Ritmennt - 01.01.1996, Side 107

RITMENNT
LÖG UM LANDSBÓKASAFN ÍSLANDS - HÁSKÓLABÓKASAFN
til flutt í almennt reglugerðarákvæði í 12. grein þar sem það er
talið eiga betur heima.7
3
Lagt er til að 3. grein verði breytt með þeim hætti að forsenda
skipunar í stöðu landsbókavarðar verði að stjórn bókasafnsins
telji viðkomandi hæfan til að gegna embættinu.8 Nefndin leggur
ekki til að gerðar verði tilteknar menntunarkröfur þar sem fjöl-
breytt menntun og reynsla getur nýst í starfinu en telur á hinn
bóginn að fagleg hæfni landsbólcavarðar verði að vera ótvíræð.
4
Lagt er til að 4. grein verði breytt með þeim hætti að landsbóka-
vörður ráði aðstoðarlandsbókavörð.9 Nefndin telur mikilvægt að
góð tengsl séu milli yfirmanna stofnunarinnar og að landsbóka-
vörður fái með þessum hætti tækifæri til að ráða við hlið sér
þann mann sem henn treystir best til starfans. Þá telur nefndin
að með þessu gefist svigrúm til að ráða í stöðurnar fólk með mis-
munandi menntun. Þannig mætti hugsa sér að aðra stöðuna
skipi t.d. rnaður með sérfræðiþekkingu á sviði bókasafnsfræði en
hina stöðuna maður með menntun og reynslu á sviði stjórnun-
ar. Lagt er til að einungis verði ráðinn maður sem stjórn bóka-
safnsins metur hæfan.
5
Lagðar eru til nokkrar breytingar á 7. grein. Breytingar, sem lagð-
ar eru til á 8. og 10. tölulið eru til einföldunar en með breyting-
unni sem lögð er til á 13. tölulið er lögð áhersla á að þjónustu við
lista- og menningarmál verði sinnt vel.
7 Umrædd 5. málsgrein 2. greinar hljóðaði svo: „Stjórnin heldur fundi eftir þörf-
um. Formanni stjórnar er skylt að boða til fundar, ef þjóðbókavörður eða
meiri hluti stjórnarmanna æskja þess."
8 Fyrsta málsgrein 3. greinar hljóðaði svo: „Forseti íslands skipar þjóðbókavörð
til sex ára í senn samkvæmt tillögu menntamálaráðherra, sem aflar rök-
studdrar umsagnar stjórnar bókasafnsins."
9 Fyrsta málsgrein 4. greinar hljóðaði svo: „Menntamálaráðherra skipar aðstoð-
arþjóðbókavörð til sex ára í senn að fenginni rökstuddri umsögn stjórnar
bókasafnsins."
Hæfniskröfur
Staða aðstoðar-
landsbókavarðar
Áhersla á lista- og
menningarmál
103