Vera - 01.12.1983, Page 41

Ég er komin með ósjálfráðan kipp í hend-
ina af þvi að grípa utan um oddhvassa
brúnina á eldhúsborðinu sem er rétt í
augnhæð barnsins - til þess að forða hon-
um frá meiriháttar skurði eða skaða á auga.
Hvað ætli börn fái að meðaltali mörg
brunasár að 3ja ára aldri eftir að hafa sett
litlu puttana á heita eldavélarhelluna. Minn
er 16. mán. og kominn með 2 vænar blöðr-
ur af því engin hlífðargrind er fyrir elda-
vélum. Það sama gildir um ofninn á elda-
vélinni nema þau ná fyrr í hann. Flest fá
brunasár af honum þegar þau byrja að
komast á skrið. Þá eru það skápahurðirnar.
Þó maður fjarlægi nú allt eitrið eins og allar
hreinlætisvörur þá eru skáphurðirnar flest-
ar þannig að hvert barn getur auðveldlega
opnað þær. Og eins og annað í þessari
tilveru okkar þá eru auðvitað skáphurðirnar
með oddhvössum hornum og ekkert eins
auðvelt og fyrir börn sem eru að byrja að
ganga, að næla sér í myndarlegan skurð af
að vera í námunda við hurðirnar. Fæstir
búa svo vel af efri skápum að þeir geti
komið öllum sínum pottum, pönnum og
öðrum ílátum eða hinum ýmsu hlutum sem
fylgja matargerð fyrir í efri skápunum.
Þannig að maður getur ekki látið þá standa
tóma undir barnagull í nokkur ár ef maður á
t.d. 2-3 börn með stuttu millibili (sem flestir
eru auðvitað hættir að gera af skiljanlegum
ástæðum). Og þá eru það skúffurnar sem
með mjög lítilli fyrirhöfn má kippa út úr
innréttingunni og þær geta orðið ansi þung-
41