Ársrit Nemendasambands Laugaskóla - 01.01.1933, Blaðsíða 76
74
VI. Fundarstjóri, P. H. J., tilkynnti að nýkjorin
stjórn hefði valið Þorgeir Jakobsson til formanns
nemendasambandsins næsta ár. Síðan var umræðu-
fundi slitið.
Kl. 16 var setzt að kaffidrykkju við blómskreytt
borð í stóra salnum. Var þar lengi setið, flutt kvæði
og ræður. Frú Lizzie og Valgerður Stefánsdóttir
sungu fólkinu til mikillar gleði.
KI. 18 kallaði skólabjallan fólkiö enn saman og þá
til síðasta þáttar. Var byrjað á því að syngja: »Hih
gömlu kynni gleymast ei«, og síðan talaði Arnór Sig-
urjónsson. Skólasöngurinn var aftur sunginn og að
því loknu sagði fyrrverandi formaður sambandsins,
Páll H. Jónsson mótinu slitið. — Þetta kvöld fóru svo
flestir gestirnir af stað heimleiðis.
Þetta nemendamót sóttu 135 Laugamenn. Flestir
dvöldu alla dagana. Veður var alltaf leiðinlegt og
stundum mjög vont. Var flestum mikil gleði að því að
finna á ný gamla félaga og rifja upp gömul kynni.
Eölilega mættust þarna margir í fyrsta sinn, auðvitað
sem félagar en þó of ókunnugir, til þess að geta í bezta
lagi starfað og leikið saman. En eftir því, sem hópur-
inn vex, hlýtur svo að fara, að þeir elztu og yngstu
Laugamenn þekkjast minna og minna, þótt þeir geti
óneitanlega starfað að miklu gagni í heildinni — geti
hver og einn, hvort sem eru ungir eða gamlir átt sinn
þátt í því, að Nemendasamband Laugaskóla verði
meira en nafnið tómt — verði virkur aðili í baráttu
þjóðarinnar til betra og fegurra lífs. Til þess er það
stofnaö, og með það í huga eigum við aö mætast aft-
ur á Laugum eftir tvö ár, og þá sem allra flest.
Jónas Jónsson. Bragi Sigurjónsson.