Fréttablaðið - 10.12.2011, Page 16

10. desember 2011 LAUGARDAGUR16
Metal
Íslensk hönnun
Íslenskt handverk
Stefán Bogi gullsmiður
Metal design • Skólavörðustígur 2 • sími 552 5445
Klínísk lyfjarannsókn
Leitað er að þátttakendum í rannsókn á nýjum augnd-
ropum. Rannsóknin heitir: „Dorzolamíð augndropar
einu sinni á dag“.
Í rannsókninni er skoðuð verkun og öryggi nýrra
dorzolamíð augndropa og borið saman við hefðbundna
dorzolamíð augndropa. Tilgangur meðferðar er að lækka
augnþrýsting.
Leitað er eftir þátttakendum á aldrinum 18 – 80 ára,
sem hafa hækkaðan augnþrýsting eða grun um hækk-
aðan augnþrýsting og eru ekki á glákumeðferð. Tuttugu
einstaklingar munu taka þátt í rannsókninni og varir
þátttaka í um 4 vikur (með hléum).
Ábyrgðarmaður rannsóknarinnar er próf. Einar Stefáns-
son augnlæknir, augndeild Landspítala. Rannsóknin
hefur fengið leyfi Vísindasiðanefndar og Lyfjastofnunar.
Þeir sem telja sig vera með hækkaðan augnþrýsting og
hafa áhuga á þátttöku í þessari rannsókn geta fengið
frekari upplýsingar hjá gudrun@ocul.is.
Ekki er greitt fyrir þátttöku í rannsókninni en komið
er til móts við þátttakendur hvað varðar óþægindi og
ferðakostnað.
Tekið skal fram að þeir sem hafa samband eru með því aðeins að lýsa
yfir áhuga sínum á því að fá frekari upplýsingar, ekki að skuldbinda
sig til þátttöku. Þeir sem taka þátt í rannsókninni geta hvenær sem
er dregið sig út úr rannsókninni án þess að gefa sérstaka ástæðu fyrir
ákvörðun sinni.
Guðsteinn
Bjarnason
gudsteinn@frettabladid.is
FRÉTTASKÝRING: Leiðtogafundur Evrópusambandsins
Leiðtogar allra Evrópusam-
bandsríkjanna, nema Bret-
lands, stefna á aðild að nýju
fjárlagabandalagi sem á að
efla trú á evruna og tryggja
að skuldakreppa einstakra
evrulanda sligi ekki allt
evrusvæðið. Angela Merkel
hrósar sigri en náði þó ekki
einróma samstöðu.
„Þetta er mjög góð útkoma fyrir
evrusvæðið,“ sagði Mario Draghi,
seðlabankastjóri Evrópusam-
bandsins. „Og vissulega mun þetta
hjálpa í því ástandi, sem nú ríkir.“
26 af 27 aðildarríkjum ESB hafa
ákveðið að stofna svonefnt „fjár-
málastöðugleikabandalag“ sem,
þau vonast til að efli trú á evruna
og tryggi að skuldakreppa ein-
stakra evrulanda stofni ekki öllu
evrusvæðinu í voða.
„Ég er mjög ánægð með árang-
urinn,“ sagði Angela Merkel
Þýskalandskanslari, sem hafði
þó vonast til þess að öll aðildar-
ríkin 27 myndu standa að fjár-
málasamningi, sem stefnt er að í
mars næstkomandi. Hvorki hún
né Nicolas Sarkozy, forseti Frakk-
lands, sættu sig við neinar mála-
miðlanir umfram það sem þau
sjálf höfðu fyrirfram, í krafti yfir-
burðastöðu sinnar meðal evruríkj-
anna, komist að samkomulagi um
á fundum sínum nýverið.
Leiðtogarnir settust að fundar-
höldum á fimmtudagskvöld og
sátu langt fram á nótt, en stóðu að
lokum upp með samkomulag sem
flestir þeirra sögðust geta sætt
sig við. David Cameron, forsætis-
ráðherra Bretlands, vildi þó ekki
vera með.
Svíar, Ungverjar og Tékkar gáfu
samþykki sitt með fyrirvara um
að það verði borið undir þjóðþing
landanna, en öll evruríkin sautján
ásamt sex öðrum aðildarríkjum
ESB hafa ákveðið að taka þátt í
nýja fjárlagabandalaginu.
Merkel segir það samt hafa verið
ljóst allan tímann, í þeim samræð-
um sem hún átti við Cameron, að
Bretland á ekki síður en hin ríkin
mikið undir stöðugleika evrunnar:
„Við erum öll í sama bátnum.“
Meginatriði samkomulagsins
felst í því að í stjórnarskrár allra
landanna verði sett ákvæði um að
kerfishalli á fjárlögum hvers ríkis
megi ekki verða meiri en hálft
prósent af landsframleiðslu þess.
Enn fremur náðist samkomu-
lag um að mun strangara eftirlit
verði haft með fjármálum hvers
ríkis, ásamt refsiákvæðum sem
ganga sjálfkrafa í gildi ef fjárlaga-
hallinn fer yfir 3 prósent af lands-
framleiðslu.
Ákveðið var að hraða stofnun
varanlegs stöðugleikasjóðs, sem
tekur við af bráðabirgðasjóðn-
um sem notaður hefur verið til að
hjálpa Grikkjum, Írum og Portú-
gölum yfir erfiðasta hjallann.
Þá fær Alþjóðagjaldeyrissjóð-
urinn nú veigameira hlutverk í
tengslum við fjárhagsvanda Evr-
ópusambandsríkjanna, og stefna
öll ESB-ríkin að því að leggja
samtals 200 milljarða evra inn í
AGS. Það fé muni sjóðurinn svo
nota þegar skuldavandi einstakra
evruríkja ætlar að vaxa þeim yfir
höfuð.
Hins vegar var tekið af skarið
um að „gríska leiðin“, sem fólst
í því að bankar í einkaeigu taki
á sig hluta tapsins, verði aldrei
farin aftur. Það hafi verið undan-
tekning sem gerð var vegna þess
óviðráðanlega vanda sem Grikkir
hafa komið sér í.
Þá ákváðu leiðtogar evruríkj-
anna að hittast að minnsta kosti
tvisvar á ári til að fara yfir stöðu
fjármála ríkjanna og leggja
línurnar þegar þurfa þykir.
Flest eru þetta umdeildar
ákvarðanir, sem lítil samstaða er
um víða í aðildarríkjunum og má
búast við hörðum deilum um þær
í framhaldinu.
Markaðir tóku niðurstöðum
leiðtogafundarins vel. Verðbréfa-
vísitölur hækkuðu og skulda-
tryggingarálag lækkaði í kjöl-
farið. Hvort sú velvild endist er
ómögulegt að spá um.
Bretar standa einir
utan samkomulagsins
STILLA SÉR UPP Leiðtogar Evrópusambandsríkjanna stilltu sér upp fyrir ljósmyndara
eins og venja er til á leiðtogafundum sambandsins. NORDICPHOTOS/AFP
LEIÐTOGAR SPJALLA Nicolas Sarkozy Frakklandsforseti, Angela Merkel Þýskalandskanslari og José Manuel Barroso, forseti
framkvæmdastjórnar Evrópusambandsins, á fundinum í Brussel. NORDICPHOTOS/AFP
David Cameron, forsætisráðherra Bretlands, setti fram kröfur um nokkra
varnagla sem skilyrði fyrir stuðningi sínum við fjármálasamninginn. Þegar
Sarkozy þverneitaði að verða við þessu, sagðist Cameron ekki geta sam-
þykkt hugmyndir evruríkjanna.
Cameron sagði nýja fjárlagabandalagið
mismuna aðildarríkjum Evrópusambandsins,
það kæmi sér vel fyrir evruríkin en verr fyrir hin
sem stæðu utan evrusvæðisins.
Sérstaklega vildi hann tryggja að
breytingar n ar íþyngi ekki alþjóðlegu fjármála-
fyrirtækjunum í London, sem hafa lengi verið
breskum stjórnvöldum mikilvæg tekjulind.
Hann gerði því kröfu um að beita mætti
neitunarvaldi gegn öllu valdaframsali frá eftir-
litsstofnunum einstakra ríkja til eftirlitsstofnunar
Evrópusambandsins. Hann krafðist þess einnig
að hætt yrði við áform um að leggja nýjan skatt
á fjármagnsviðskipti á evrusvæðinu.
Auk þessi vildi hann að eiginfjárkvöð banka
yrði hækkuð, og loks að hætt yrði við öll áform
um að flytja Bankaeftirlit Evrópusambandsins frá London til Parísar, þar sem
það verði sameinað Verðbréfa- og markaðseftirliti ESB.
Bretar standa nú einir fyrir utan fjárlagabandalagið. Búast má við lang-
vinnum deilum milli Breta og hinna ESB-ríkjanna um það hvaða heimildir
nýja „bandalagið innan bandalagsins“ hefur til þess að nota sameiginlegar
stofnanir ESB til ákvörðunartöku og eftirlits.
Kröfurnar sem Cameron gerði
Leiðtogar Evrópusambandsins og Króatíu undirrituðu í gær aðildarsamning
Króatíu, átta árum eftir að Króatar sóttu um aðild að sambandinu. Króatía
verður því 28. aðildarríki ESB 1. júlí árið 2013, að því gefnu að bæði Króatar
samþykki samninginn í þjóðaratkvæðagreiðslu sem haldin verður snemma
á næsta ári og öll aðildarríkin 27 staðfesti undirskrift leiðtoganna.
Samningaviðræðurnar sjálfar hafa staðið yfir í sex ár, en töfðust meðal
annars vegna þess að nágrannaríkið Slóvenía, sem fékk aðild árið 2004
ásamt níu öðrum löndum, krafðist þess að landamæradeilur þeirra yrðu
leystar áður en Króatar gætu fengið aðild.
„Í dag er Króatía að ganga í Evrópusambandið, en mikilvægara er þó að
Evrópusambandið er að ganga í Króatíu,“ sagði Ivo Josipovic, forseti Króatíu,
á fundi með leiðtogum Evrópusambandsins í gær.
Næst á eftir Slóveníu er Króatía annað landið af þeim sem áður tilheyrðu
Júgóslavíu sem fær aðild að Evrópusambandinu. Hin löndin fimm, sem
einnig tilheyrðu Júgóslavíu, hafa öll sótt um aðild.
Aðildarsamningur Króatíu undirritaður
SETTI SKILYRÐI Bretar standa
nú einir utan við fjárlaga-
bandalagið. NORDICPHOTOS/AFP