Freyr - 15.03.1972, Blaðsíða 8

tímabili (fimm ára meðaltöl) hefur verið,
sem hér segir: Árin 1955—60 veiddust sam-
tals um 23 þúsund laxar, en 1961—65 voru
laxarnir 37 þúsund talsins, og 1966—70
komu á land um 40 þúsund laxar árlega,
en síðustu tvö árin hefur árleg veiði numið
um 56 þúsund löxum.
* * *
Möguleikar til aukinnar veiði hér eru
mjög miklir, ef rétt er á spilum haldið,
eins og reynslan sýnir. En þakka ber hinn
góða árangur m. a. því ágæta og merka
starfi, sem unnið hefur verið á sviði fisk-
ræktar og fiskeldis, sérstaklega síðasta ára-
tug. Fjölþætt fiskræktarstarfsemi hefur
farið fram með sleppingu á fiski í ár og
stöðuvötn, fiskvegagerð og aðrar umbætur,
svo sem stíflugerð til vatnsmiðlunar. í árn-
ar hefur verið sleppt um 300 þúsund
gönguseiðum af laxi síðustu árin.
* ❖ *
Ör þróun hefur orðið í fiskeldi og á Lax-
eldisstöð ríkisins í Kollafirði þar drjúgan
hlut að máli, auk þess sem önnur starf-
semi á vegum félagshópa og einstaklinga
hefur lagt lóð sitt á vogarskálina. Að fisk-
haldi hefur, sem kunnugt er, verið unnið
í Lárósi á Snæfellsnesi, sem vakið hefur
mikla og verðskuldaða athygli, enda skilað
góðum árangri. Til fróðleiks skal þess getið
að samanlagðar endurheimtur á laxi í
Kollafjarðarstöðina 1970 og í fiskeldisstöð-
ina í Lárósi 1971 nema tæplega 17 af hundr-
aði heildarlaxveiði, sbr. meðaltal áranna
1966—70.
Ágætt skipulag.
Fyrst og fremst má þakka velgengnina í
veiðimálum góðu skipulagi og fastri stjórn
þessara mála. Hin merka löggjöf, lög um
lax- og silungsveiði, er fékk þegar árið
1932 í meginatriðum þann búning, sem hún
er enn í, er hinn ágæti grundvöllur, sem
byggt hefur verið á.
Eins og kunnugt er, fer landbúnaðarráð-
herra með yfirstjórn veiðimála, en honum
til aðstoðar er veiðimálastjóri og Veiði-
málanefnd. Enda þótt gert hafi verið ráð
fyrir embætti veiðimálastjóra í lögum
1932, kom sú framkvæmd ekki til sögunnar
fyrr en árið 1946. Er því starfsemi Veiði-
málastofnunar ekki ýkja löng, eða rúm-
lega aldarfjórðungs gömul. Hins vegar hef-
ur Veiðimálanefnd starfað frá setningu
laganna. Sérstakt veiðieftirlit hefur verið
allt frá árinu 1934, er það hófst í smáum
stíl með skipun veiðieftirlitsmanns í Borg-
arfirði. Nú er veiðieftirlit framkvæmt í sex
héruðum. Þá er starfandi „Yfirmat veiði-
mála.“
V eiðimálastof nun.
Með starfsemi veiðimálastofnunar (em-
bœtti veiðimálastjóra) er haldið uppi hlið-
stæðu starfi hér og rekið er í nágranna-
löndum okkar, enda eðlilegt þar sem þessi
mál eru sérstæðs eðlis sákir þess breiða og
fjölþœtta sviðs, er þau spanna, en þurfa
að vera undir einum hatti, til þess að þau
geti þróast eðlilega. Veiðimálastofnunin
annast daglega stjórn veiðimála, rannsókn-
ir veiðivatna og vatnafiska, söfnun og
skráningu skýrslna um veiðimál, leiðbein-
ingar um fiskrækt og fiskeldi og umsjón
með fiskvegagerð og byggingu klakhúsa og
eldisstöðva, leiðbeiningar um félagsmál
(veiðifélögin) og ýmiskonar upplýsinga-
starfsemi. Þá er starfsemi Laxeldisstöðvar
ríkisins í Kollafirði ein grein á þessum
meiði, en veiðimálastjóri er framkvæmda-
stjóri stöðvarinnar.
* * *
Um Veiðimálanefnd er það að segja, að
hún getur gert tillögur um allt, er að veiði-
málum lýtur og skal leita samþykkis henn-
ar um setningu reglugerða og annara á-
kvæða um friðun, fiskeldi og veiði. í Veiði-
málanefnd sitja, auk formanns hennar, sem
skipaður er af ráðherra án tilnefningar,
fulltrúar frá eftirtöldum aðilum: Búnaðar-
96
F R E Y R