Freyr - 01.12.1946, Page 55
FREYR
385
Skýrsla
LANDSBANKA ISLANDS
Landsbanki íslands gefur á hverju ári
ári út greinargerð um starfsemi sína.
Greinargerðin fyrir árið 1945 er nýlega
komin út. Er það heil bók í fjögurra blaða
broti, enda er það ekki aðeins skýrsla um
starfsemi bankans á árinu heldur og hag-
fræðilegt yfirlit yfir athafnir íslenzku
þjóðarinnar og árangur þeirra.
Vegna þessa er sérstaklega ástæða til
þess að gera skýrsluna að umtalsefni hér,
því að það er vitanlegt, að mikill þorri
lesenda Freys hefir tæpast tækifæri til
þess að lesa þessa stórfróðlegu og mikils-
verðu bók.
Að sjálfsögðu er þar sagt frá starfsemi
Landsbankans, birtir reikningar hans og
heildarniðurstöður viðskiptanna. Þetta er
veigamikill þáttur í fjármálastarfsemi
þjóðarinnar og því eðlilegt að kynna sér
hann. Hitt mun þó ýmsum skapi nær að
staðnæmast frekar við aðrar staðreyndir,
sem þar eru gerðar að umtalsefni.
Er þar sagt frá fjárhag hins opinbera,
efnahag einstakra bæjarfélaga, verðlagi,
atvinnukjörum, viðskiptum, samgöngum á
sjó og landi og mörgu öðru. Mörgum mun
þykja fróðleg skráin yfir innfluttar og út-
fluttar vörur á árunum 1913 til 1945.
Verklegar framkvæmdir af ýmsu tagi eru
þar teknar til athugunar og sagt frá kostn-
aði við nokkur meiri háttar mannvirki.
Þá er 14 síðum varið til þess að greina
frá útgerð og sjávarvöruiðnaði á árinu og
er þar mikinn fróðleik að finna um starfs-
háttu og afkomu þessa mikilvæga fram-
leiðsluatvinnuvegar þj óðarinnar.
Og svo er á 9 síðum greint frá ýmsu
því, er snertir landbúnaðinn. Lesendum
Freys mun eflaust finnast þessi þáttur það
mikilsverður, að ástæða sé til þess að gera
hann að umtalsefni sérstaklega. Það skal
þá sagt strax, að víst er hann það, og má
þar finna á einum stað margar staðreyndir,
sem varða athafnir íslenzkra bænda og
hagfræðilegar niðurstöður landbúnaðarins.
Það mundi verða of langt mál að brjóta
til mergjar allar þær staðreyndir, sem þar
eru birtar varðandi landbúnaðinn. enda
hefir um nokkrar þeirra verið skrifað hitt
og þetta í Frey á árinu.
En til þess að gefa bændum, sem ekki
eiga kost á því að kynnast þessu hagfræði-
riti, nokkra hugmynd um hvað í því stend-
ur, skal í eftirfarandi birt orðrétt það sem
þar er skráð um framleiðslu og verðlag
búvara á árinu 1945:
„Samkvæmt lögum 3. marz 1945, sem byggð voru
á ályktunum Búnaðarþings í september 1944. skyldu
greiddar verðuppbœtur á útfluttar landbúnaðar-
afurðir á tímabilinu frá 15. september 1944 til jafn-
lengdar 1945, þannig að framleiðendur fengju verð
fyrir þær eftir landbúnaðarvísitölunni 1943, og auk
þess bætur fyrir þá kostnaðaraukningu, sem verða
kynni á framleiðsluárinu 1944—45, vegna hækkunar
á kaupgjaldi. — Útgjöld ríkissjóðs til verðuppbóta
á útflutt kjöt og gærur af framleiðslu ársins 1944
munu nema samtals 4 422 þús. kr. Uppbætur á
útfluttar landbúnaðarafurðir (kjöt, gærur og osta)
af 1943-framleiðslu námu 10 173 þús. kr. í árslokin
1945 hafði ekki komið til greiðslu uppbóta á ullar-
framleiðslu áranna 1943 og 1944, þar sem hún var
þá enn óseld. Uppbætur munu verða greiddar á
útflutta ull af 1945-framleiðslu, en ekki á kjöt og
gærur framleiddar á því ári. — Til niðurgreiðslu á