Morgunblaðið - 15.05.2010, Blaðsíða 48

Ljósmyndasýningin Núna/The Pre-
sent is Now verður opnuð í dag kl.
14.30 í Norræna húsinu en hún er
hluti af Listahátíð í Reykjavík.
Núna/The Present is Now er sam-
sýning sex íslenskra og finnskra
samtímaljósmyndara sem sýna bæði
myndbandsinnsetningar og ljós-
myndir. Viðfangsefni listamannanna
eru margvísleg: firring, ofbeldi, nú-
tímavæðing, skil á milli kynslóða,
vöxtur borgarsamfélagsins og tákn-
rænt kyrralíf, svo eitthvað sé nefnt.
Ljósmyndararnir sex eru Bára
Kristinsdóttir, Harri Pälviranta, Ív-
ar Brynjólfsson, Saara Ekström,
Bragi Þór Jósefsson og Renja Leino
en sýningarstjórar eru ljósmynd-
ararnir Spessi og Katrín Elvars-
dóttir. Katrín segir ljósmyndarana í
raun ekki eiga neitt eitt sameig-
inlegt í nálgun sinni, þeir séu mjög
ólíkir. Hvað finnsku ljósmyndarana
varðar nefnir hún að Leino taki
myndir á farsíma, Pälviranta fáist
við heimildaljósmyndun og Ekström
sé tengdari myndlist í sínum ljós-
myndum. Finnarnir eru allir þekktir
ljósmyndarar í sínu heimalandi.
„Félag íslenskra samtíma-
ljósmyndara, FÍSL, stendur að sýn-
ingunni og það var ákveðið að við
Spessi yrðum sýningarstjórar og við
tókum þetta að okkur. Síðan sendi
fólk innan þess hóps tillögur um það
sem það vildi sýna og við völdum
þessa þrjá úr,“ segir Katrín um ís-
lensku ljósmyndarana.
Ljósmynd/Harri Pälviranta
Battered Ungur maður lemstraður eftir slagsmál, eins og titillinn vísar í.
Firring, ofbeldi og vöxtur
borgarsamfélagsins
www.listahatid.is
Matthías Árni Ingimarsson
matthiasarni@mbl.is
Það ætti ekki að hafa farið framhjá
nokkrum manni að Listahátíð í
Reykjavík er í fullum gangi þessa
dagana. Fjölmarga viðburði verður
að finna á víð og dreif um höfuð-
borgina á næstu vikum. Einn
þeirra verður haldinn annað kvöld í
Þjóðleikhúsinu á vegum tónlistar-
og útgáfusamstarfsins Bedroom
Community. The Whale Watching
Tour eða Hvalaskoðunar-tónleika-
ferðalagið hefur síðastliðinn mánuð
staðið vítt og breitt um Evrópu og
fara lokatónleikarnir fram hér á
landi. Valgeir Sigurðsson, upp-
tökustjóri, tónlistarmaður og einn
af stofnendum Bedroom Comm-
unity-útgáfunnar, segir tónleikana
lokahnykkinn á löngu og ströngu
ferðalagi.
Eldgosið truflaði ferðalagið
„Við erum að binda endahnút-
inn á ferðalagið sem við höfum ver-
ið á og ætlum að loka því með
miklum tónleikum núna á sunnu-
daginn. Við erum búnir að vera
fjórir á ferðalaginu ásamt nokkrum
hljóðfæraleikurum og núna bætist í
hópinn og við verðum í kringum 13
sem spila. Þannig að þetta verður
mjög sértakur lokahnykkur á þess-
ari skemmtilegu tónleikaferð.“
Ferðalagið gekk þó ekki
hnökralaust fyrir sig frekar en svo
mörg önnur ferðalög þessa dagana.
„Þetta byrjaði ekkert alltof vel
hjá okkur og við þurftum að hætta
við nokkra tónleika í byrjun vegna
eldgossins. Þeim tónleikum var því
frestað fram á sumar og næsta
haust. Þetta lengir aðeins líftíma
ferðalagsins, sem var kannski ekki
það besta en það kemur vonandi
eitthvað gott út úr því.“
– Fyrir utan eldgos og aflýsta
tónleika, hvernig gekk ferðalagið?
„Það gekk bara mjög vel. Við
byrjuðum á Englandi og spiluðum
á alls konar stöðum, í öllum stærð-
um. Það var vel mætt á tónleikana
og við fegum frábærar viðtökur.
Svo varð prógrammið alltaf betra
og betra. Við fórum á fyrsta hluta
þessa ferðalags síðasta haust. Þá
eiginlega stukkum við beint í fyrstu
tónleikana og það gekk bara nokk-
uð vel upp því hópurinn er vanur
að spila saman í ýmsum myndum
og útsetningarnar eru flestar skrif-
aðar þannig að fólk getur undirbúið
sig vel.“
Alþjóðleg útgáfa
Bedroom Community sam-
anstendur af hópi listamanna sem
ekki eru bara frá Íslandi, eins og
sést á lista þeirra sem koma fram á
tónleikunum í Þjóðleikhúsinu.
– Stóð það alltaf til að hafa út-
gáfuna jafnalþjóðlega og hún er?
„Já, í rauninni hugsaði ég hana
aldrei neitt öðruvísi. Þetta voru
þeir listamenn sem ég var að vinna
með á sínum tíma. Þegar útgáfan
var stofnuð var ég mikið í New
York og þannig kemur Nico Muhly
inn í þetta. Ben Frost var að flytja
heim á þessum tíma og við vorum
að vinna saman. Svo var komin
dreifing erlendis áður en við feng-
um hana hérna heima. Þannig að
við í raun hugsuðum þetta alltaf
sem alþjóðlega útgáfu.
Svo eru bæði landfræðileg og
tónlistarleg landamæri mun óljósari
en þau voru fyrir tíu árum. Eld-
gosið fékk mann svolítið til að
hugsa um þetta. Maður er orðinn
svo vanur þessum auðveldu sam-
göngum. Að það sé ekkert mál að
stökkva á milli landa og spila. Gosið
tók okkur alveg 100 ár aftur í tím-
ann, samgöngulega séð. Þetta sam-
starf okkar gæti aldrei gengið
nema það væri svona auðvelt að
ferðast á milli landa og það er fínt
að láta minna sig á það öðru
hvoru.“
Á síðustu Airwaves-hátíð kom
nýr eyjarskeggi fram með Bed-
room Communtiy. Kallar hann sig
Puzzle Muteson og er frá eyjunni
frægu Isle of White þar sem eitt
sinn fór fram stærsta tónlistarhátíð
sögunnar. Valgeir og félagar vinna
nú við upptökur á nýrri plötu
Puzzle Muteson og stefnt er að því
að gefa hana út í haust. Verður
hann því nýjasta viðbótin við útgáf-
una.
Morgunblaðið/Kristinn
Bedroom Community Félagarnir Nico Muhly, Valgeir og Ben Frost slógu á slaghörpu í gær og höfðu gaman af.
Hvalaskoðun í
Þjóðleikhúsinu
 Bedroom Community heldur stór-
tónleika á Listahátíð í Reykjavík
 Lokahnykkur tónleikaferðalags
48 MenningFÓLK
MORGUNBLAÐIÐ LAUGARDAGUR 15. MAÍ 2010
–– Meira fyrir lesendur
PANTAÐU AUGLÝSINGAPLÁSS
Katrín Theódórsdóttir
Sími: 569 1105
kata@mbl.is
Þann 22.maí gefur Morgunblaðið út
sérblað tileinkað Eurovision.
Undankeppnin verður 25. og 27.maí.
Aðalkeppnin er
laugardaginn 29.maí.
Þetta er blaðið sem
lesendur hafa við höndina þegar
Eurovision verður sýnt í sjónvarpinu.
MEÐAL EFNIS:
Allt um Eurovision
Stiklað á stóru í sögu Eurovision
Páll Óskar spáir í spilin
Kynning á keppendum
Rætt við Örlyg Smára og Heru Björk
Dansspor og tíska í Eurovision
Íslensku lögin í gegnum tíðina
Atkvæðaseðill fyrir aðalkeppnin
Myndasyrpur af keppendum
Ásamt fullt af spennandi efni
um Eurovision
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, þriðjudaginn 18. maí.
Eurovision 2010