Ársrit Nemendasambands Laugaskóla - 01.01.1927, Qupperneq 100

Eftir hverju eigum við að
sækjast og hversvegna?
(Stíll frá vetrinum 1926—27).
5>Sæla reynast sönn á storð
sú unun ein: að gi-óa«.
Æskan þráir vöxt og styrlc, æfintýri og afrek. Hana
dreymir um ónumin lönd, þar sem verkefnin bíða henn-
ar, og hún fær tækifæri til að sýna dug sinn og láta von-
ir rætast.
Alt líf er vöxtur og framsókn, þrungið af þrá til að
gróa. Þessi þrá er að vísu ekki alstaðar jafnglögg og
sterk, en þó brýst hún hvarvetna fram óafvitandi og ó-
sjálfrátt.
Spurðu blómið, sem vex við götuna, lindina, sem nið-
ar í hlíðinni, eða lítið barn, sem er nýgengið frá móður-
knjám og enn þekkir eigi annað af heiminum en það,
er sjá má af hlaðvarpanum heima. Já, spurðu hvers-
vegna þau keppist við að vaxa dag frá degi, og þau
munu líta á þig undrandi og svara: »Við viljum verða
stór«. En er ekki barnið að flýta sér að ná sem mestum
vexti, svo að það geti hjálpað pabba og mömmu, blóm-
ið, svo að það geti aukið á fegurð náttúrunnar og fylt
loftið angan, og lækurinn, svo að hann geti flutt sem