Freyr - 01.10.1987, Page 73

hinna, sem hún hefur ekki heim-
sótt enn. Útrýming þessa vágests
er ekki mál bændanna einna, þar
er þjóðarnauðsyn á ferð og til þess
þarf þjóðarátak.“
Mál er varða ull
„Aðalfundur L.S. 1987 telur sölu-
mál ullar í hinum mesta ólestri.
Fundurinn vill að kannaðar verði
allar leiðir til að auka veg og
verðmæti íslensku ullarinnar. At-
huga þarf hvort ekki sé tímabært
að senda ull á uppboð erlendis til
að fá úr því skorið hvert raunveru-
legt heimsmarkaðsverð er hverju
sinni.
Fundurinn óskar eftir að betra
samræmi náist í ullarmati um allt
land. Þá telur fundurinn athug-
andi hvort ekki er tímabært að
efna til ráðstefnu um ull þar sem
saman komi bændur, starfsmenn
ullarverksmiðja, kaupendur ullar-
vara og fleiri sem þetta snertir til
að bera saman bækur sínar og
leggja á ráðin um úrbætur.
Þá krefst fundurinn þess að
allra leiða verði leitað til að ullar-
verksmiðjurnar fari að meta og
greiða þá ull sem þeir hafa tekið á
móti í vor og sumar“.
Aukinn ellilífeyrir gegn minni
framleiðslu
„Aðalfundur L.S. 1987 samþykkir
að beina því til stjórnar L.S. og
Stéttarsambands bænda að breytt
verði skipan ellilífeyrismála
bænda og verði miðað að því að
öldruðum bændum verði greiddur
aukinn lífeyrir gegn því að þeir
hætti að mestu eða öllu leyti fram-
leiðslu kjöts og mjólkur, en sitji
áfram jarðir sínar sem þrátt fyrir
þetta haldi fullvirðisrétti sínum
óskertum.
Álagning á lyf
Aðalfundur L.S. 1987, hvetur
stjórn L.S. til að vinna að því að
álagningu á þau lyfja sem mest eru
notuð verið stillt í hóf, svo sem á
ormalyf. Einnig að vinna áfram að
því að á markaði verði fjölþátta
bóluefni.
Greiðsla fyrir framleiðslu
umfram fullvirðisrétt
„Aðalfundur L.S. 1987, skorar á
aðalfund Stéttarsambands bænda,
að tryggja bændum leiðréttingu
vegna umframframleiðslu sauð-
fjárafurða á komandi hausti.
Þetta sé gert með tilliti til þess
að ásetningi var lokið þegar út-
reikningar á fullvirðisrétti bárust
bændum í hendur sl. vetur og
einnig til að koma í veg fyrir
framhjásölu kindakjöts utan hefð-
bundins sölukerfis landbúnaðar-
vara. í þessu sambandi bendir
fundurinn á eftirfarandi:
a) Að gefa bændum kost á að
fara 6% fram yfir fullvirðisrétt,
sem síðan dragist frá fullvirðisrétti
næsta verðlagsárs.
b) Fullvirðisréttur einstakra
framleiðenda sé fylltur af verð-
mesta kjötinu, þannig að verð-
minnsta kjötið falli utan fullvirðis-
rétta, þar sem það gerist.
c) Gefa bændum kost á að full-
orðnu fé sé fargað í sláturhúsi
þeim að kostnaðarlausu, og það
síðan fjarlægt af almennum mark-
aði. Eða bændum sé greitt fyrir að
lóga fé heima, enda sé það gert
undir eftirliti dýralæknis og það
grafið vendilega.
d) Fækkunarsamnigar þeir sem
Framleiðnisjóður bauð á sl. hausti
verði boðnir með sama hætti í ár
og kynntir framleiðendum hið
fyrsta".
Skýrsla sláturhúsanefndar
„Aðalfundur L.S. 1987, telur
skýrslu sláturhúsanefndar engan
veginn nógu vel unna, enda virðist
lítið samráð hafa verið haft við
heimamenn við samningu skýrsl-
unnar.
Þá leggur fundurinn á það
áherslu að breytingar á skipulagi
slátrunar verði ekki gerðar nema
að höfðu samráði við bændur og
sláturleyfishafa".
Aukin kortagerð og gróðurmat
„Aðalfundur L.S. 1987 telur
nauðsynlegt að ötullega sé unnið
að kortagerð og gróðurmati á
afréttum og heimahögum. Veru-
lega hefur skort á að nægjanlegt
fjármagn hafi fengist til þess verk-
efnis og mjög æskilegt að þar
verði úr bætt.
Sauðfjárbændur leggja áherslu
á að gott samstarf verði milli
bænda og þeirra stofnana sem
hafa með gróðurmat og landnýt-
ingu að gera“.
VELTIBOGAR
Á DRÁTTARVÉLAR
Veri ð ^
varkár
Freyr 801