Almanak Hins íslenska þjóðvinafélags - 01.01.1939, Blaðsíða 30

Sárasjaldan sést hann í samkvæmum tignarmanna,
og sem forsætisráðherra lætur hann fulltrúa mæta
fyrir sig, hvar sem því verður við komið. Kona
hans dó fyrir tveim árum. Enginn af samverka-
mönnum hans i stjórnmálum þekkti hana. Daladier
hefir lengst af búið i litlu húsi í litjaðri Parísar.
Það var til skamms tíma siður hans að hjóla þangað
út að afloknum þingfundum. Honum datt ekki í
hug að berast svo mikið á að eiga bifreið. Hann
er ákaflega blátt áfram í framkomu. Kann ekki hið
sleipa rósamál dipiomatanna, og hefir óþægilega
tiihneigingu til að kalla hlutina réttum nöfnum.
En fyrir dugnaði þessa manns hafa marskálkar
Frakklands og yfirhershöfðingjar lært að beygja
sig, og hann segir þeim fyrir verkum blátt áfram og
einfaldlega, eins og það væri sjálfsagður hlutur.
Hann lítur á sig sem hermann jafngildan þeim.
Hann var fjögur ófriðarárin á vígstöðvunum í
fremstu röð. Hann byrjaði sem óbreyttur liðsmað-
ur en vann sig með dugnaði upp i kapteinsstöðu.
Daladier gekk í skóla í Lyon, eins og áður er
sagt, og þar kynntist hann manninum, sem varð
pólitiskur lærifaðir hans. Það var Herriot. Herriot
fékk áhuga fyrir þessum unga námsmanni, tók
hann að sér og greiddi götu hans inn í opinbert
líf. — Öll grundvallarskoðun Daladier hvílir á hug-
myndakerfi byltingarinnar frá 1789, en er jafnframt
arfur frá Herriot og með þeim einkennum, sem
hann hefir búið þessari pólitisku skoðun. Það er, ef
svo mætti segja, sambland af þjóðernisstefnu og lýð-
ræðiskenningum byltingarinnar. Daladier var fyrst
kosinn á þing 1919. Það kvað allverulega að hon-
um í þinginu, en fyrst um sinn þótti hann þó eng-
inn ræðuskörungur. Herriot bar þá ægishjálm yfir
alla þingmenn social-radikaia flokksins og allir urðu
að standa i skugga þessa forkunnar glæsilega ræðu-
skörungs. Enginn gat heldur komizt til neinna met-
(26)