Íslenskt mál og almenn málfræði - 01.01.2011, Page 184

ÁSGRÍMUR ANGANTÝSSON
Viðbrögð við andmælum
Jóhannesar Gísla Jónssonar
Eins og fram kemur í neðanmálsgrein í andmælum Jóhannesar Gísla leitaði hann
eftir viðbrögðum frá mér á ýmsum stöðum í andmælum sínum. Það sem hér fer á
eftir er efnislega það helsta sem ég hafði (og hef) um andmæli hans að segja.
i. Um fræðilegar forsendur
I kafla 2.2 í ritgerðinni fjalla ég um þær almennu fræðilegu hugmyndir sem ég
geng út frá í ritgerðinni. Eðli málsins samkvæmt er ekki hægt að prófa allar slíkar
hugmyndir í rannsókn af þessu tagi og stundum þarf einfaldlega að velja á milli
mismunandi leiða til að nálgast viðfangsefnið. Þá þarf m.a. að hafa í huga að saman-
burður við fyrri skrif um efnið sé sæmilega auðveldur. Sú spurning hvort gera eigi
ráð fyrir hausfærslu eða ekki innan naumhyggjumálfræðinnar fellur í raun utan
þess ramma sem ég markaði mér í rannsókninni og efnissöfnunin miðaði ekki að
því að svara henni beint. Svipaða sögu er að segja um tilgátu Cinque (1999) um
atviksliði og hugmyndir um þáttagátun án færslu. Varðandi meinta íhaldssemi
mína gagnvart nýlegum straumum í setningafræði er vert að vekja athygli á að ég
byggi greiningar mínar talsvert mikið á Rizzi (1997 og 2004) og Haegeman
(2003a,b, 2006, 2008 og 2009) og það eru nú ekki eldgömul rit.
2. Um ytra mál og innra mál
í kafla 1.2 er rætt um viðfangsefni generatífrar málfræði (málkunnáttufræði) og
minnt á að rannsakandinn hefur ekki beinan aðgang að málhæfni einstaklinga
heldur þarf að reiða sig á gögn um málnotkun og dóma málhafa (eða viðbrögð
þeirra við máldæmum). Þar er því einnig haldið fram að skynsamleg notkun meg-
indlegra gagna sé ekki aðeins samrýmanleg aðferðum málkunnáttufræðinnar held-
ur nauðsynleg í rannsóknum á tilbrigðum í máli. Sá greinarmunur sem víða er
gerður í ritgerðinni á innri og ytri breytileika í máli (e. intra-speakervs. inter-spea-
ker variatiori) tengist þessu líka beint.
3. Um merkingarþætti og formgerðir setninga
Forsendum þeirra merkingarþátta sem ég nota í greininingu minni á kjarnafærslu
í skýringarsetningum (kafli 7.2.1) er lýst í kafla 2.3.3. í nmgr. 79 á bls. 142-143 er
íslenskt mál33 (2011), 182—184. ©2011 íslenska málfmðife'lagið, Reykjavík.