á við hugmyndir flestra
um félagslega siðferðiskennd. Sér-
staklega í ljósi þess að Jackson hafði
áratugi áður verið sakaður um kyn-
ferðismisnotkun gegn barni – mál
sem fór aldrei fyrir rétt þar sem
Jackson náði sáttum við ákæranda
sinn með því að greiða honum him-
inháa fjárhæð.
Eftir sýningu myndarinnar fór
mikil umræða af stað er endaði með
gífurlegri lögreglurannsókn og svo
síðar réttarhöldum þar sem Jackson
var m.a. aftur sakaður um kynferð-
isglæpi gegn börnum. Heimildar-
myndin, sem átti að vera kynningar-
tæki fyrir væntanlega safnplötu
kappans, endaði á því að verða hon-
um viðskiptalegt sjálfsmorð.
Það virðist vera í eðli mannskepn-unnar (eða a.m.k. fjölmiðla) að
laðast að skuggahliðum tilver-
unnar. Þannig hafa stærstu dæg-
urhetjur heimsins síðustu þúsund
árin eða svo yfirleitt verið fársjúkir
einstaklingar. Því eðlilegri, því óá-
hugaverðari. Því veikari, því sterk-
ari viðbrögð og aðdáun fær viðkom-
andi frá fjöldanum.
Michael Jackson var ein skærasta
stjarna heims en ég leyfi mér að
efast um að margir hafi óskað sér
hans hlutskiptis. Hann lifði augljós-
lega óhamingjusömu lífi og jafnvel
hörðustu aðdáendur hans kenndu í
brjósti um hann.
Samkvæmt fréttaflutningi frá
dauða hans er að verða nokkuð ljóst
að Jackson var lyfjafíkill. Allt bend-
ir líka til þess að hann hafi verið
með anorexíu. Jú, sjálftitlaður kon-
ungur poppsins var án efa fársjúkur
einstaklingur en var hann barnaníð-
ingur? Það munum við líklegast
aldrei vita.
Málið fór fyrir rétt árið 2005 eft-ir að Kaliforníufylki ákærði
Jackson fyrir meint kynferðisof-
beldi gegn Gavin Arvizo og sex öðr-
um einstaklingum í lok árs 2003.
Þegar öll málsgögnin hafa verið
skoðuð er ekki hægt að komast að
annarri niðurstöðu en að kviðdóm-
urinn hafi tekið rétta ákvörðun með
því að sýkna popparann. Móðir
drengsins hafði áður reynt að ná
peningum út úr fjársterkum aðilum
með andlegri kúgun og vitn-
isburðum sona hennar um meint
kynferðisbrot Jacksons (er þeir áttu
báðir að hafa orðið vitni að) bar
ekki saman. Einnig kom það sér-
staklega illa út fyrir saksóknara
þegar fimm af þeim sjö ein-
staklingum er Jackson átti að hafa
brotið á í æsku þeirra vitnuðu fyrir
verjandann og fullyrtu að ekkert
slíkt hefði átt sér stað. Þá hafði sak-
sóknarinn aðeins vitnisburði um
slíkt athæfi frá fyrrum starfsfólki
popparans en hver og einn og ein-
asti þeirra hafði ærna ástæðu til
þess að vera gramur út í popparann
vegna óskyldra mála.
Það útskýrir þó ekki 70 klámblöðsem fundust í húsleit á
Neverlandbúgarðinum (er sýndu
aðallega íturvaxnar konur á miðjum
aldri) eða af hverju fingraför Jack-
sons og beggja Arvizobræðranna
fundust á þeim. Það útskýrir ekki
heldur dularfullan leyniklefa sem
gengið var inn í á bakvið skáp í
svefnherbergi hans. Hvað þá af
hverju Jackson ákvað árið 1993 að
það væri skynsamlegra að greiða
fjölskyldu Jodis Chandler (barn-
ungum vini hans sem ásakaði hann
um kynferðisofbeldi árið 1993)
milljónir dollara til þess að falla frá
ákærunni á hendur sér og ævilanga
þögn. Eða af hverju Chandler og
fjölskylda hans flúðu skyndilega
land skömmu áður en réttarhöldin
yfir Jackson hófust árið 2004.
En þegar allt kemur til alls er
mikilvægt að aðskilja manninn frá
sköpunarverkum hans. Og sköp-
unarverk Jackson eru vissulega
guðdómleg.
biggi@mbl.is
Var Jackson barnaníðingur?
AF LISTUM
Birgir Örn Steinarsson
» Opinberun Jacksonsþar sem hann viður-
kenndi að hafa nokkrum
sinnum deilt rúmi sínu
með börnum olli miklu
fjaðrafoki.
Reuters
Michael Jackson Fræg mynd sem tekin var á meðan á réttarhöldunum stóð
sýnir Jackson í náttfötunum leiddann í handjárnum í réttarsalinn.
Eftir Birtu Björnsdóttur
birta@mbl.is
ANDREA Maack nýtir sér þekk-
ingu úr tískuhönnun við myndlist-
arverk sín svo úr verða ilmandi inn-
setningar þar sem meðal annars má
sjá fatnað í anda hátískuhúsa Par-
ísarborgar. Ein slík innsetning verð-
ur opnuð í Gallerí Ágúst í dag og ber
hún yfirskriftina SHARP by Andrea
Maack.
„Ég vann í tískuiðnaðinum í Lond-
on áður en ég sneri mér að myndlist-
inni, auk þess sem þetta er eitt mitt
helsta áhugamál. Ég held að bak-
grunnur manns skíni alltaf í gegn,“
segir Andrea. „En ég fór svo í mynd-
list því það er talsvert opnara fag.
Það var svo ekki fyrr en síðar að ég
gerði mér grein fyrir hvernig er
hægt að sameina þessa tvo hluti í
verkum sínum, myndlistina og áhug-
ann á tískuiðnaðinum.“
Andrea vinnur þó í anda tísku-
hönnuða, hún bjó sér til vörumerki
og hannar undir formerkjum þess
með aðstoð góðra einstaklinga.
„Auk þess reyni ég að kynna verk
mín tvisvar á ári, á vorin og haustin,
líkt og tískuhönnuðir gera jafnan.“
Flíkur sem ekki má klæðast
Andrea byrjar hvert ferli á því að
teikna. „Það er upphafið að öllu og
getur tekið nokkra mánuði,“ segir
hún. „Teikningarnar sendi ég svo til
ilmvatnsframleiðandans Afp í
Frakklandi sem hannar ilm fyrir mig
út frá munstrinu og teikningunum.“
Ilmvatnið notar Andrea svo í inn-
setninguna. Úr munstrinu, sem
Andrea býr til, hannar franski fata-
hönnuðurinn Cedric Rivrain, sem
m.a hefur unnið fyrir Dior, flík, sem
reyndar er ekki hægt að klæðast.
SHARP heitir ilmurinn í þetta
skiptið og geta áhugasamir fengið að
finna ilminn auk þess að sjá restina
af innsetningu Andreu í Gallerí
Ágúst frá og með deginum í dag. Það
er sjaldan sem myndlistasýningar
höfða til jafn margra skynfæra og
raunin er með þessa.
„Ilmurinn tengir saman alla hluti
sýningarinnar. Þetta smellur allt
þegar hann kemur til sögunnar.“
Ilmandi innsetning
Andrea Maack opnar sýningu í Gallerý Ágúst í dag
Morgunblaðið/Heiddi
Andrea Maack Sameinar áhuga sinn á tískuiðnaði og myndlistinni í Gallerí Ágúst með ilmandi innsetningu.
Nú um helgina lýkur tískutvíær-
ingnum sem fram fór í Arnhem í
Hollandi. Þar sýndi Andrea
SHARP-verk sitt auk þess að sjá um
vinnustofu fyrir tískuhönnuði.
„Aðstandendur hátíðarinnar
báðu mig að gera nýtt verk til að
sýna á tvíæringnum eftir CRAFT-
sýninguna mína í Hafnarhúsinu,“
segir Andrea. „Þó maður sé bara að
sýna á litla Íslandi spyrjast hlut-
irnir greinilega út.“
Á tvíæringnum sýna mörg helstu
tískuhúsa heims hátískufatnað, sem
í raun eru listaverk, svo magnað er
handverkið, að sögn Andreu.
„Aðalsýningarrýmið var í dóm-
kirkjunni í Arnhem og þar voru
samankomnir fatahönnuðir, mynd-
listarmenn og vöruhönnuðir,“ segir
Andrea.
Fólki sem
starfar á þessum
mörkum tísku-
hönnunar og
myndlistar líkt
og Andrea er að
fjölga, að hennar
sögn.
„Mér er reglu-
lega boðið að
taka þátt í ýms-
um viðburðum þessu tengdum víða
um heim og það spretta upp ýmsir
hópar og vefsíður sem eru vett-
vangur fyrir fólk sem er að gera
svipaða hluti. Þetta er ekki lengur
bara þannig að fatahönnuðirnir
reyna að komast inn í tískuhúsin og
myndlistarmenn inn í galleríin.
Mörkin þarna á milli verða sífellt
óljósari,“ segir Andrea.
Mörkin eru óljós
568 8000 – borgarleikhus.is – midasala@borgarleikhus.is
Söngvaseiður (Stóra sviðið)
Sannleikurinn (Litla sviðið)
Þú ert hér, örfáar sýningar í sept.
Við borgum ekki (Nýja sviðið)
Uppsetning Nýja Íslands.
Söngvaseiður. Sala hafin á sýningar í haust.
Munið afslátt fyrir viðskiptavini Vodafone!
Lau 11/7 kl. 19:00 Ö
Fim 9/7 kl. 20:00
Fös 4/9 kl. 19:00 U
Lau 5/9 kl. 19:00 Ö
Sun 6/9 kl. 19:00 Ö
Mið 9/9 kl. 19:00 U
Fim 10/9 kl. 19:00 Ö
Fös 11/9 kl. 19:00
Fös 18/9 kl. 19:00 Ö
Lau 19/9 kl. 19:00 U
Sun 20/9 kl. 14:00 Ö
Lau 26/9 kl. 14:00 Ö