Íslenskt mál og almenn málfræði - 01.01.2011, Qupperneq 221

Frá íslenska málfmðifélaginu
219
Eigi að síður var unnið talsvert að málefnum orðasafnsins á fyrri hluta
ársins. Safnað var saman ýmsum upplýsingum um safnið og stöðu þess og
gögnum sem til voru frá vinnu við það, þ.á m. athugasemdum frá fyrri
stjórnum félagsins og bréfaskriftum um styrkveitingar. Stjórnin var í góðu
sambandi við Agústu Þorbergsdóttur sem hefur umsjón með Orðabanka
Islenskrar málstöðvar (nú á vegum Stofnunar Árna Magnússonar í íslensk-
um fræðum) þar sem safnið er vistað og fékk bæði upplýsingar og góð ráð
hjá henni. Þann 28. maí var haldinn fundur um málið og auk núverandi
stjórnar voru boðaðir ýmsir sem höfðu komið að gerð orðasafnsins á fyrri
stigum — Aðalsteinn Eyþórsson, Ágústa Þorbergsdóttir, Jón Hilmar Jóns-
son og Jóhannes Gísli Jónsson. Með fundarboði var sendur listi yfir þau
1400 uppflettiorð sem nú eru í safninu ásamt samheitum og enskum jafn-
heitum þeirra. Auk þess lágu ýmis önnur gögn um safnið frammi á fund-
inum og formaður gerði grein fyrir stöðu verkefnisins, bæði m.t.t. þess
efnis sem til væri og fjárhags þess. Á fundinum fóru fram gagnlegar um-
ræður um verkefnið, m.a. um það hverjum slíkt verk væri einkum ætlað,
nauðsyn þess að skipa ritstjórn og hvert hlutverk hennar ætti að vera, um
skýra ritstjórnarstefnu og vinnureglur o.fl. Ágústa veitti upplýsingar um
gagnagrunninn og Jón Hilmar sagði frá gerð norræns orðasafns í orða-
bókafræðum sem hann átti aðild að. I framhaldi af fundinum tók Aðal-
steinn að sér að vinna að því að: (1) skipta flettuforðanum í svið þannig að
hægara yrði að flokka hann; (2) fara yfir og lagfæra uppflettiorð og þýð-
ingu þeirra á ensku; (3) flytja efni milli sviða eftir því sem þörf krefði
(einkum þar sem skýring/skilgreining hafði lent inni sem íslenskt eða
enskt hugtak). Um miðjan júní skilaði hann flokkaðri skrá yfir uppfletti-
orðin ásamt yfirliti yfir stærð flokkanna og punktum um helstu vandamál
og næstu skref en ekki náðist að kalla saman fund um málið fýrir sumarfrí
og enn liggur fýrir að ákveða um framhaldið.
F.h. stjómar
Ásta Svavarsdóttir, formaður