Almanak Hins íslenska þjóðvinafélags - 01.01.1982, Qupperneq 153

Unnið var að undirbúningsframkvæmdum við sorp-
eyðingarstöð Suðurlands á Selfossi. Borað var eftir heitu
vatni í nágrenni Selfoss, einkum vegna hitaveitunnar til
Eyrarbakka og Stokkseyrar. Unnið var að stækkun félags-
heimilisins Félagslundar í Gaulverjabæjarhreppi. Unnið var
að lagningu hitaveitu til Eyrarbakka og Stokkseyrar og
lagningu dreifikerfa þar. Á Eyrarbakka var unnið að grunn-
skólahúsi og dagheimili. Unnið var að stækkun fangahússins
á Litla-Hrauni. Á Stokkseyri var að mestu lokið endurbygg-
ingu frystihússins. Fáein íbúðarhús voru í smíðum á Eyrar-
bakka og Stokkseyri.
Rangárvallasýsla. 1 Gunnarsholti var lokið að mestu
byggingu starfsmannahúss og stækkun graskögglaverk-
smiðjunnar. Borað var eftir heitu vatni hjá Laugalandi í
Holtum. Hafin var bygging nýs verzlunarhúss Kaupfélagsins
Þórs á Hellu. Unnið var að félagsheimili hestamannafélags-
ins Geysis á Rangárbökkum við Hellu. Gistihús var tekið í
notkun á Hvolsvelli, og unnið var þar að heilsugæzlustöð.
Nokkrar íbúðir voru þar í smíðum, m. a. fyrir aldraða. Sam-
tökin Útivist reistu skála í Þórsmörk. Félagsheimili var í
smíðum í Skógum undir Eyjafjöllum.
Vestmannaeyjar. Þar var hitaveituframkvæmdum langt
komið og lagt dreifikerfi í mörg hús. Um 80% húsa voru
hituð með hitaveitunni í árslok. Um 60 íbúðir voru í smíðum
í Eyjum, m. a. íbúðir fyrir aldraða. Sorpeyðingarstöð var
tekin í notkun. Unnið var að Safnahúsi. Hafin var bygging
grunnskólahúss. Stórt netagerðarhús var tekið í notkun.
Unnið var að byggingu vöruafgreiðslu- og skrifstofuhúss
fyrir flutningaskipið Herjólf. Útivistarsvæði við íþróttamið-
stöðina var tekið í notkun. Nýja flugstöðin í Eyjum var
formlega tekin í notkun 27. janúar.
Skaftafellssýslur. I Vík var unnið að nokkrum íbúðum,
m. a. fyrir aldraða, tveimur iðnaðarhúsum og læknisbústað.
Unnið var í Vík að vatnsveitu- og holræsaframkvæmdum og
íþróttavelli. — Á Kirkjubæjarklaustri var byggt gistihús og
unnið að nokkrum íbúðum, m. a. fyrir aldraða. Á Höfn í
Homafirði voru um 50 íbúðir í smíðum. Unnið var þar að
(151)