Morgunblaðið - 29.01.2010, Page 16

16 FréttirVIÐSKIPTI | ATVINNULÍF
MORGUNBLAÐIÐ FÖSTUDAGUR 29. JANÚAR 2010
Morgunblaðið/Kristinn
Ráðstefna Halldór Jörgensen var
mjög ánægður með ráðstefnuna.
Halldór Jörgensson, fram-
kvæmdastjóri Microsoft Íslandi,
segir að í ljósi þess hve vel Best of
TechEd & Convergence hafi verið
sótt sé búið að ákveða að halda ráð-
stefnuna aftur að ári liðnu. Hún sé
greinilega orðin mikilvægur þáttur
í símenntun íslensks upplýsinga-
tæknifólks. „Ef við höldum rétt á
spilunum geta nýsköpun og upplýs-
ingatækni ekki bara hjálpað okkur
að auka hagræði í öllum okkar
rekstri, heldur einnig orðið einn
mikilvægasti þátturinn í verðmæta-
sköpun Íslendinga á komandi ár-
um.“
tæknigeiranum á ráðstefnur er-
lendis lögðust svo til af í kjölfar
banka- og gengishrunsins.
Á Best of TechEd & Convergence
flytur Microsoft Íslandi hingað til
lands marga af helstu fyrirles-
urunum á tveimur stórum alþjóð-
legum ráðstefnum, annars vegar
hinni bandarísku TechEd og hins
vegar Convergence, sem haldin er í
Evrópu. Íslenskum tækni-
áhugamönnum er boðið að sækja
viðburðinn sér að kostnaðarlausu,
svo allir sem vilja geti kynnt sér
það nýjasta í tækninni óháð fjár-
hag.
METFJÖLDI sótti ráðstefnuna
„Best of TechEd & Convergence
2010“ sem haldin var í Reykjavík
dagana 26. og 27. janúar. Alls komu
1.134 gestir sem gerir þetta að fjöl-
mennustu ráðstefnu sem haldin
hefur verið í upplýsingatækni hér á
landi.
Það er Microsoft Íslandi sem
stendur fyrir Best of TechEd &
Convergence, en þetta er í annað
sinn sem ráðstefnan er haldin hér á
landi. Blásið var til ráðstefnunnar í
fyrsta sinn í janúar á síðasta ári í
kjölfar þess að símenntunarferðir
íslenskra starfsmanna í upplýsinga-
Metfjöldi á Microsoft-ráðstefnu
STUTTAR FRÉTTIR
● Ríkisskattstjóri hefur ekki gripið til
aðgerða vegna vangoldinna skatta af
söluhagnaði hlutabréfa, samkvæmt
upplýsingum frá embættinu. Fram kom
í Morgunblaðinu í október síðastliðnum
að fyrirtæki sem ekki höfðu heimild
samkvæmt þágildandi lögum til að
fresta skattgreiðslum af söluhagnaði
hlutabréfa hefðu gert það. Talið er að
ríkið hafi orðið af tugum eða hundr-
uðum milljarða af skatttekjum vegna
þessa. Mörg þeirra félaga sem nýttu sér
þessa heimild eru nú gjaldþrota og því
líklegast eftir litlu að slægjast fyrir
skattyfirvöld. thg@mbl.is
Söluhagnaður enn
óskattlagður
● VÍSITALA GAMMA yfir verðtryggð
og óverðtryggð skuldabréf, GAMMA:
GBI, lækkaði í gær um 0,16%. Verð-
tryggð skuldabréf lækkuðu í verði,
um 0,177%, og sömuleiðis óverð-
tryggð skuldabréf, um 0,114%. Velta
með skuldabréf í kauphöllinni nam
3,73 milljörðum króna, þar af 1,17
milljörðum með verðtryggð íbúða-
bréf og 2,56 milljörðum með óverð-
tryggð ríkisbréf.
ivarpall@mbl.is
Skuldabréf lækkuðu
lítillega í verði í gær
● Meirihluti eins
milljarðs króna
hlutafjáraukningar
í 365 miðlum ehf.,
næsta þriðjudag,
verður frá aðilum
ótengdum Jóni Ás-
geiri Jóhannes-
syni, helsta eig-
anda fyrirtækisins.
„Það er hægt að
horfa svolítið í fyrirkomulagið á þessari
hlutafjáraukningu. Það er augljóslega
stefnt að því með þessari skiptingu,“
sagði Ari Edwald, forstjóri 365 miðla, í
gær. 60% hins nýja hlutafjár, um 600
milljónum, verði aukið við B-hlutann og
verði frá nýjum hluthöfum, að mestu,
en 40% aukið við A-hlutann. Hann vill
ekki svara því hverjir hinir nýju hlut-
hafar séu, eða hvort þeir séu íslenskir
eða erlendir.
Hann segir áhuga meðal fjárfesta á
fyrirtækinu vegna ávöxtunarvonar,
frekar en til þess að móta rekstur
þess. Hvað þær 400 milljónir varðar,
sem bætt verður við A-hluta hlutafjár,
vill Ari ekki segja hvort komi frá Jóni
Ásgeiri eða aðilum honum tengdum.
Jón Ásgeir gefur ekki heldur upp hvort
hann hyggist leggja meira fé í 365
miðla á þriðjudaginn.
60% nýs hlutafjár frá
öðrum en Jóni Ásgeiri
Ari Edwald
José Sócrates, forsætisráðherra
Portúgals, hefur tilkynnt umtalsverð-
an niðurskurð í ríkisfjármálum og
segir ríkisstjórnina stefna að því að
draga úr fjárlagahallanum um tvo
þriðju á næstu fjórum árum. Fjár-
lagahallinn í fyrra nam 9,3% af lands-
framleiðslu. Fjárlagafrumvarp ríkis-
stjórnar Sócrates, sem er leidd af
Sósíalistaflokknum, gerir ráð fyrir að
hallinn muni nema 8,3% í ár en fara
svo hratt niður þannig að hann verði
kominn undir þau þrjú prósent sem
reglur evrusvæðisins kveða á um fyr-
ir árið 2013.
Financial Times hefur eftir for-
sætisráðherranum að nauðsynlegt sé
að endurreisa traust fjárfesta á portú-
galska hagkerfinu en á sama tíma
verður að örva hagvöxt. Ljóst má
vera að lítill samdráttur í ríkisfjár-
málum í ár tekur mið af síðarnefnda
takmarkinu. Metnaðarfullum áform-
um um samdrátt næstu tvö ár eftir
það er því ætlað að efla traust fjár-
festa á sjálfbærni skuldasöfnunar rík-
issjóðs.
Traust á portúgalska hagkerfinu
hefur farið þverrandi að undanförnu
vegna versnandi samkeppnisstöðu og
hallarekstrar ríkisins. Auk þess er
óttast að Portúgalar kunni að stefna í
sömu átt og Grikkir en stjórnvöld í
Aþenu takast nú á við yfirvofandi
skuldakreppu vegna viðvarandi halla-
rekstrar ríkisins. Endurreisn trausts
á portúgalska hagkerfið mun byggj-
ast á því hvort fjárfestar telja niður-
skurðaráform stjórnvalda trúverðug.
Það ætti að auka tiltrú þeirra að
stjórnvöld hafa ráðist í erfiðar að-
gerðir nú þegar á borð við frystingu
launa opinberra starfsmanna. Auk
þess er efnahagsleg staða Portúgals
að mörgu leyti skárri en Grikklands
þó svo að hún sé alvarleg eigi að síður.
Þannig má nefna að skuldir ríkisins
eru um 60% af landsframleiðslu og er
það í takt við það sem sést í öðrum
evruríkjum. Opinberar skuldir Grikk-
lands nema hins vegar 130% af lands-
framleiðslu.
Hins vegar geta breytingar á fjár-
mögnunarkostnaði gríska ríkisins til
hins verra gert stjórnvöldum enn erf-
iðara fyrir við að koma böndum á
skuldasöfnunina. Þannig gætu erfið-
leikar gríska ríkisins haft mikil áhrif á
stöðu hins portúgalska.
ornarnar@mbl.is
Sósíalistar áforma mikinn
niðurskurð á ríkisútgjöldum
Forsætisráðherra Portúgals vill efla tiltrú á hagkerfinu
Eftir Örn Arnarson ornarnar@mbl.is
GEORGE Papandreou, forsætis-
ráðherra Grikklands, vandaði ekki
blaðamönnum Financial Times og
spákaupmönnum með „annarleg
markmið“ kveðjurnar á efnahags-
ráðstefnunni í Davos í Sviss í gær.
Forsætisráðherrann vísaði því al-
gerlega á bug að skuldastaða rík-
issjóðs væri svo slæm að Evrópu-
sambandið þyrfti að koma til
bjargar þannig að vandamálið
myndi ekki grafa undan trausti á
evrusvæðinu. Sem kunnugt er hef-
ur viðvarandi fjárlagahalli gríska
ríkisins leitt til þess að opinberar
skuldir eru hátt í 130% af lands-
framleiðslu. Þverrandi trú fjárfesta
á að stjórnvöld í Aþenu geti fjár-
magnað þennan skuldahala á við-
unandi kjörum hefur skapað mikla
spennu á fjármálamörkuðum á und-
anförnum misserum.
Mikill fjárlagahalli
Spákaupmenn hafa meðal annars
tekið stöðu með því að ESB þurfi
að koma grískum stjórnvöldum til
aðstoðar og veðja þar með á þá at-
burðarás sem slík inngrip kynnu að
hrinda af stað. Að sama skapi hafa
þeir veðjað á að engin aðstoð muni
berast og að það sé ekki pólitískur
möguleiki á því að stjórnvöld geti
dregið úr hallarekstri ríkisins á
næstu árum þannig að hann upp-
fylli kröfur evrusvæðisins. Fjár-
lagahallinn í Grikklandi á síðasta
ári var tæp 13% af landsframleiðslu
en viðmið evrusvæðisins eru 3%.
Papandreou sagði að gríska ríkið
ætti ekki í neinum erfiðleikum með
að fjármagna sig um þessar mund-
ir. Vísaði hann til skuldabréfaút-
boðs að andvirði 25 milljarða evra
fyrr í þessari viku. Fimmföld um-
frameftirspurn var í útboðinu en
hins vegar var ávöxtunarkrafan
mjög há. Reyndar viðurkennir Pap-
andreou þá staðreynd að sögn Fin-
ancial Times. Forsætisráðherrann
sagði einnig að sá orðrómur sem
uppi er um erfiðleika gríska ríkisins
væri runninn undan rifjum and-
stæðinga evrusvæðisins. Ennfrem-
ur að þeir sem héldu uppi slíkum
orðrómi og öðrum sem snýst um að
stjórnvöld í Aþenu leituðu nú eftir
því að annað ríki myndi kaupa af
þeim skuldabréf án útboðs væru að
reyna að hagnast á væringunum.
Óttast stöðu ríkissjóðs
Með því síðarnefnda vísaði Pap-
andreou í frétt Financial Times um
að grísk stjórnvöld hefðu leitað til
kínverskra stjórnvalda eftir aðstoð.
Forsætisráðherrann svaraði þessari
frétt afdráttarlaust með því að lýsa
því yfir að Grikkir þyrftu hvorki
tvíhliða lán né hefðu þeir leitað eft-
ir slíku. Þrátt fyrir gagnsókn Pap-
andreous hefur eftirmarkaður með
grísk ríkisskuldabréf sent frá sér
afdráttarlaus skilaboð um að fjár-
festar óttist stöðu ríkissjóðs Grikk-
lands. Þannig fór ávöxtunarkrafan
á skuldabréf til tíu ára í 6,92% á
miðvikudag og var þar með 356
punktum hærri en krafan á þýsk
ríkisskuldabréf. Slíkt bil hefur ekki
áður sést frá því að evran var tekin
upp. Eins og John Authers benti á í
dálki sínum í Financial Times þýðir
þetta að skuldabréf ríkja sem til-
heyra evrusvæðinu eru talin
áhættusamari en skuldabréf ný-
markaðsríkja að meðaltali um þess-
ar mundir.
Veðmál gegn
gríska ríkinu
Reuters
Davos George Papandreou, forsætisráðherra Grikklands var harðorður í
garð gagnrýnenda ríkisstjórnarinnar á efnahagsráðstefnunni í Davos.
Papandreou vandar gagnrýnendum
ríkisstjórnarinnar ekki kveðjurnar