Vera - 01.12.1983, Page 6

um hina hefðbundnu, fallegu, hlédrægu og eigulegu konu. - Hún
er smart og vel snyrt. Líf stelpna gengur mikiö út á þennan væntan-
lega mann, draumnum sem allt miðast við. Að vera elskuð af manni
er fullkomnun kvenleikans. Allt endar vel; hún er dýrkuð, hlýtur
sælu, umönnun, öryggi og fullnægju í höndum eiginmannsins. Og
það er ekki laust við að maður hugsi „aumingja strákarnir, það eru
engar smá kröfur,“ enda varla á nokkurs færi að sjá svo algerlega
um vellíðan nokkurrar manneskju eins og ástardraumurinn gengur
út á. En þrátt fyrir það að raunveruleikinn allt í kring sé ólíkur heimi
ástarbókmenntanna leggja konur enn líf sitt í hendur einhvers
vesalings karlsins í stað þess að byggja sína eigin framtíð á eigin
ákvörðunum, hæfileikum og getu.
C 31 árs. ,,Maður bjóst nú svosem við ástinni einn góðan
veðurdag, en ég gerði aldrei neinar framtíðaráætlanir. Þær áttu aö
koma með ástinni. Svo þegar maðurinn minn fyrrverandi fór í nám
og við vorum barnlaus hugsaöi ég ekkert um að mennta mig, ég
vannfyrirhonum.“
Hið óviðráðanlega bíður í leyni. Karlinn hefur framtíðaráætlanir
um betri aðstöðu á vinnumarkaðinum og á það að koma fjölskyld-
unni til góða. Þau hjálpast að við að hrinda þeim áformum í fram-
kvæmd, það er beggja hagur, eða hvað? í þessu liggur einmitt hluti
af kúguninni, að þessi samvinna tveggja aðila skuli í raun stuðla að
sjálfstæði og betri aðstöðu annars aðilans en að ósjálfstæði og
aðstöðuleysi hins.
B. 34 ára ,,Ég sá mitt sjálfstæði í því að eignast fastan vin, sem
gæti stutt mig og hjálpað mér. Þá reyndi ég að líta sem best út til að
gera menn ánægða. Það lét ég í staðin fyrir lífsgæðin þeirra.“
Tökum okkurígegn
Hið félagslega og fjárhagslega ósjálfstæði kvenna gerir þær svo
háðar körlum sem raun ber vitni og þar af leiðandi er velferð kvenna
í lífinu oft undir því komin hvort þær ,,nái sér í rnann". Á meðan svo
er þurfa konur vissulega að aðlaga sig draumum karla um hina
kvenlegu ímynd. í stað þess aö öðlast gildi sem sjálfstæðar mann-
eskjur með möguleika á að ráðstafa eigin lífi og njóta þess að vera
metnar fyrir eigin hæfileika og verðleika, þá þurfa konur að eltast
við og viðhalda kúgandi viðhorfum karlveldisins. En með því að
ráðast gegn hinum „hefðbundnu11 viðhorfum til kynjanna eru konur
að slást við annað og meira en gamlar bábiljur. Þær eru að vega að
rótum þjóðfélagskerfis sem byggir á kúgun og undirokun fleiri hópa
samfélagsins en kvenna, - kerfis þar sem fámenn yfirstétt ræður
yfir og græöir á hinni félagslegu samvinnu sem á sér stað í hinu
mannlega samfélagi. Konurnar finna á skýran hátt bæði innan
fjölskyldunnar sem úti á vinnumarkaðinum hvernig aðrir nýta sér
vinnuframlag þeirra og samvinnu í eigin þágu en þær bera úr býtum
aðeins kúgunina og valdaleysið.
Til að konur megi fá tækifæri til að móta hugmyndir um og vera
með í að þróa annars konar skipan mála á hinu félagslega kerfi
vinnunnar og um leið á samskiptum fólksins og viðhorfum, verða
þær fyrst að öðlast sjálfstraust og afla sér aðstöðu til þess. Það
leikur enginn vafi á því að við verðum að taka okkur sjálfar í gegn
og vinna ekki síst gegn hinum hefðbundnu viðhorfum íokkursjálf-
um. Konur standa frammi fyrir þvi í dag að vera að móta nýja
kvenímynd og berjast fyrir breyttum viðhorfum innan karlveldis-
samfélags.
Róðurinn er þungur en við konur getum beitt ýmsum baráttuað-
ferðum. Á grundvelli þess sem hér að framan er sagt tel ég augljóst
að það er mest undir konum sjálfum komið að breyta gang þess
uppeldis sem mótar félagsstöðu þeirra. Nú dugir ekki að einblína á
hina þingræðislegu leið því þar liggur höfuðábyrgðin ekki lengur,
heldur á heröum uppalendanna og þar með í vitund kvennanna
sjálfra.
Kristjana Bergsdóttir
FRÁ SVISS, ÍTALÍU
OG ÞÝSKALANDI
GLÆSILEGT
ÚRVAL:
PEYSUR, BLÚSSUR, PILS
OG SILKIHÁLSKLÚTAR
GLUGGINN
Laugavegi 40
Símii 12854
6ÓÐ HÖNNUN
Skrifborð er allstaðar vekja athygli fyrir
góða hönnun.
Helstu kostir: Hæð og halli breytileg.
Handhæg að leggja saman og fyrirferöarlítil
í geymslu.
Henta fólki á öllum aldri, lærðum sem leikum.
Mismunandi furustólar fáanlegir.
Finnsk form og gæði í tré.
TILVALIN TÆKIFÆRISGJÖF.
6