Morgunblaðið - 07.11.2009, Page 23

Fréttir 23ERLENT
MORGUNBLAÐIÐ LAUGARDAGUR 7. NÓVEMBER 2009
Tegucigalpa. AFP. | Manuel Zelaya,
sem var steypt af stóli forseta
Hondúras fyrir rúmum fjórum
mánuðum, sagði í gær að sam-
komulag hans við bráðabirgða-
stjórn landsins hefði farið út um
þúfur.
Samkomulagið náðist í vikunni
sem leið með hjálp bandarískra
stjórnarerindreka og kvað á um að
Zelaya og leiðtogi bráðabirgða-
stjórnarinnar, Roberto Micheletti,
mynduðu þjóðstjórn. Fresturinn til
að mynda þjóðstjórnina rann út í
fyrrakvöld og skömmu áður til-
kynnti Micheletti að mynduð hefði
verið ríkisstjórn án þátttöku stuðn-
ingsmanna Zelaya. Hann léði þó
máls á því að menn Zelaya yrðu
skipaðir í stjórnina síðar.
Áður hafði Zelaya neitað að til-
nefna menn í stjórnina, eins og
Micheletti hafði óskað eftir, nema
hann yrði fyrst skipaður forseti á
ný.
Zelaya hefur dvalið í sendiráði
Brasilíu frá því að hann sneri aftur
til Hondúras 21. september. Nýr
forseti verður kjörinn 29. þessa
mánaðar. bogi@mbl.is
Segir samkomulagið
farið út um þúfur
Reuters
Ólga í Hondúras Stuðningsmenn Manuels Zelaya krefjast þess að hann verði skipaður forseti landsins að nýju á
mótmælafundi sem haldinn var fyrir utan þinghúsið í Tegucigalpa, höfuðborg Hondúras.
Eftir Kristján Jónsson
kjon@mbl.is
FYRSTU árin eftir hrun Berlínar-
múrsins 1989 og sameiningu sam-
bandsríkjanna fimm í austri við
Vestur-Þýskaland 1990 var stöðugur
straumur fólks vestur á bóginn
vegna þess hve kjörin voru þar
miklu betri. En nú er munurinn
minni og æ fleiri fyrrverandi Austur-
Þjóðverjar snúa heim á fornar slóðir,
að sögn The New York Times.
Einn þeirra er Frank Siebler, 38
ára gamall verkfræðingur. Hann
hefur fengið gott starf hjá nýju fjar-
skiptafyrirtæki, Signalion, í fæðing-
arborg sinni Dresden eftir nokkurra
ára dvöl í München. „Fyrst eftir að
ég fór [frá Dresden] velti ég því ekki
fyrir mér að snúa aftur,“ segir Siebl-
er sem þá var 25 ára. En smám sam-
an kom upp óþreyja. Konan var
einnig frá Dresden, þau áttu orðið
barn og þeim fannst langt að heim-
sækja vini og ættingja á heimaslóð-
um.
Búið er að verja miklu fé til að efla
austurhéruðin. Atvinnuleysi er enn
mikið en þar er nú gott vega- og
lestakerfi, nútímalegt farsímakerfi
og velferð vaxandi. Og í Dresden er
búið að lagfæra og hreinsa víðfrægar
barokk-byggingar borgarinnar, end-
urreisnin er hafin. Grámi alþýðulýð-
veldisins er loksins á undanhaldi.
Sneru aftur til Dresden
Flóttinn frá gamla alþýðulýðveldinu til vesturs dvínar nú
vegna batnandi kjara og sumir hafa snúið aftur heim
Í HNOTSKURN
»Árið 2008 er talið að 136þúsund manns hafi flutt á
brott frá gömlu austurhér-
uðunum en á móti kemur að 85
þúsund fluttust til héraðanna.
»Árið 1991 var þjóðarfram-leiðsla á hvert nef í austur-
héruðunum um 40% af með-
altalinu í öllu Þýskalandi. Nú
er hún liðlega 70% sem er ívið
hærra en í Portúgal, svipað og
í Grikklandi og örlítið lægra
hlutfall en á Spáni.
ÍKORNAAPAR í klefa sínum í endurhæfingarmiðstöð í Bogota í Kólumbíu.
Þeir eru á meðal 270 dýra sem seld voru ólöglega en verða flutt til nátt-
úrulegra heimkynna sinna í Casanare-héraði á næstu dögum.
FÁ AÐ FARA HEIM
Reuters
HUGURINN BER ÞIG AÐEINS HÁLFA LEIÐ
BERÐU SAMAN VERÐ OG ÞJÓNUSTU
NÆST ÞEGAR ÞÚ FLÝGUR
HVERS VEGNA VELUR ÞÚ ICELANDAIR?
• Hver farþegi hefur sinn eigin skjá á sætisbakinu fyrir framan sig.
• Fjölbreytt úrval kvikmynda, sjónvarpsþátta og annars efnis í nýju afþreyingarkerfi.
• Teppi, koddar og blöð eru án endurgjalds.