SunnudagsMogginn - 21.08.2011, Blaðsíða 39

„Þetta er nú ekki slæmt er það? Þetta mun
ekki gera þér neitt nema gott.“
Hún sagðist ekki vera búin að ákveða í
hverju hún ætli að vera í við verðlaunaathöfn-
ina. „Ég held ég ætli samt að vera í einhverju
mjög sígildu því það er ekki víst að ég verði
nokkru sinni tilnefnd aftur!“
Ættuð frá Birmingham
Deeley er fædd og uppalin í Birmingham en
þar eins og í nokkrum öðrum borgum í Bret-
landi blossuðu upp óeirðir nýverið. Kynnirinn
er ekki búinn að gleyma heimaborginni og var
að vonum brugðið vegna fréttanna. „Hræðileg-
ar fréttir. Trúi ekki eigin augum. Hryllilegt.
Reynið að vera örugg,“ skrifaði hún á Twitter.
Í næsta mánuði kemur síðan í ljós hvort
Deeley fær Emmy-verðlaun. Það vinnur
kannski á móti henni að þetta er fyrsta til-
nefningin hennar en aðrir í flokknum hafa
verið tilnefndir áður, en ljóst er að hún ætti
sigurinn fyllilega skilinn.
Með LL Cool J á Teen Choice-verðlaunahátíðinni fyrr í mánuðinum.
Reuters
’
Ég er ekki að leika ein-
hvern annan karakter.
Ákveðnir þættir persónu-
leika míns ýkjast upp því maður
verður að skína í gegn í sjónvarpi
en í raun er ég alveg sú sama
21. ágúst 2011 39
Maður einn í Mississippi gengur ansi langt til að ná sér í
góða pizzu, eða um 2200 kílómetra. David Schuler er al-
inn upp í Massachusetts og heimsækir heimaríkið reglu-
lega, nánar tiltekið bæinn Stoughton, rétt fyrir utan Bost-
on, og pizzastaðinn Town Spa Pizza til að kaupa pizzur og
fara með heim til Jackson. Hann byrjaði þessa hefð fyrir
nokrum árum eftir að hann gat ómögulega fundið góða
pizzu í Mississippi. Í síðustu ferðinni
sótti hann 150 pizzur, frosnar og loft-
tæmdar. Þetta var metferð og tók
ferðalagið sólarhring og á leiðinni
borðaði hann að sjálfsögðu
Town Spa-pizzur. Staðurinn
selur pizzur til annarra ríkja
eins og Kaliforníu og Flórída
en Schuler er besti við-
skiptavinurinn utan ríkisins.
Sótti pizzu 2200
kílómetra leið
Það var kannski of gott til
að vera satt, að fá vinning
úr spilakassa uppá 43 millj-
ónir evra, eða um sjö millj-
arða króna. Behar Merlaku
hefur stefnt spilavíti í Bre-
genz í Austurríki fyrir að hafa ekki borgað honum vinn-
inginn sem kom upp í marslok. Ráðamenn spilavítisins
efast ekki um að vélin hafi sýnt þessa tölu en segja að
hún hafi bilað. Málið verður leyst fyrir dómstólum en í
millitíðinni hefur Merlaku verið bannað að sækja spila-
vítið heim.
Fær ekki milljarðavinninginn
„Það er mikill munur að fljúga nú og þegar ég fór í mína fyrstu milli-
landaferð en sú ferð var jafnframt sú fyrsta í millilandaflugi Íslendinga,“
sagði Jóhannes í viðtali við Morgunblaðið eftir lendingu í nóvember
1980. Sú ferð var til Lages Bay í Skotlandi en þangað var sjö tíma flug á
Catalina-flugbát sem hannaður var í hernaðarlegum tilgangi en alls ekki
til farþegaflugs enda þótt slíkar flugvélar væru lengi notaðar þannig hér
á landi. Skotlandsferðina og fleiri eftirminnilegar rifjaði Jóhannes upp í
minningabókum sínum, Skrifað í skýin, sem þóttu frábærlega vel ritaðar
og voru metsölubækur. Marga aðra punkta úr ferli Jóhannesar mætti hér
nefna svo sem að hann sat í flugstjórasætinu þegar Gullfaxi Flugfélags Ís-
lands, fyrsta þota Íslendinga kom til landsins árið 1967.
„Hann horfir út. Höfuðborgin skartar sínu fegursta. Við sjáum fjölda
fólks, sem safnast hefur saman á flugvellinum, til að fagna komu Gull-
faxa, fyrstu íslensku þotunnar. Við stjórnvölinn er Jóhannes R. Snorra-
son yfirflugstjóri. Það ríkir bjartsýni og gleði um borð og eins og ávallt
óskorað traust til flugstjórans,“ sagði Guðmundur Snorrason í minning-
argrein að Jóhannesi látnum vorið 2005. Jóhannes var handhafi flug-
skírteinis nr. fimm; á undan voru Sigurður Jónsson, Björn Eiríksson,
Agnar Kofoed-Hansen og Örn Ó. Johnson. Og Guðmundur Snorrason
sagði einnig:
„Eins og mörg ævintýri krafðist flugævintýri okkar Íslendinga margra
fórna og þrotlausrar baráttu frumkvöðlanna, sem höfðu ekki í neinn
reynslubrunn að leita, en urðu að taka út sína eigin reynslu með þrot-
lausum tilraunum og baráttu við slæmar aðstæður, ófullkomnar vélar,
lélega flugvelli og óblíð skilyrði í dreifbýlu fjallalandi.“ Sigurður Bogi
Sævarsson
sbs@mbl.is
’
Það er mikill
munur að
fljúga nú
og þegar ég fór
í mína fyrstu
millilandaferð
Jóhannes
R. Snorrason.
G
etur verið að þú sért vandamálið en ekki klámið sjálft?
Rannsókn sem gerð var í Háskólanum í Utah í Banda-
ríkjunum fengi eflaust marga til að spyrja sig þeirrar
spurningar, því hún sýndi fram á að áhrif kláms á ein-
stakling velta á honum sjálfum. Rannsóknin leiddi í ljós að því
meira sem þátttakendur reyndu að bæla niður kynlífshugsanir
sínar og -langanir, því líklegri væru þeir til að líta á klám sem
vandamál. 299 háskólanemar voru spurðir hvort þeir teldu
neyslu á klámi vandamál.
Að því er virðist ættu gögnin að hjálpa til við að ná sáttum í
hinni löngu og sjóðheitu umræðu um það hvort klám hafi jákvæð
eða neikvæð áhrif á fólk. Í áratugi hafa klámsinnar sem og and-
stæðingar þess tekist á um það hvort að klám skaði konur, geri
neytendur kynferðislega ágengari, skaði sambönd og ýti undir
kynjamismunun.
Þeir sem styðja neyslu á klámi fullyrða að það auðgi hug-
myndir elskenda í kynlífi, stuðli að betri sjálfsfróun og dragi
jafnvel úr löngun einstaklings til þess að misnota einhvern kyn-
ferðislega og sé því örugg leið til að fá útrás fyrir kynferðislegar
fantasíur. Þeir sem eru á móti neyslu á klámi segja að sjónrænar
myndir af þessu tagi skapi og ali á óraunverulegri kynferðislegri
eftirvæntingu, snúi elskhugum hvorum á móti öðrum og hvetji
til ofbeldis.
Áhorf kláms er einn flóknasti angi kynferðislegrar nautnar og
tjáningar, sérstaklega þegar áhorfið verður meira en hóflegt getur
talist eða inniheldur ofbeldi. Eigi að síður svara kynlífsfræðingar
spurningum um neyslu á klámi og spurningum á borð við „Er í
lagi að horfa á klám?“, „Hversu oft er of oft?“, „Hvaða tegund af
klámi gerir mig að öfugugga?“, „Orsakar neysla á klámi vanda-
mál?“ á þann veg að það velti á einstaklingnum sjálfum.
Hugsanleg vandamál sem skapast í kringum klámneyslu eru
fyrst og fremst sprottin af persónulegum gildum og skoðunum á
ólíkum tegundum af erótík, nánd og kynferðislegri nautn. Hug-
myndir þínar um það sem er annars vegar jákvætt og gott og hins
vegar neikvætt og rangt hafa áhrif á kynferðislega ánægju þína.
Rannsóknirnar í háskólanum í Utah benda til þess að líkurnar á
því að klámneysla verði að vandamáli fari eftir því hvernig ein-
staklingurinn bregst við ef hann lokar á kynferðislegar langanir
sínar. Löngun einstaklings í klám er líklegri til að aukast ef við-
komandi byrgir hana inni, þ.e. bælingin magnar löngunina í að
skoða klám. Og þetta verður flókið fyrir einstaklinginn þegar það
vinnur á móti siðferði hans, þar á meðal trúarlegum áhrifum. Það
eru þessar blendnu tilfinningar sem koma upp sem á endanum
leiða til kynlífsvandamála.
Er klám vanda-
málið eða ert
það þú?
Kynfræð-
ingurinn
Dr. Yvonne Kristín Fulbright
kyn@mbl.is
Japanskir klámmyndaleikarar og leikstjóri með þrívíddargleraugu horfa á
myndina „Sex & Zen: Extreme Ecstasy“ í Hong Kong fyrr í mánuðinum.
Reuters