Morgunblaðið - 15.05.2010, Blaðsíða 14

Spurður hvernig hann muni starfa sem
borgarfulltrúi, nái hann kjöri, segist Einar Örn
ekki ætla að starfa sem stjórnmálamaður.
Stjórnmálin hafi verið að flækja málin fyrir
Reykvíkingum og komið í veg fyrir að borgar-
starfsmenn fái að vinna vinnuna sína. Ör skipti
á borgarstjórum skapi ekki stöðugleika og
bendir hann á að enn eigi eftir að gera högg-
myndir af þremur síðustu borgarstjórum.
„Ein af ástæðunum fyrir því að ég er í
þessu er að árið 2008 sprakk bæði bankakerfið
og hið pólitíska kerfi. Rannsóknarskýrsla Al-
þingis sýnir það. Flokkakerfið hefur síðan í
hruninu verið að reyna að lappa upp á eitthvað
sem er ónýtt. Ef eitthvað er ónýtt þá á að skipta
því út og hætta að hugsa í einhverjum pólitísk-
SVIÐSLJÓS
Björn Jóhann Björnsson
bjb@mbl.is
Samkvæmt skoðanakönnunum bendir allt til að
Besti flokkurinn nái kjöri í borgarstjórn. Í einni
könnun eru Jón Gnarr og félagar með fjóra
menn kjörna en í samtali við Morgunblaðið seg-
ist Jón vonast til að ná hreinum meirihluta í
borgarstjórn. Annríkið er mikið hjá frambjóð-
endum flokksins en á borði Jóns liggja um 300
beiðnir um að koma fram víðs vegar um borg-
ina og kynna framboðið.
Jón Gnarr segist hafa átt von á því að við-
tökurnar yrðu góðar, kannanir hafi þróast eins
og hann hafi búist við. „Ég geri mér vonir um
að fá fleiri borgarfulltrúa en fjóra. Það væri frá-
bært ef við næðum hreinum meirihluta, það
væri óskastaða. Ég mun reyna að gera þetta
eins vel og ég get og eins og samviskan býður
mér. Mér finnst þetta ekkert öðruvísi en önnur
verkefni sem ég hef tekið að mér. Þetta verður
eins og hver önnur vinna. Ábyrgðin er mikil og
ég mun reyna að axla hana eins og aðra ábyrgð
sem ég hef gert gegnum tíðina,“ segir Jón
Gnarr og telur af og frá að um sé að ræða eitt-
hvað grínframboð þó að hann hafi starfað sem
grínisti. Hins vegar virðist fólk halda að svo sé.
„Ég er að fronta þennan hóp sem ég sjálfur. Þó
að ég sé nú skemmtilegur maður þá hefur mér
tekist að ala upp fjögur börn og á núna eitt lítið
barn. Það hefur ekki verið tómt grín.“
Oddviti Besta flokksins segir stjórnmál
geta verið mjög skemmtileg ef því er að skipta.
Hann segist líta á þetta sem inngrip inn í veika
fjölskyldu, þegar utanaðkomandi aðili kemur
inn og reynir að laga fjölskyldulífið með nýjum
hlutum. „Mér finnst þetta vera með því
skemmtilegra sem ég hef gert um ævina. Mér
finnst þetta jafn skemmtilegt og að gera Vakt-
irnar eða Fóstbræður. Umræðan í borginni er
stöðnuð og við reynum að hleypa henni upp,
koma fólki á óvart og klípa það aðeins,“ segir
Jón Gnarr.
Borgarbúum líði vel
Einar Örn Benediktsson, framkvæmda-
stjóri og fyrrverandi meðlimur Sykurmolanna,
skipar annað sæti á lista Besta flokksins. Hann
segir þá útkomu í skoðanakönnunum, að flokk-
urinn fái fjóra borgarfulltrúa kjörna, vera
gleðilega.
„Þegar við lögðum af stað með þetta var
ákveðin hugmynd í gangi, að gera skemmtilegt
í kringum okkur. Við vorum ekkert að gæla við
einhverjar skoðanakannanir eða hugsa um að
ná inn manni. Við vildum gera ákveðna hluti,
eins og fá ísbjörn í húsdýragarðinn, og gera
skemmtilegt í Reykjavík. Til þess þarf að láta
Reykvíkingum líða vel,“ segir Einar Örn og tel-
ur margt hægt að gera til að láta borgarbúum
líða vel. Að fara í húsdýragarðinn, fara í
skemmtilegan miðbæ Reykjavíkur og gera
hverfin skemmtileg. Hægt sé að bæta strætó-
kerfið til muna, minnka vagnana, hafa ferðir
tíðari úr hverfunum og nota meira rafmagns-
bíla eða ódýrari farkosti.
um skiptingum. Það þarf að stokka þetta upp
og Besti flokkurinn kemur með ferska og öðru-
vísi tæklingu á þessi mál. Ef óánægðir kjós-
endur annarra flokka ætla að kjósa okkur, þá
segir það meira en það sem við þurfum að
segja. Við erum að gera þetta eftir okkar bestu
vitund og heiðarleika. Það eru mestu mistök að
halda að flokkarnir eigi að ráða, heldur er það
fólkið sem ræður. Flokkarnir eru byggðir upp
af fólki. Ef fólkið er óánægt með flokkinn sinn
þá fer það eitthvað annað. Flokkarnir hafa
brugðist,“ segir Einar Örn.
Fyrsta verk að hætta að reykja
Óttarr Proppé, bóksali og tónlistarmaður,
sem skipar 3. sæti listans, segist ekki beint hafa
átt von á því í fyrstu að ná kjöri í borgarstjórn.
Hann hafi þó boðið sig fram með þeim fyrirvara
að þetta gæti orðið raunin. Þeir sem hafi skráð
sig á framboðslistann hafi væntanlega gert það
vitandi vits, þeir hafi talið sig hafa eitthvað
fram að færa.
Spurður hvernig hann muni starfa sem
borgarfulltrúi, nái hann inn, segist Óttarr vera
nýr fulltrúi og eins og aðrir í flokknum ekki
verið þjálfaður upp í hlutverkið frá barnsaldri.
„Maður þarf að byrja á að kynna sér hlut-
ina mjög vel og síðan vinnur maður bara eftir
bestu samvisku. Ég hef einnig ákveðið að byrja
á að hætta að reykja nái ég kjöri. Ég verð
kannski eitthvað pirraður fyrstu vikurnar en
þegar ég svo skána þá verða allir fegnir og
verður auðveldara að vinna með mér. Ég verð
síðan duglegur að leita ráða hjá fagfólki, bæði
innan og utan borgarkerfisins en ekki síst inn-
an þar sem þar er starfandi stórt kerfi sem rek-
ur þetta apparat sem Reykjavík er. Það fólk
veit hvað er á seyði,“ segir Óttarr.
Hvort Besti flokkurinn muni starfa í borg-
arstjórn af fúlustu alvöru segir Óttarr það ekk-
ert grín þegar inn verður komið. „Öllu gríni
fylgir alvara og allri alvöru fylgir grín. Ég vil
meina að það sé líka stórhættulegt að neita sér
um grín og hanga í alvörunni. Það sem rekur
okkur ekki hvað síst áfram er að framboðið er
ákveðin andúð við leiðindum. Alvara verður
mjög fljótt leiðinleg þannig að við munum
reyna að létta andrúmsloftið í borgarstjórn,“
segir Óttarr Proppé.
Fá stuð og stemningu
Elsa Hrafnhildur Yeoman, sem er sjálf-
stætt starfandi, er í fjórða sæti listans. „Mér
líst ofboðslega vel á þetta og er til í slaginn. Ég
ætla að berjast fyrir skemmtilegri borg og
krydda hana með stuði og stemningu, ást, virð-
ingu og heiðarleika. Það verða mín aðalmark-
mið,“ segir Elsa og harðneitar því að hafa tekið
þátt í framboðinu með eitthvert grín í huga.
„Ég er í þessu af fúlustu alvöru, sérstaklega
þegar við fáum svona sterkar undirtektir.“
Elsa segist hafa unnið ýmis störf til sjós
og lands, alið upp börn og verið gift í 17 ár.
Hún á ættir sínar að rekja til Bandaríkjanna
þar sem faðir hennar er frá New Jersey, og
hefur hún verið með annan fótinn í Bandaríkj-
unum frá því að hún var krakki.
Öllu gríni fylgir nokkur alvara
 Væri óskastaða að ná hreinum meirihluta, segir Jón Gnarr, oddviti Besta flokksins  Segja fram-
boðið vera andúð gegn leiðindum  Kannanir hafa sýnt flokkinn með fjóra fulltrúa í borgarstjórn
Morgunblaðið/Golli
Fuglinn Felix Jón Gnarr á frægum framboðsfundi í HR þar sem hann grínaðist með að hann
væri hættur við allt saman. Bara grín, sagði hann svo, „ég mun rísa upp eins og fuglinn Felix.“
14 FréttirINNLENT
MORGUNBLAÐIÐ LAUGARDAGUR 15. MAÍ 2010
Að fá ísbjörn í Fjölskyldu- og hús-
dýragarðinn hefur verið eitt af baráttu-
málum Besta flokksins, að sögn Jóns
Gnarr, en það er þó ekki að finna í form-
legri stefnuskrá á vef flokksins. Hins
vegar hefur margt forvitnilegt komið
fram í pistlum oddvitans, m.a. að
borgarstjóri fái húsbíl til umráða sem
ferðast muni um borgina líkt og Bóka-
bíllinn. Í formlegri stefnuskrá
kemur fram að hún sé byggð á
því besta úr öllum öðrum
stefnum. Síðan eru talin upp
nokkur stefnumál, sum kunn-
ugleg: Hjálpa heimilum í landinu,
bæta kjör þeirra sem minna
mega sín, stöðva spillingu,
koma á jöfnuði, auka
gegnsæi, auka lýðræðið,
fella niður allar skuldir, hafa
ókeypis í strætó og sund og
hlusta meira á konur og
gamalt fólk. „Við getum boð-
ið meira af ókeypis en allir
aðrir flokkar því við ætlum
ekki að standa við það,“ segir
m.a. á vef Besta flokksins.
Ísbjörn og húsbíll
HELSTU STEFNUMÁL
Einar Örn
Benediktsson
Óttarr
Proppé
Elsa Hrafnhildur
Yeoman
Bjarni Benediktsson, þingmaður
Sjálfstæðisflokks, lýsti þeirri skoðun
á Alþingi í gær, að þingsályktunartil-
laga frá Birni Val Gíslasyni, þing-
manni VG, um að ákæra á hendur ní-
menningunum svonefndu verði
afturkölluð, sé ekki þingtæk.
Samkvæmt ályktuninni, sem lögð
var fram á miðvikudag, á skrifstofu-
stjóri Alþingis að fara þess á leit við
ríkissaksóknara að ákæra á hendur
níu mótmælendum, fyrir að hafa rof-
ið friðhelgi og fundarfrið Alþingis,
verði dregin til baka og einnig ákæra
um húsbrot.
Bjarni sagði að málið bæri það
með sér, að það væri ekki þingtækt.
Ef beina ætti máli til þingsins ætti að
beina tilmælum til forseta þingsins,
ekki skrifstofustjórans. Þar fyrir ut-
an væri um að ræða íhlutun í aðgerð-
ir framkvæmdavaldsins. Þingið ætti
að setja lagarammann og reglur en
ekki skipta sér af því hvernig þeim
er framfylgt.
Siv Friðleifsdóttir, þingmaður
Framsóknarflokksins, tók í sama
streng og spurði hvort þingið ætti að
skipa dómstólunum fyrir. Sagði hún,
að skrifstofustjóri Alþingis hefði far-
ið fram á rannsókn á málinu vegna
þess að þingverðir slösuðust. Siv
sagði, að ræða þyrfti málið í forsæt-
isnefnd Alþingis.
Treysta verður dómstólum
Þórunn Sveinbjarnardóttir, þing-
maður Samfylkingarinnar, sagði
einnig að treysta yrði dómstólunum.
Árni Þór Sigurðsson, þingmaður VG,
sagðist hins vegar ekki taka undir þá
skoðun, að málið væri ekki þingtækt
og Þór Saari, þingmaður Hreyfing-
arinnar, sagði að um væri að ræða
pólitíska málshöfðun gegn mótmæl-
endunum.
Össur Skarphéðinsson, utanríkis-
ráðherra, sagði, að forseti þingsins
úrskurðaði hvort mál væru þingtæk
og hefði greinilega talið að þetta mál
væri þingtækt úr því þingsályktun-
artillagan væri komin fram. Hins
vegar hefði þingið ákveðin vopn, ef
orðið hefðu glöp, þau að málið fer til
nefndar og þar sé hægt að koma að
mótbárum.
Ásta Ragnheiður Jóhannesdóttir,
forseti Alþingis, sagði að forseti færi
ekki yfir það áður en málum er dreift
hvort þau séu þingtæk eða ekki.
Sagðist hún ekki hafa úrskurðað
hvort þetta mál væri þingtækt og
hefði enga athugun látið gera á því.
Tillagan óþingtæk?
 Þingheimur deildi um þingsályktunartillögu Björns Vals
Þann 13. júlí næstkomandi kemur út hjá Bókaútgáf-
unni Hólum úrval úr ljóðum Hákonar heitins Aðal-
steinssonar, hagyrðings og skálds frá Vaðbrekku.
Hann hefði þá orðið 75 ára, en hann lést fyrri hluta
ársins 2009 eftir hetjulega baráttu við krabbamein.
Hákon var og verður ávallt í hópi okkar bestu
hagyrðinga. Hann átti ljóð í bókum, blöðum og
tímaritum og kom þess utan víða fram í þágu
kveðskaparins, til dæmis á fjölmörgum hagyrðinga-
mótum. Margar vísur hans urðu fleygar, ekki síst
þær sem voru af léttara taginu, en þær voru orðnar
fjölmargar áður en yfir lauk.
Í áðurnefndri bók, sem bera mun heitið Fjallaþytur, verða öll hans bestu
ljóð og hefur nokkur hluti þeirra ekki birst áður á prenti. Í bókinni verður
ennfremur svokallaður Minningarlisti (Tabula memorialis) og þar gefst
þeim sem vilja heiðra minningu Hákonar kostur á því að láta skrá nafn sitt
og gerast um leið áskrifendur að bókinni.
Hún mun kosta kr. 5.680 og þeir sem vilja gerast
áskrifendur að henni geta skráð sig í síma
692 8508 (eftir kl. 14 á daginn) eða í
tölvupósti. Netfangið er: holar@holabok.is
Úrval ljóða Hákonar Aðalsteinssonar
holar@holabok.is