Fréttablaðið - 10.12.2011, Síða 117

LAUGARDAGUR 10. desember 2011 89
JÓL Í BRÚÐUHEIMUM BORGARNESI
Sími 530 5000 www.bruduheimar.is
Sýningar allar helgar fram að jólum
Heitt súkkulaði og
piparkökumálun fyrir börnin!
Skipuleggjendur tónlistarhátíð-
arinnar Phoenix Festival segja
að listi sem birtist í vikunni yfir
flytjendur á hátíðinni hafi ekki
verið frá þeim kominn og vilja
þeir ekki staðfesta að hann sé
réttur. Á listanum voru þekkt
nöfn á borð við Björk, Radio-
head, Smashing Pumpkins og
Sonic Youth. Samkvæmt þess-
ari vafasömu tilkynningu verður
tónlistarhátíðin haldin 12. til 15.
júlí. Til stendur að halda hátíðina
í fyrsta skipti í fimmtán ár og er
spennan mikil yfir því hverjir
koma þar fram.
Radiohead og
Björk á lista
BJÖRK Söngkonan kemur hugsanlega
fram á Phoenix Festival á næsta ári.
FRÉTTABLAÐIÐ/STEFÁN
„Tónlistin er ástríða okkar
beggja og við höfum sung-
ið saman frá því að við vorum
litlar,“ segir Greta Mjöll
Samúelsdóttir sem myndar
dúettinn SamSam ásamt systur
sinni Hólmfríði.
Systurnar hafa komið fram í
einkasamkvæmum um hríð en
ákváðu í sumar að fara í stúdíó
og taka upp nokkur lög. Eitt af
þeim lögum er frumsamið jóla-
lag eftir þær Gretu og Hólmfríði
sem nefnist Desember. Lagið
hljómar nú í útvarpi og á netinu.
Greta Mjöll er í námi í Boston
samhliða því að spila fótbolta
en hún er landsliðskona í knatt-
spyrnu. Hólmfríður er grunn-
skólakennari en söngurinn hefur
alltaf átt hug þeirra beggja.
„Hófí sér um að semja lögin
okkar og spilar á píanó en ég
spila smá á úkúlele. Ástæðan
fyrir að við höfum ekki farið
saman í stúdíó fyrr en núna var
að okkur fannst við ekki nógu
flinkar á hljóðfæri og skorti
kjark til að fá til liðs við okkur
flinka tónlistarmenn,“ segir
Greta Mjöll en systurnar vöktu
fyrst athygli fyrir söng sinn
fyrir fimm árum er þær tóku
þátt í Söngkeppni framhaldsskól-
anna og fluttu lagið Ó María við
góðan orðstír. Þá var það Greta
Mjöll sem sá um að syngja og
Hólmfríður raddaði.
„Við tókum upp jólalagið í
Stúdíó Ljónshjarta með Þórði
Gunnari sem sá einnig um að
taka upp Ó María á sínum tíma.
Draumurinn er að gefa út okkar
eigið efni en nú stefnum við á að
koma jólalaginu í útvarpsspilun
heima,“ segir Greta Mjöll. Hún
verður úti um jólin og því geta
þær systur ekki komið fram
opinberlega í kringum hátíðarn-
ar. „Ef eftirspurnin verður mikil
er aldrei að vita nema maður
hoppi upp í næstu vél,“ segir
Greta Mjöll hlæjandi að lokum.
- áp
Gefa út frumsamið jólalag
SÖNGSYSTUR Systurnar Greta Mjöll
og Hólmfríður Samúelsdætur mynda
dúettinn SamSam og gefa út frumsamið
jólalag fyrir þessu jól.
Mick Jagger og Keith Richards
úr The Rolling Stones ætla að
borga allan kostnaðinn vegna
jarðarfarar blúsgoðsagnarinnar
Hubert Sumlin. Hann lést á dög-
unum, áttræður að aldri, eftir að
hafa fengið hjartaáfall.
Jagger var á meðal þeirra
fyrstu sem vottuðu Sumlin virð-
ingu sína og sagði hann hafa
verið mikinn innblástur á tónlist-
arferli sínum. Richards spilaði á
plötu Sumlins, Them Shoes, sem
kom út fyrir fimm árum. Kona
Sumlins, Toni Ann, er afar ánægð
með Rollingana. „Aðdáendur
Huberts, Mick Jagger og Keith
Richards, krefjast þess að fá að
borga jarðarfararkostnaðinn.
Guð blessi Rolling Stones.“
Borga fyrir
jarðarförina
BORGA JARÐARFÖRINA Mick Jagger og
Keith Richards borga jarðarför Huberts
Sumlin. NORDICPHOTOS/AFP