Bændablaðið - 15.11.2012, Page 30

30 Bændablaðið | Fimmtudagur 15. nóvember 2012
Unnið hefur verið af mikilli elju-
semi við endurnýjun Tungnarétta
á liðnum misserum. Enn er þó
mikið verk óunnið og næsta
sumar stendur til að skipta
um allt járnavirki, fullmála og
ljúka við enduruppbygginguna.
Margvíslegar uppákomur hafa
verið haldnar til styrktar þessum
framkvæmdum og nú hafa Vinir
Tungnarétta gefið út mynddisk
sem ber heitið „Minningabrot úr
fjallferð Tungnamanna 2012“.
Félagið Vinir Tungnarétta var
stofnað hinn 3. febrúar 2012.
Tilgangur þess er að afla fjár og sjá
um enduruppbyggingu, viðhald og
verndun Tungnarétta. Félagar eru
126 talsins og þar af stofnfélagar
101. Fjáröflunarsamkoma var
haldin í Aratungu hinn 9. mars 2012
og innkoma af þeirri samkomu fór
fram úr björtustu vonum.
Í vetrarlok síðasta vetrar, hinn
31. mars, var fyrsta skóflustungan
tekin. Upp úr því var hafist handa
við að brjóta niður alla steypu í
gömlu réttunum og skipta um
jarðveg í og við mannvirkið. Í
sumar voru allir steyptir veggir
endurnýjaðir frá grunni og þegar
fjallsafnið komst á áfangastað biðu
réttirnar réttardagsins, nýmálaðar
og nýtt hlið í hverjum dilk.
Um 1.500 vinnustundir í
sjálfboðavinnu
Öll vinna við réttirnar er unnin í
sjálfboðavinnu og lætur nærri að
um fimmtíu manns hafi komið
að því verki. Vinnustundir eru
nú orðnar um það bil 1.500
klukkustundir. Víst er að margir
hafa lagt Tungnamönnum lið
við enduruppbygginguna með
sjálfboðavinnu, láni á vélum og
tækjum og rausnarlegum peninga-
gjöfum. Án þeirra hefði þetta ekki
verið hægt og vill stjórn Vina
Tungnarétta koma á framfæri
þakklæti til allra þeirra sem hafa
gert þessa framkvæmd mögulega.
Vinnunni við réttirnar ekki lokið
Enn starfa Vinir Tungnarétta að
fjáröflun fyrir þessa miklu framkvæmd
því vinnu við réttirnar er ekki lokið.
Eins og fyrr segir stendur til að skipta
um allt járnavirki og fullmála og ljúka
við enduruppbyggingu næsta sumar.
Til að styrkja verkefnið hefur verið
gefin út fyrrnefnd kvikmynd. Myndin
er eftir Ólöfu Hermannsdóttur, sem
ásamt Guðborgu Kolbeins fylgdi
fjallmönnum í fyrsta safn í haust til
að gera litla kvikmynd um fjallferðina.
Fyrstu safnsmenn hrepptu óveður og
urðu veðurtepptir á afréttinum svo
fresta varð réttunum um dag. Slíkt
hefur ekki gerst áratugum saman.
Þó að þessi fjallferð hafi ekki
verið að öllu leyti dæmigerð lýsir
mynd Ólafar mörgu af því sem
menn upplifa á fjalli. Geisladiskar
með myndinni verða til sölu í
Bjarnabúð í Bláskógabyggð kostar
3.500 kr. stykkið. Einnig er hægt
að nálgast mynddiska hjá Vilborgu
Guðmundsdóttur í Myrkholti
(sími: 895-9500) og Kolbrúnu Ósk
Sæmundsdóttur í Hjarðarlandi (sími:
774-6062). Einnig hægt að senda
pöntun á netfangið vinirtungnaretta@
gmail.com
Árshátíð starfsmannafélags Vélfangs
í Boston 15. - 19. nóvember
VERKIN TALA
LOKAÐ
frá kl. 13, fimmtudaginn 15. nóvember
til kl. 9, þriðjudaginn 20. nóvember.
Neyðarþjónusta er veitt
í síma 8400 824
Endurnýjun Tungnarétta verður haldið áfram og lokið næsta sumar:
Vinir Tungnarétta gefa út mynddisk
til styrktar framkvæmdum
-
-
Mynd / Ólöf Hermannsdóttir