Freyr - 15.03.1972, Blaðsíða 20

2. Hvernig má fá betri arðsemi af
veiðivötnum en nú er fáanleg?
Það fæst með betra skipulagi á nýtingu
veiðinnar. Gera þarf ráðstafanir, er tryggi
að veiðin sé stunduð reglubundið bæði í
ám og vötnum. Skipulag laxveiðarinnar er
víðast hvar komið í gott horf frá hendi
veiðieigenda og sums staðar í mjög gott
horf. En silungsveiðin er víða í ólestri,
fyrst og fremst vegna þess að skipulagi er
ábótavant. Lítið er gert til að láta almenn-
ing vita um veiðiaðstöðu til leigu, enda
veiðivötnin víða óaðgengileg vegna þess
hve þau eru afskekkt og erfitt að komast
að þeim eða í lélegu vegasambandi.
Þá kemur vafalaust fljótlega á dagskrá
að umbreyta laxveiði í net í stangarveiði,
ef menn eru sammála um að fá hæsta
mögulegt verð fyrir veiðina, og hlýtur slík
framkvæmd að komast á. Hið sama varðar
silungsveiði í vötnum þeim, sem auðvelt
er að komast til stangarveiði í nú þegar,
en takmarka netjaveiði í öðrum vötnum,
eftir því, sem þau kæmu í gagnið. Líklegt
er að nauðsynlegt verði í vissum tilvikum
að stunda netjaveiði í stöðuvötnum til þess
að tryggja hagfellda nýtingu fiskstofnsins.
Auk vegamála, þ. e. að koma góðu vega-
sambandi við öll vötn, sem unnt er að
komast að á annað borð, þarf að reisa
hentuga veiðimannaskála við vötnin og
og tryggja þar góða gæzlu og veita veiði-
mönnum ýmiskonar þjónustu. Hið sama er
um árnar að segja. Rísa þurfa þar fullkom-
in hús þar sem aðstaða öll og þægindi yrðu
sem bezt. Yrðu væntanlega reist sérstök
veiðimannahótel, er rúmuðu veiðimenn frá
nærliggjandi ám. Þá yrði einnig að koma
til einfaldir veiðiskálar við árnar sjálfar.
* ❖ *
Heildarsamtök veiðifélaga.
Til þess að koma góðu skipulagi á og fá
markvissa framkvœmd þessara mála, þarf
samtök. Þá samstöðu eiga veiðifélögin í
kjördœminu að mynda. Ef þessi tilhögun
þykir of stór heild, er hægt að láta þau
starfa í minni einingum þannig, að Borg-
firðingar séu í einni, Snæfellingar í annari
og Dalamenn í þriðju einingunni. Fyrr-
greind samtök þurfa að hafa í sinni þjón-
ustu starfsmenn, er vinna að því að koma
í framkvæmd þeirri áætlun, sem samtökin
settu sér. í tengslum við þessi félagssam-
tök þyrfti auk þess að starfa fiskifræðing-
ur, en hann gæti verið umdæmisfiskifræð-
ingur á vegum Veiðimálastofnunarinnar.
* * *
Að framansögðu er Ijóst, að mjög mikil
verðmæti eru fólgin í veiðimálum í Vest-
urlandskjördæmi. Aðeins nokkur hluti
þessara möguleika hefur verið hagnýttur,
en hinir bíða þess að verða notaðir. Þetta
mikla nauðsynjaverk til hagsbóta — ekki
eingöngu fyrir veiðieigendur heldur alla
íbúa í Vesturlandskjördæmi — reyndar al-
þjóð, kallar á úrlausn. Þeir, sem vinna eiga
verkið eru fyrst og fremst Vestlendingar
sjálfir undir forustu ráðamanna veiðifélag-
anna á svæðinu.
* * *
Veiðimálastofnunin mun veita þessum m'ál-
um sitt liðsinni, eins og áður, og láta í té
aðstoð og ráðleggingar eftir því, sem unnt
er, og í hennar valdi stendur.
Desember 1971.
HEIMILDIR:
Veiðimálastofnun: Skrásetning veiðivatna.
Sigurjón Rist: Vatnasvið íslands, Orkustofnun.
— Skrá um mæld stöðuvötn.
108
F R E Y R