Morgunblaðið - 07.11.2009, Blaðsíða 22

22 FréttirERLENT
MORGUNBLAÐIÐ LAUGARDAGUR 7. NÓVEMBER 2009
STJÓRN breska Verkamanna-
flokksins segir nú mjög ólíklegt að
samkomulag náist fyrir lok ársins
um nýjan lagalega bindandi lofts-
lagssáttmála sem tæki við af Kyoto-
bókuninni um aðgerðir til að stemma
stigu við loftslagsbreytingum í heim-
inum. Breska stjórnin telur að það
taki ár til viðbótar að semja um laga-
lega bindandi alþjóðasáttmála sem á
að taka gildi þegar Kyoto-bókunin
rennur út árið 2012.
Leiðtogar ríkja heims lofuðu fyrir
tveimur árum að leggja lokahönd á
nýjan sáttmála á ráðstefnu í Kaupa-
mannahöfn 7.-18. desember.
Aðeins „pólitískt bindandi“
Ed Miliband, sem fer með lofts-
lagsmál í bresku stjórninni, hefur
hingað til sagt að hægt sé að ná
þessu markmiði en hann segir nú að
líklega verði niðurstaðan aðeins
„pólitískt bindandi“ samkomulag.
Þetta mun vera í fyrsta skipti sem
breskur ráðherra viðurkennir að litl-
ar líkur séu á lagalega bindandi sátt-
mála á ráðstefnunni í Kaupmanna-
höfn, að sögn fréttavefjar breska
ríkisútvarpsins, BBC.
Áður höfðu Ban Ki-moon, fram-
kvæmdastjóri Sameinuðu þjóðanna,
Lars Løkke Rasmussen, forsætis-
ráðherra Danmerkur, og Todd
Stern, aðalsamningamaður Banda-
ríkjastjórnar, látið í ljósi efasemdir
um að hægt yrði að ná samkomulagi
um lagalega bindandi sáttmála.
bogi@mbl.is
Gæti dregist í ár í viðbót
Litlar líkur taldar á að samkomulag náist um lagalega
bindandi loftslagssáttmála í Kaupmannahöfn í desember
Reuters
Mótmæli Mótmælendur fyrir utan fundarstað fulltrúa rúmlega 190 ríkja í
undirbúningsviðræðum í Barcelona fyrir loftslagsráðstefnuna í desember.
STÚLKUR í Ndebele-ættflokknum sitja fyrir framan
höfðingja hans við athöfn í Frelsisgarðinum í Pretoríu.
Afrískir ættflokkahöfðingjar, konungar og drottningar
komu saman í garðinum í fyrradag til að heiðra Nelson
Mandela. Frelsisgarðurinn er til minningar um þá sem
fórnuðu lífi sínu fyrir frelsi Suður-Afríku.
NELSON MANDELA HEIÐRAÐUR
Reuters
Eftir Kristján Jónsson
kjon@mbl.is
KÍNVERJAR eru nú að skipuleggja
Ólympíuleika fyrir vélmenni, öðru
nafni þjarka og verða þeir haldnir í
borginni Harbin á næsta ári, að sögn
vefs breska ríkisútvarpsins, BBC.
Gert er ráð fyrir að vélmennin keppi
í alls 16 ólíkum greinum, bæði hefð-
bundnum íþróttagreinum og einnig
greinum sem höfða meira til vél-
menna en margra annarra, til dæmis
hreingerningum.
Þátttakendur verða að uppfylla
það skilyrði að líkjast mönnum í út-
liti, verða að vera með tvær hendur
og tvo fætur. Tæki sem notast við
hjól í stað fóta verða bönnuð. Skipu-
leggjendurnir búast við því að yfir
100 háskólar víða um heim muni
senda keppendur á leikana.
Harbin varð fyrir valinu sem
keppnisstaður vegna þess að
tækniháskóli borgarinnar ræður yfir
teymi sem hefur rannsakað knatt-
spyrnu og stýrir nú sigursælu liði
vélmenna í þeirri grein. Hong Rong-
bing, prófessor við skólann, segir að
markmiðið með leikunum sé að ýta
undir uppfinningar og framleiðslu
vélmenna sem hafi meiri sveigjan-
leika en tíðkast hefur í röðum þeirra.
Keppni milli vélmenna verður æ
vinsælli, ein er nefnd Roboexotica.
Þar sýna þjarkarnir m.a. snilld sína í
að blanda kokkteila, kveikja í sígar-
ettum og rabba á barnum.
Ólympíuleikar
fyrir vélmenni
ÍS
L
E
N
S
K
A
S
IA
.I
S
IC
E
47
64
6
11
/0
9