Húsfreyjan - 01.09.1957, Qupperneq 53

hafa daufheyrzt við þessu máli, þrátt fyrir það
þótt kvennasamtökin í landinu og ýmsir aðrir
hafi margskýrt nauðsyn slíkrar stofnunar. Fyrir
því gerir þingið kröfu til, að nú þegar verði byrj-
að á undirbúningi áðurnefnds skóla og athugað,
hvort unnt sé að fá viðunandi húsnœði og hœft
starfsfólk.
Þingið leggur áherzlu á, að vandað sé til þessa
uppeldisskóla og að í honum verði kenndar bæði
bóklegar og verklegar námsgreinar. Ennfremur
leyfir þingið sér að benda á nauðsyn þess, að
skólinn verði staðsettur á jarðhitasvæði, svo að
auðvelt sé að kenna þar fjölbreytta jarðrækt.
V.
Ályktun um útgáfu sorprita.
Þingið lýsir ánægju sinni yfir því, að mennta-
málaráðherra hefur skipað nefnd til athugunar
á því, hvernig hefta megi útgáfu og útbreiðslu
sorprita, innlendra og útlendra. Treystir þingið
þvi, að framkvæmdir í málinu hefjist hið fyrsta.
VI.
Þing Kvenfélagasambands íslands, haldið
9.—12. sept. 1957, vill vekja athygli þjóðarinnar
á þeirri sívaxandi hættu, að dómi færustu kjarn-
orkufræðinga, sem ógnar öllu mannkyninu
vegna tilrauna stórveldanna með kjarnorku-
sprengjur. íslendingar munu sízt vera í minni
hættu en aðrar þjóðir, og beinir þingið því þeim
eindregnu tilmælum til ríkisstjórnarinnar, að hún
beiti sér af öllum mætti til stuðnings algjöru
banni við tilraunum með kjarnorkusprengingar
og fyrir raunhæfu eftirliti með því, að banninu
verði framfylgt.
Fjárhagsáætlun sambandsins fyrir næstu 2 ár
lögð fram og samþykkt. Jafnframt gat fjárhags-
nefnd þess, að hún hefði farið á fund fjármála-
ráðherra, Eysteins Jónssonar, og hefði hann gef-
ið vilyrði fyrir auknum styrk til K. í.
Var síðan samþykkt svohljóðandi tillaga:
Landsþingið þakkar rikisstjórninni góðan
skilning og fyrirgreiðslu á málum K. í., einkum
að því er snertir hið nýupptekna starf heimilis-
ráðunauta á vegum sambandsins.
Þá fóru fram kosningar stjórnar og annarra
trúnaðarmanna sambandsins.
Úr aðalstjórn átti að ganga frá Aðalbjörg Sig-
urðardóttir, og var hún endurkjörin. Aðrar í
stjórninni eru: Frú Guðrún Pétursdóttir, forseti
K. í. og frk. Rannveig Þorsteinsdóttir.
Kjörnar í varastjórn til 2ja ára voru: Helga
Magnúsdóttir, Guðlaug Narfadóttir og Jónína
Guðmundsdóttir.
Endurskoðendur til 2ja ára voru endurkosnir:
Aðalendurskoðandi Svafa Þórleifsdóttir, vara-
endurskoðandi Ingveldur Einarsdóttir.
Kosnar voru tvær konur í framkvæmdastjórn
Hallveigarstaða. Aðalkonur: Auður Auðuns og
Helga Sigurðardóttir; varavonur: Jóhanna Egils-
dóttir og Valgerður Gisladóttir.
í milliþinganefnd til athugunar á félagsmálum
voru endurkjörnar: Rannveig Þorsteinsdóttir,
Svafa Þórleifsdóttir og Sigríður Sigurjónsdóttir.
Svafa Þórleifsdóttir lét þess getið áður en
gengið var til kosninga í útgáfustjórn „Húsfreyj-
unnar", að Sigrún Árnadóttir tæki eigi endur-
kosningu sökum anna, og sjálf gæti hún eigi
tekið endurkosningu nema því aðeins, að henni
væri kjörin varakona. Sama máli kvað hún
gegna um Elsu Guðjónsson.
í útgáfustjórn „Húsfreyjunnar" voru því kjörn-
ar: Aðalkonur: Svafa Þórleifsdóttir, aðalritstjóri,
Elsa Guðjónsson og Kristjana Steingrímsdóttir.
Varakonur: Sigríður Thorlacius fyrir Svöfu Þór-
leifsdóttur og Sigríður Kristjánsdóttir fyrir Elsu
Guðjónsson.
Fulltrúar K. í. á II. þing Landssambands gegn
áfengisbölinu voru kjörnar: Aðalbjörg Sigurðar-
dóttir og Jóhann Egilsdóttir. Varakona: Ólöf Sig-
urgeirsdóttir.
í milliþinganefnd, sem skal skila áliti um or-
lofsmál fyrir næsta fulltrúafund, voru kjörnar:
Aðalkonur: Jósefína Helgadóttir, Herdís Ásgeirs-
dóttir, Hallfríður Jónasdóttir, Jakobína Mathie-
sen og Petrína Jakobsson. Varakonur: Ingveldur
Einarsdóttir og Bryndís Þórarinsdóttir.
Rannveig Þorsteinsdóttir og Helga Magnús-
dóttir höfðu eindregið mælzt undan endurkosn-
ingu x nefndina vegna annrikis.
í tilefni af því að Sigrún Árnadóttir lét af
störfum í útgáfustjórn „Húsfreyjunnar" var eft-
irfarandi tillaga samþykkt:
„Landsþingið þakkar Sigrúnu Árnadóttur
ágæt störf í útgáfustjórn „Húsfreyjunnar"."
Þriðjudaginn 10. sept. sátu þingfulltrúar mjög
ánægjulegt boð forsetafrúarinnar að Bessastöð-
um.
Þingslit fóru fram fimmtudaginn 12. sept. kl.
18. En um kvöldið sátu fulltrúar skemmtilegt
boð félagsmálaráðherra og konu hans í ráðherra-
bústaðnum við Tjarnargötu.
Að boðinu loknu kvöddust fulltrúar og var
þar með lokið samverustundum að þessu sinni.
HÚSFREYJAN 53