Ritmennt - 01.01.1996, Qupperneq 133

RITMENNT
ORÐIN OG VIÐATTAN
- Hefur listabrautin verið bein og breiðl
- „Lengi vel þótti mér erfitt að litið var á myndvefnað freltar
sem iðn en list. Viðhorf manna breyttust smám saman og farið
var að líta á vefnaðinn sem listiðnað og síðan hreina listsköpun.
En oft var róðurinn þungur."
Eitt sinn sýndu þrjá kynslóðir saman, Synnove, móðir hennar
og dóttirin Siri. Það var árið 1974. Það var mikil upplifun og
Synnove ljómar þegar hún segir frá þessum atburði. Gudrun
Anker (1875-1958) var, sem áður segir, píanóleikari en komin
yfir miðjan aldur þegar hún fór að sauma myndir úr efni eða app-
líkera og vakti fyrir það mikla athygli. Siri Aurdal, dóttir
Synnove, sem fædd er 1937, er myndhöggvari og framsækinn
listamaður. Það er einstætt og skemmtilegt að þrjár kynslóðir
geti komið fram saman hver þeirra með sína listsköpun. Allar
hafa þær persónulegan og kraftmilcinn stíl hver á sinn hátt. Þessi
sýning þótti mikill listviðburður þriggja kvenna. Ef sltoðað er
samhengið í listsköpun þeirra þá eru tengslin augljós milli Gud-
run og Synnove þar sem báðar eru mjög uppteknar af því að
vinna með textílverk. Ekki eru jafn skörp tengsl milli Synnove
og Siri þar sem þær tjá sig með svo ólíkum miðlum. Engu að síð-
ur hafa náin samskipti þeirra haft á þær gagnkvæm áhrif.
Ljósm. Sveinn Magnússon.
Nykurinn.
Vinna veflistarkonunnar
- Það hlýtur að taka langan tíma að vefa teppi!
Synnove málar alltaf fyrst hugmyndir sínar á pappír, eins og
áður segir, og þegar hún er orðin ánægð með myndina tekur hún
til við að vefa. Hún hengir þá myndina við hliðina á vefstólnum
og hefur hana þannig fyrir augunum meðan hún vefur. Synnove
hefur gert margar og frumlegar tilraunir með efni. Einkennandi
fyrir verk hennar er að hún teflir saman mismunandi tækni,
efni, litum og gæðum. Hún lætur atriðin vegast á og kalla fram
eiginleika og styrk hvers annars. Þannig nær hún fyllingu og
jafnvægi í verkum sínum. Áður fyrr litaði hún sjálf garn en er
hætt því nú. Auk hefðbundinna þráða úr ull, bómull og hör og
jafnvel silki er margs konar annað efni að finna í verkum henn-
ar: Nælonsnæri, málmþræði og nú síðast málmsnúrur sem hafð-
ar eru til að halda tappa í baðkerum og líkjast perlubandi. Oft
9
129