Morgunblaðið - 19.12.2009, Qupperneq 27

Fréttir 27ERLENT
MORGUNBLAÐIÐ LAUGARDAGUR 19. DESEMBER 2009
www.damask.dk
Gleðileg
Jól
TILBOÐ
DUX 1001 Classic 105x200cm kr 225.000
2 DUX 1001 Classic 90x200cm/Xtandard
yfirdýna 180x200cm Kr 379.000
JÓLATILBOÐ frá kr. 48.700
Gæsadúnssængur í hæsta
gæðaflokki.
Hverri sæng 140x200cm
fylgir gæsadúnskoddi
50x70cm að verðmæti
kr. 22.900.
KIMONO Kr 16.900
Sængurfatnaður
DUXIANA Ármúla 10 Sími 568 9950 DUXIANA.IS
„ÉG held að það megi segja að ár-
angurinn er ótvíræður af Kaup-
mannahafn-
arfundinum þó að
hann sé ekki eins
áþreifanlegur og
maður hefði vilj-
að sjá og þá á ég
við að helstu leið-
togar þessara
ríkja skuli koma
saman á þessum
stað til þess að
ræða raunveru-
lega og ábyrga
aðkomu að því að takast á við lofts-
lagsvandann. Það má ekki gleyma
því að slíkt hefði verið óhugsandi
fyrir nokkrum misserum,“ sagði
Svandís Svavarsdóttir umhverfis-
ráðherra síðdegis í símaviðtali áður
en samkomulagið lá fyrir í gær.
– Hversu mikill einhugur er að
baki hástemmdum yfirlýsingunum?
„Ég er þeirrar skoðunar eftir að
hafa verið hér þessa daga að mikill
meirihluti þeirra sem hér eru sé hér
í góðri trú og sé hér raunverulega til
þess að vinna bug á vandanum og
axla ábyrgð á honum. Þannig að vilj-
inn er alveg klár. Það sem vandinn
snýst um er að koma sér saman um
pappír sem er þeirrar gerðar að allir
geti unað við hann.“
Eftir að samkomulagið lá fyrir
sagði Svandís það vera vonbrigði að
ekki hafi náðst lagalaga bindandi
samkomulag. Samkomulagið sýni þó
að alvara sé á bakvið viðræðurnar,
þótt enn eigi eftir að koma í ljós ná-
kvæmlega í hverju það felst.
Spurð hvort markmið ESB um
30% samdrátt í losun árið 2020 frá
árinu 1990 gangi nógu langt segir
Svandís það „mjög ásættanlegt“.
Vonbrigði
en þó sigur
Svandís
Svavarsdóttir
Eftir Baldur Arnarson
og Hlyn Orra Stefánsson
SAMKOMULAG náðist í gærkvöldi í viðræðum
Baracks Obama bandaríkjaforseta við leiðtoga
Kína, Indlands, Brasilíu og Suður-Afríku, en við-
ræðurnar voru hluti af loftslagsráðstefnunni sem
staðið hefur yfir í Kaupmannahöfn.
Þátttakendur fögnuðu margir hverjir sam-
komulaginu og sögðu það vera mikilvægt skref í
rétta átt. Obama sagði samkomulagið vera grund-
völl sem frekari aðgerðir myndu byggjast á en
ítrekaði þó að enn væri langt í land í baráttunni við
loftslagbreytingar.
Samkomulagið snýst um áherslur baráttunni,
en á miðnætti þegar Morgunblaðið fór í prentun
var enn nokkuð óljóst hvaða þýðingu samkomu-
lagið hefur. Ljóst er þó að það er ekki lagalega
bindandi. Obama sagði að leiðtogar þjóðanna
hefðu náð samkomulagi um að takmarka hlýnun
jarðar við tvær gráður og að þjóðirnar myndu
grípa til viðeigandi ráðstafana til að ná því mark-
miði.
AFP-fréttastofan segir að í uppkasti að sam-
komulagstexta komi fram að Bandaríkin muni
leggja til 3,6 milljarða dala á tímabilinu 2010 til
2012 til að greiða fyrir því að fátækari ríki geti
dregið úr loftmengun. Japan muni leggja til 11
milljarða dala og Evrópusambandið 10,6 milljarða
dala, en svo virðist sem samkomulag hafi náðst við
ESB eftir að samþykkt áðurnefndra þjóða lá fyrir.
Að sögn evrópsks sendimanns verður ekki
ákveðið fyrr en í janúar hvaða markmið verða sett
um losun gróðurhúsalofttegunda árið 2020. Þá er
ekki kveðið á um við hvaða ár er miðað sem há-
mark losunarinnar.
Samkomulagið
skref í rétta átt
Reuters
Samkomulag Samkomulag náðist í gærkvöldi,
en enn er á reiki í hverju samkomulagið felst.
Samkomulag náðist í gærkvöldi milli Bandaríkjaforseta og leiðtoga Kína, Indlands og Suður-Afríku
„ÞAÐ hefur verið rafmagnað
andrúmsloft og mikil spenna í
lofti þessa tvo daga sem ég hef
verið hérna. Það er ljóst að það
er mikill þungi í ráðstefnunni
að ná svona metnaðarfullum
markmiðum í loftslagsmálum
og það sýnir sá fjöldi þjóðar-
leiðtoga sem hér er saman
kominn,“ sagði Jóhanna Sig-
urðardóttir forsætisráðherra
um fundinn sem hún álítur
„stóráfanga í loftslagsmálum“.
Jóhanna segir gjána á milli iðnríkjanna og þró-
unarríkjanna hafa komið „berlega í ljós“.
„Mér finnst nokkur óbilgirni hafa verið sýnd af
hálfu ýmissa þróunarríkja sem leggja fram kröfu
um mikið fjármagn ef þau eiga að uppfylla töluleg
markmið í losunarmálum. Það er einmitt það sem
er verið að takast á um þessa stundina, fjármagnið
og tölulegu markmiðin að því er varðar þróunar-
ríkin,“ sagði Jóhanna síðdegis í gær.
Hún nefndi því næst Bólivíu og Venesúela sem
dæmi en heimildir Morgunblaðsins herma að hér
sé einnig átt við Súdan, sem á í náinni samvinnu
við Kínastjórn, meðal annars um olíuvinnslu.
Spurð hvort ríkisstjórn Íslands sé ekki að ganga
gegn hagsmunum þjóðarinnar með því að styðja
það markmið Evrópusambandsins að draga úr los-
un gróðurhúsaloftegunda um 30% fyrir árið 2020
vísar Jóhanna því á bug. Sá samdráttur í losun
gróðurhúsalofttegunda sem hljótist af notkun
endurnýjanlegrar orku til að knýja iðnstarfsemi
hér sem og skógrækt og fyrirhuguð endurheimt
votlendis muni nýtast Íslendingum til að ná fram
þessum markmiðum.
Mikil spenna og óbilgjarnar kröfur
Jóhanna
Sigurðardóttir
„SUM ríki hafa tafið samninga
með umræðum um fundarsköp
til að ná fram kröfum sínum.
Hér er gríðarleg barátta á milli
iðnríkja og þróunarríkja og svo
innan iðnríkjanna þar sem
Bandaríkin eru öðrum megin og
ESB hinum megin,“ sagði Árni
Finnsson, formaður Náttúru-
verndarsamtaka Íslands.
„Árangurinn af ráðstefnunni
er engan veginn viðunandi. Alþjóðasamfélagið er
þegar langt á eftir áætlun við að koma í veg fyrir
þessar hættulegu loftslagsbreytingar. Þátttaka
130 þjóðarleiðtoga sýnir þó hvað málið er nú tekið
alvarlega,“ segir Árni, sem telur aðild Íslands að
loftslagsstefnu ESB munu skerpa á vinnu stjórn-
valda. Aginn verði meiri og skipulagið betra.
Tafir og klókindi
Árni Finnsson