Morgunblaðið - 16.08.2009, Blaðsíða 17

17
MORGUNBLAÐIÐ SUNNUDAGUR 16. ÁGÚST 2009
Jón: „Ásgeir fæddist í Ási í Noregi, þar sem ég
var í framhaldsnámi, og þess vegna heitir hann
Ásgeir, en ef barnið hefði verið stúlka hefði hún
sennilega verið skírð Ásdís.
Ásgeir var mjög stór við fæðingu og kallaður
víkingurinn. Hann er mikill matmaður og mér er
minnisstætt þegar hann var rétt byrjaður að
ganga að hann náði að krækja sér í góða hákarla-
lykkju frá afa sínum og fela sig undir borði og
njóta kræsinganna. Tók hann fremur óstinnt upp
þegar lykkjan var tekin.
Sem barn var Ásgeir frekar hægur, en með
góða athyglisgáfu auk þess sem hann var fljótlega
stálminnugur. Hann varð frekar seint læs, en þeg-
ar hann hafði náð tökum á lestrinum las hann allt
sem hann komst yfir. Það voru margar bækur á
heimilunum tveimur í Bjarnarhöfn en samt sem
áður þegar móðurafi hans kom eitt sinn í heim-
sókn sat hann og las stóra jarðfræðibók. Afi hans
spurði hvað hann væri að lesa og stráksi sagði
honum það. „Finnst þér hún skemmtileg?“ spurði
afinn. Þá svaraði níu ára strákurinn: „Nei, ekkert
sérstaklega.“ „Af hverju ertu þá að lesa hana?“
„Af því að ég hef lesið allar hinar bækurnar á
bænum,“ svaraði sá stutti.“
Víðtækt áhugasvið
„Ásgeir hafði sem barn ákaflega gaman af
skepnum. Þegar hann kynnti sjálfan sig sagði
hann til nafns og gat þess í leiðinni hvað hann ætti
margar kindur og hvað þær hétu. Hann gat setið
tímunum saman frammi í þvottahúsi og klappað
og talað við hundana. Hann fékk snemma áhuga á
sögu og las Eyrbyggju spjaldanna á milli þegar
hann var aðeins níu ára. Söguáhugi hans jókst enn
frekar þegar við fluttum heim að Hólum í Hjalta-
dal þar sem sagan bíður við hvert fótmál og þessi
áhugi hefur fylgt honum alla tíð. Þegar hann lauk
sínu fyrsta háskólaprófi í hagfræði skrifaði hann
lokaritgerðina um verslunar- og atvinnusögu 15.
aldar á Íslandi. Ásgeir réðst síðan nýlega í það að
gefa út ljóðmæli Jóns Arasonar með ítarlegum
formála þar sem kvæði Jóns biskups eru sett í
samhengi: „Það er mér mikið gleðiefni að geta
endurgoldið Jóni biskupi notin af virkishólnum…“
segir Ásgeir í formála útgáfunnar en téður hóll
var leikvöllur Ásgeirs sem drengs heima á Hólum.
Þegar við opnuðum Hóla sem ferðamannastað
var hann fyrsti yfirmaður ferðaþjónustunnar og
mótaði það starf. Reyndar var þetta fyrsta sumar
erfitt af því að norðaustanátt lá yfir landinu nær
allt sumarið með tilheyrandi rigningu og þoku á
Norðurlandi. Var því heldur fátt um gestakomur á
Hólum en Ásgeir sat því og skrifaði sögulega
bæklinga um staðinn og kirkjuna. Ég held hann
hafi einnig náð því að skrifa tvær sagnfræðigrein-
ar til birtingar í Skagfirðingabók þetta sumar.
Loks einn daginn kom rúta full af eldri borg-
urum sem vildu ólmir gista í gamla skólahúsinu á
Hólum. Ásgeir tók þá alla inn í hús, bar jafnvel
suma þá fótfúnustu upp stigana. Síðan var elduð
kjötsúpa fyrir fólkið og haldin kvöldvaka og hin
besta gleði, þar sem Ásgeir var hrókur alls fagn-
aðar. Þessi ferð hafði þó þau eftirköst að bresk
hjón sem höfðu slæðst með hópnum skrifuðu
harðort bréf til Ferðamálaráðs og kvörtuðu sáran
yfir kjötsúpunni sem þau sögðu ekki hundum
bjóðandi. Enn fremur klöguðu bresku hjónin yfir
að ekki gæfist næði til þess að fara að sofa á skikk-
anlegum tíma fyrir fjörinu í gamla fólkinu.
Ásgeir hefur fjölbreytt áhugasvið og hann er
víða vel heima. Hann er til dæmis vel að sér í bók-
menntum og sögu og doktorspróf hans í hagfræði
hefur reyndar nýst honum vel á þeim sviðum. Ég
held að hann hljóti að vera eini maðurinn í Há-
skóla Íslands sem hefur kennt bókmenntafræði,
hagfræði og landfræði á sínum ferli. Ásgeir á gott
með að tengja saman það sem hann hefur heyrt og
séð. Hann sér hlutina oft dálítið öðruvísi en annað
fólk og ég held að mörgum hafi þótt hann hafa
skrýtin áhugamál þegar hann var barn. Hins veg-
ar held ég að þessi eiginleiki hafi nýst honum vel í
starfi. Hann er í eðli sínu mikill fjölskyldumaður
og vinnusamur. Þegar hann sekkur sér niður í
málefnin sést hann ekki alltaf fyrir og vílar ekki
fyrir sér að leggja mikið á sig og vinna dag og nótt
til þess ljúka verkefnum sínum. Slíkt kemur óneit-
anlega niður á fjölskyldunni og ég hygg að Ásgeir
vildi verja meiri tíma með henni en hann gerir
vegna anna í vinnu.
Þegar hann hóf starf hjá Kaupþingi árið 2004
var hann eini starfsmaðurinn í höfuðstöðvum
bankans með alskegg og sumum fannst hann vera
skrýtin tegund af bankamanni. Ég held að hann
hafi aldrei ætlað sér að verða bankamaður enda
hafi hugur hans staðið til þess að vera fræðimaður
og kennari. Hann hefði orðið góður læknir, nátt-
úrufræðingur eða sagnfræðingur en ég held að
hann sé fyrst og fremst kennari. Hann hefur gam-
an af því að stjórna og kenna og hefur þann húmor
sem kennarar og stjórnendur þurfa að hafa.“
Beint og óbeint í pólitík
„Ásgeir hefur mikinn samfélagslegan áhuga þó
hann hafi aldrei verið flokksbundinn. Þegar hann
starfaði í Háskólanum vann hann með fulltrúum
ýmissa ríkisstjórna og flokka og sinnti öllum þeim
verkefnum af stakri trúmennsku. Þegar ég bauð
mig fyrst fram til Alþingis kom Ásgeir heim frá
Bandaríkjunum og tók þátt í kosningabaráttu
minni. Hann er bæði tillögugóður og réttsýnn og
ég leita oft ráða hjá honum, til dæmis við ræðu- og
greinaskrif, og fæ mat hans á ýmsum málum þótt
við séum ekki endilega alltaf sammála.
Ásgeir er eitt sex samhentra systkina, þar sem
hvert og eitt er sjálfstæður einstaklingur. Hann
hefur gaman af því að segja frá og gerir það oft á
hnyttinn hátt. Hann er orðhagur í rituðu sem töl-
uðu máli og er laginn við að gæða frásagnir lífi,
enda heyri ég vel af honum látið sem stjórnanda,
samstarfsmanni og kennara. Þessi gömlu, góðu,
klassísku gildi, sem hann er alinn upp við og hafa
mótað hann, fylgja honum sem þéttur grunnur.
Eftir að hafa byrjað í háskólanámi í líffræði
hætti hann náminu og gerðist háseti á togara.
Hann vildi ná sér í reynslu á þessu sviði og breyta
til og var oft í langri útilegu. Hann var mjög stolt-
ur þegar hann færði björg í bú, kom heim með
fiskflök eða siginn fisk sem hann hafði fengið að
taka úr veiðinni. Hann kunni vel við sig á sjónum
en ég fann að hann myndi fyrr eða síðar leggja
fyrir sig frekara háskólanám.“ Morgunblaðið/RAX
Skrýtin tegund af bankamanni
HEFUR ÞÚ
HUGMYND?
Sendu inn
hugmynd á
n1.is/start
N1 kynnir hugmyndasamkeppni sem er
annar áfangi verkefnisins Start09 sem
hófst með fjölsóttum hugmyndafundi
í Borgarleikhúsinu í júní
Markmiðið er að hvetja fólk og fyrirtæki til nýrrar sóknar
og uppbyggingar um allt land og leysa nýjar hugmyndir
úr læðingi til að auka verðmætasköpun í landinu.
Sendu inn þína hugmynd á n1.is/start
Allir geta tekið þátt í samkeppninni, sérfræðingar jafnt
sem almenningur, börn og fullorðnir. Eina skilyrðið er að
hugmyndin snúist um aukna verðmætasköpun á Íslandi.
Vegleg verðlaun í boði
Dómnefnd mun verðlauna myndarlega þær hugmyndir
sem skara fram úr. Þar að auki mun N1 leita leiða til að
hrinda sem flestum góðum hugmyndum í framkvæmd,
t.d. í samvinnu við önnur fyrirtæki.
Nánari upplýsingar um innsendingu hugmynda er
að finna á www.n1.is/start, heimasíðu verkefnisins.
Dómnefnd skipa
Hermann Guðmundsson, forstjóri N1
Margrét Kristmannsdóttir, formaður SVÞ
Ragnheiður H. Magnúsdóttir, annar stofnenda Uppsprettu
Jeff Taylor, frumkvöðull, stofnandi monster.com
Guðjón Már Guðjónsson, Hugmyndaráðuneytismaður
F
í
t
o
n
/
S
Í
A