Almanak Hins íslenska þjóðvinafélags - 01.01.1939, Blaðsíða 94

miklu fleiri manna en þeirra, er beinlínis teljast fé-
lagsmenn í ÞjóSvinafélaginu, skal hér vakin athygli
á öðrum hókum félagsins.
Andvari flytur að þessu sinni 6 ritgerðir. Fyrst
æfisögu Jóns Þorlákssonar, eftir Þorstein Gíslason.
Þá ritgerð um þjóðlið íslendinga, eftir Jón Gauta
Jónsson. Þá þátt um sveitakonuna íslenzku, eftir
Guðmund skáld Friðjónsson. Pálmi rektor Hannes-
son ritar hér frásögn um rannsóknarferð um Bárð-
ardal og Króksdal til Vonarskarðs 1927. Loks ritar
Barði þjóðskjalavörður Guðmundsson um staðfræði
Njáluhöfundarins. Er það þáttur úr riti um höfund
Njálssögu, er hann hefir í smíðum. Þetta efni hefir
nokkuð rætt verið á síðustu tímum og er efalaust, að
ef það tekst að leiða i ljós með fullri vissu, hver
ritað hefir Njálssögu, mun það talið verða með af-
rekum í íslenzkum bókmenntarannsóknum. Loks
ritar próf. A. Lodewyckz frá Melbourne um kreppu-
ráðstafanir i Astraliu, eftirtektarverða grein.
Örnefni í Vestmannaeyjum er fyrsta rit i sinni röð,
er út kemur á vora tungu. Áhugi um rannsóknir á
örnefnum og örnefnasöfnun hefir mjög farið vax-
andi hér á landi á síðari árum, og mun því mörgum
þykja fróðlegt að kynna sér rit þetta. Auk örnefna-
talsins hefir bókin inni að halda tvær lýsingar Vest-
mannaeyja. Aðra eftir séra Gizur Pétursson, frá
því laust eftir 1700. Er það önnur elzta héraðslýs-
ing, sem til er á vora tungu. Hin er rituð af séra
Jóni Austmann 1843. Er hún mjög ýtarleg og gagn-
fróðleg um alla hætti og hagi eyjarskeggja á önd-
verðri 19. öld.
Fjórða bókin, Bréf og ritgerðir eftir Stephan G.
Stephansson, mun þó efalaust verða talin merkust
þeirra bóka, sem Þjóðvinafélagið gefur út að þessu
sinni. En þar sem þetta er aðeins upphaf bréfanna,
sem nú kemur út, þykir rétt að skýra hér nokkru
nánara frá því, hvernig útgáfunni verður hagað.
(88)