Ársrit Nemendasambands Laugaskóla - 01.01.1933, Blaðsíða 70
68
þár sem sumstaðar virtist nokkur áhugi á þessu rnáli.
Samþykkt að skipa nefnd í málið, samkvæmt tillögu
framsögumanns.
Var síðan snúizt að nefndakosningum, og urðu þá
eðlilega flokkar mjög misjafnlega stórir — ekki nema
3—4 í sumum en um 2 tugir í öðrum.
Ársritsnefnd: Sigrún Ingólfsdóttir, Katrín Krist-
jánsdóttir, Gunnlaugur Sigurðsson, Sigurður Róberts-
son, Bragi Sigurjónsson, Gústaf Jónsson og ólafur
ólafsson.
Merkisnefnd: Björn Halldórsson, Júdit Jónbjörns-
dóttir, Tryggvi Þorsteinsson, Jónas Jónsson, Sigríður
F. Hjartar, Garðar Jakobsson, Helga Kristjánsdóttir
á Akureyri.
Landssambandsnefnd: Þóroddur Guðmundsson, Geir
Ásmundsson, Sverrir Guðmundsson, Erlendur Ivon-
ráðsson, Kristján Tryggvason, Halldór Jónsson og
Erlingur Davíðsson.
Eftir kl. 18, er máltíð var lokið, las Indriði Indriða-
son upp smásögu, frumsamda. Síðan var sungið utr
stund og að lokum dansað til kl. 24.
Annar starfsdagur nemendamótsins hófst kl. 10 með
ræðu hjá Páli H. Jónssyni um bindindi. Var það er-
indi, sem hann flutti á nokkrum stöðum norðanlands
í vetur. Hóf ræðumaöur máls á því, að í haust ætti
fram að fara þjóðaratkvæðagreiðsla um innflutnings-
bann áfengis hér, hvort það skuli haldast eða afnem-
ast. Hvatti hann alla alvarlega til fylgis banninu Einn-
ig talaði hann gegn tóbaki.
Sundsýning átti að vera kl. 11, en fórst fyrir vegna
óveðurs. í þess stað var verið inni og sungið.
Umræðufundur hófst kl. 13.30. Fundarstjóri var
Páll H. Jónsson. Þetfa geröist: