Morgunblaðið - 16.08.2009, Side 8

8 FréttirVIKUSPEGILL
MORGUNBLAÐIÐ SUNNUDAGUR 16. ÁGÚST 2009
Bandarísk flugfélög leigja mörgódýrt íbúðarhúsnæði fyrir
áhafnir sínar, en þar er oft þröng á
þingi. Vegna þessa er risin þétt
byggð hjólhýsa og húsbíla við flug-
völlinn í Los Angeles. Þar búa flug-
menn, vélvirkjar og flugþjónar. Íbúð-
arkostnaður er lítill og stutt í vinnu.
Fox-fréttastofan hafði eftir eig-
inkonu vélvirkja að þetta væri fínt,
þau byggju á afgirtu svæði með ör-
yggisgæslu, rútur gengju til og frá
vinnustað og þau hjónin hittust nær
daglega, sem þau gætu ekki gert ef
hún byggi annars staðar.
Nasseri í París og Zahra og fjöl-skylda í Moskvu eru dæmi um
fólk, sem festist í biðsölum og
kemst hvorki lönd né strönd. Fleiri
dæmi eru af fólki, sem sest að í flug-
stöðvum, án þess að ætla sér að
komast annað. Í júní í fyrra sögðu
breskir fjölmiðlar að um 100 heim-
ilislausir héldu til á Heathrow-
flugvelli. Þar væri hlýtt, aðgangur
að baðherbergjum, farþegar skildu
gjarnan eftir mat og drykk á borðum
og illmögulegt fyrir flugvallarstarfs-
menn að ráða í hver væri ferða-
langur og hver væri heimilislaus.
Í september í fyrra settist Japan-inn Hiroshi Nohara að á flugvell-
inum í Mexíkóborg. Hann kom til
landsins sem ferðamaður, með full-
gilt vegabréf, en fór aldrei út af
flugvellinum. „Ég skil ekki af hverju
ég er hérna. Ég hef enga ástæðu til
þess,“ sagði hann í viðtali, en sat
áfram sem fastast.
Í lok desember samþykkti Nohara
að flytja heim til löndu sinnar, sem
býr í Mexíkó. Konan, sem mun ekki
hafa þekkt Nohara fyrir, gaf þá skýr-
ingu að hún vildi að hann fengi að
sofa í venjulegu rúmi.
Stiklur
Eftir Ragnhildi Sverrisdóttur
rsv@mbl.is
A
llmörg dæmi eru um, að fólk setjist
að í flugstöðvum og haldi þar til
mánuðum, jafnvel árum saman. Í
sumum tilvikum á fólk enga aðra
kosti, það getur ekki snúið aftur til
heimalands síns og fær ekki leyfi til að fara inn í
annað land. Í öðrum tilvikum er um heim-
ilislaust fólk að ræða, eða fólk sem haldið er
geðsjúkdómum. Nýjasta dæmi um hið síðast-
nefnda er mál finnskrar konu, sem bjó á flug-
völlum í Þýskalandi um átta mánaða skeið, en
er nú komin undir læknishendur heima í Finn-
landi.
Íraninn Merhan Karimi Nasseri er þekktasti
flugvallarbúinn. Hann hélt til á De Gaulle-
flugvellinum í París frá 1988 til 2006, eða í 18
ár. Þá hafði honum reyndar löngu boðist að fara
þaðan á brott, en árin höfðu tekið sinn toll af
geðheilsunni og hann óttaðist umheiminn.
Nasseri var vísað frá Íran árið 1977, fyrir að
mótmæla keisaranum. Hann flakkaði um Evr-
ópu, en yfirvöld hvarvetna neituðu að taka við
honum sem flóttamanni. Árið 1981 fékk hann
loks skilríki sem flóttamaður í Belgíu og ákvað
nokkrum árum síðar að flytja til Bretlands og
reyna að hafa uppi á ættingjum þar.
Nasseri fór til Parísar og þaðan um borð í vél
til Lundúna, þrátt fyrir að vera ekki með nein
skilríki á sér. Hann sagði að þeim hefði verið
stolið af sér á lestarstöð í París. Þegar hann
lenti í London fékk hann ekki að fara til lands-
ins, heldur var vísað aftur til Parísar. Þar var
skilríkjalausum manninum ekki hleypt inn í
landið.
Þannig hófst 18 ára dvöl Nasseri á flugvell-
inum. Ótrúleg skriffinnska einkenndi allar til-
raunir til að koma honum til hjálpar. Belgísk yf-
irvöld samþykktu loks árið 1995 að hann gæti
fengið ný skilríki, ef hann samþykkti að setjast
þar að. Nasseri kvaðst hins vegar vilja búa í
Bretlandi. Frönsk yfirvöld komust að þeirri nið-
urstöðu að ekki væri hægt að reka hann á brott
af flugvellinum, en hins vegar væri ekki heldur
hægt að leyfa honum að fara inn í landið. Svo
Nasseri var áfram í biðsalnum.
Árin liðu og í hvert sinn sem málið virtist
ætla að leysast hafnaði Nasseri lausninni. Hann
var þá farinn að þræta fyrir að vera Írani og
þóttist ekki skilja fyrrum landa sína þegar þeir
ávörpuðu þá. Hann neitaði því sífellt að skrifa
undir pappíra, þar sem hann var sagður íransk-
ur.
Nasseri veiktist og var fluttur á sjúkrahús ár-
ið 2006. Í janúar 2007 var hann aftur kominn á
flugvöllinn, en að þessu sinni á hótel. Í mars
sama ár fékk hann inni í athvarfi fyrir heim-
ilislausa í París, farinn að andlegri heilsu.
Með börnin í biðsal
Landa Nasseri, Zahra Kamalfar, bjó á flug-
vellinum í Moskvu í tíu mánuði árið 2007. Hún
var ekki að flýja stjórn keisarans, sem þá var
löngu fallinn, heldur klerkastjórnina sem tók
við. Maður hennar hafði verið líflátinn og Zahra,
sonurinn Davood, 10 ára, og dóttirin Ana, 17
ára, fóru til Tyrklands. Þaðan flugu þau til
Rússlands, með fölsuð vegabréf í farteskinu, og
áfram til Þýskalands, en ætluðu sér til ættingja
í Kanada. Í Þýskalandi var för þeirra stöðvuð
og fjölskyldan send aftur til Moskvu. Rússar
ætluðu að senda hana aftur til Írans, en ekkert
varð af því. Yfirvöld í Kanada samþykktu svo að
taka við fjölskyldunni í mars 2007. Hvers vegna
sú ákvörðun tók jafn langan tíma og raun ber
vitni er illskiljanlegt þegar haft er í huga að
samkvæmt kanadískum lögum er hægt að veita
flóttamönnum flýtimeðferð, sem tekur aðeins 72
stundir. Þar að auki eru sérstök ákvæði um
konur í hættu.
Zahra og fjölskylda býr nú í Vancouver á
vesturströnd Kanada.
Engir fastir í Leifsstöð
Í millilandaflugstöð Íslendinga, Leifsstöð, eru
engin dæmi þess að ferðamenn hafi setið fastir í
biðsal í langan tíma, að sögn Stefáns Thorder-
sen, framkvæmdastjóra flugverndarsviðs.
Fólk getur heldur ekki hafst við í brottfar-
arsal Leifsstöðvar nema fram að þeim tíma þeg-
ar flugvél, sem það á bókað far með, fer frá
landinu. Stundum kemur fyrir að fólk kemur frá
löndum utan Schengen-svæðisins og getur ekki
framvísað vegabréfum, en slíkt er á ábyrgð
flugrekstraraðila og þess lands sem fólkið kom
frá. Því er þá vísað til baka, en Stefán tekur
fram að reynt sé að liðsinna fólki eins og kostur
er.
Í innritunarsal Leifsstöðvar er engum heimilt
að gista, svo ekki geta heimilislausir sest þar að.
Stefán segir koma fyrir að ferðalangar mæti
mjög snemma í flug og ætli að láta fyrirberast í
flugstöðinni fram að fluginu. Þeim er bannað að
koma sér fyrir eins og í útilegu, með dýnur og
jafnvel taka til við matseld, eins og sumir hafi
hugsað sér að gera.
Föst á flugvöllum
 Flestir ferðalangar stoppa stutt í flugstöðvum. Íraninn Nassiri bjó í 18 ár í flugstöð í París
 Engin dæmi eru um að fólk verði innlyksa í Leifsstöð og þar er bannað að hreiðra um sig
Moskva Zahra og börnin hennar í biðsalnum. París Frægasti flugvallarbúinn, Merhan Nasseri.
Sjá nánar á www.betrabak.is
„Flottirdagar“í ágúst
Tilboð á stillanlegum rúmum og svefnsófum í ágúst
25% afsláttur Öllum stillanlegum rúmum fylgir 2 fyrir 1 tilboð á sængurverum !