Bændablaðið - 15.11.2012, Page 39
40 Bændablaðið | Fimmtudagur 15. nóvember 2012
FEIF, alþjóðasamtök eigenda
íslenskra hesta, boðaði til fundar
í Malmö í Svíþjóð helgina 26.-
28. október sl. Til fundarins
komu fulltrúar í öllum nefndum
og í stjórn FEIF, en aðildarlönd
samtakanna eru 19 talsins og eru
félagar í samtökunum um 64.000.
Fulltrúar Íslands voru átta frá
Landssamtökum hestamannafélaga
og Bændasamtökum Íslands. Frá
Landssamtökunum komu Halldór
Victorsson, Helga B. Helgadóttir,
Sigurður Sæmundsson, Gunnar
Sturluson og Hulda Geirsdóttir. Frá
Bændasamtökunum fóru Guðlaugur
Antonsson, landsráðunautur í
hrossarækt, Sigbjörn Björnsson,
hrossaræktandi frá Lundum og
alþjóðlegur kynbótadómari, og
Jón Baldur Lorange, sviðsstjóri
tölvudeildar Bændasamtakanna og
verkefnisstjóri WorldFengs.
Á fundinum var Gunnar Sturluson,
hrossa ræktandi og lögfræðingur,
kosinn vara formaður FEIF, en hann
settist í stjórn samtakanna í fyrra.
Jens-Erik Majlund, framkvæmda-
stjóri Danska hestasambandsins,
hélt fyrirlestur um siðferði á
fundinum og með hvaða hætti þau
mál eru meðhöndluð innan alþjóða-
samtakanna FEI (Fédération Equestre
Internationale) og innan aðildar landa
þess. Þá var nefnd stofnuð innan
FEIF um frístunda reiðmennsku og
var Samúel Örn Erlingsson valinn
í hana.
Á fundi sportnefndar og
sportdómara var rætt um þróun
aðferðar við að verðlauna góða
reiðmennsku og tekið upp kerfi
mínus og plús spjalda. Þá var ákveðið
að auka kröfur til WorldRanking-
móta til að WorldRanking-úrslit séu
betur samanburðarhæf milli landa.
Þá kemur fram á heimasíðu FEIF
(www.feif.org) að ræktunarnefnd
og nefnd kynbóta dómara
(ræktunarleiðtogafundur) ásamt
Kristínu Halldórsdóttur, formanni
skrásetjaranefndar, og Jóni Baldri
Lorange, verkefnisstjóra WorldFengs,
hafi haldið áfram því verki að auka
fagmennsku og samræmingu á sviði
alþjóðlegra kynbótadóma.
Þjóðverjar hafa ákveðið að á
næsta heimsmeistaramóti íslenska
hestsins, sem haldið verður í Berlín
á næsta ári, verði sérstaktur bás
fyrir ræktendur með aðkomu allra
aðildarlanda og verður Íslenska
hestatorginu (Icelandic horse plaza)
boðið samstarf. Í Berlín verður
lögð áhersla á að WorldFengur,
upprunaættbók íslenska hestsins,
verði í forgrunni að sögn Marlise
Grimm, ræktunarleiðtoga FEIF, og
Mariu-Magdalenu Sibe-Gunkel,
ræktunarleiðtoga Þjóðverja.
Á ræktunarleiðtogafundinum
í Malmö var haldinn fyrsti opni
fundurinn með ræktendum innan
FEIF. Fundurinn byggir á þeirri
hugmynd að fá ræktendur, þjálfara,
kynbótadómara og annað starfsfólk
að sama borði til umræðu og til að fá
fram hugmyndir frá ræktendum. Á
fundinum hélt Jón Baldur stutta tölu
um WorldFeng og Guðlaugur gerði
m.a. grein fyrir áverkaskráningum á
kynbótasýningum á Íslandi. FEIF-
fundurinn í Malmö var haldinn
m.a. til að undirbúa ársfund FEIF
sem verður haldinn í Strassborg í
Frakklandi í febrúar á næsta ári.
Fimmtánda og sextánda forritið
Í síðasta upplýsingatæknidálki
Bændablaðsins var fjallað um
fjórtan forrit í forritunarflóru
Bændasamtaka Íslands. Forritin
sem upplýsingatæknisvið Bænda-
samtakanna þróar eru aftur á móti
sextán alls en ekki náðist að fjalla um
tvö þeirra í síðasta dálki. Bætt verður
úr því hér með.
JÖRÐ.IS er skýrsluhaldskerfi í
jarðrækt og er fimmtánda forritið í
forritunarflóru Bændasamtakanna.
JÖRÐ er arftaki NPK-forritsins
sem var notað í áratug eða svo
af ráðunautum og bændum til að
aðstoða við gerð áburðaráætlana
og halda utan um þá jarðrækt sem
bændur stunda. Þá var byggður upp
heildstæður gagnagrunnur í jarðrækt
þar sem bændur gátu skráð allar
ræktunarspildur, ástand þeirra og
áburðarþörf, gert áburðaráætlun út
frá ákveðnum skilyrðum og reiknað
heildarupphæð fyrir áburðarpöntun
eftir áburðarsölum, skráð uppskeru
o.fl. NPK-forritið var nauðsynlegt
hjálpartæki fyrir ráðunauta búnaðar-
sambanda í jarðræktarráðgjöf fyrir
bændur um allt land. Vefforritið
JÖRÐ.IS var síðan tekið í notkun fyrir
nokkrum árum sem næsta kynslóð
af forriti fyrir jarðrækt, en JÖRÐ
tengist miðlægum gagnagrunni
Bændasamtakanna í jarðrækt og
les inn túnkort sem ráðunautar gera
í landupplýsingakerfi Loftmynda.
Bændur geta flutt upplýsingar um
forða yfir í Bústofn, búfjáreftirlitskerfi
MAST, og þannig sparað sér innslátt
við gerð forðagæsluskýrslu, en þess
má geta að einmitt í síðustu viku var
opnað fyrir að bændur gætu skilað
forðagæsluskýrslu rafrænt, þriðja árið
í röð. JÖRÐ.IS er þróuð í Python-
forritunarmálinu, sem er frjáls og
opinn hugbúnaður. Þá er hafin
vinna við nýja kynslóð af JÖRÐ sem
byggir meira á hugmyndafræðinni
um opinn hugbúnað. Þess má
geta að áburðarsalar hafa styrkt
þróun á JÖRÐ.IS til að gera okkur
kleift að bjóða bændum forritið án
endurgjalds.
Bændatorgið er síðan sextánda
forrit Bændasamtakanna. Allir
félagar í Bændasamtökum Íslands
hafa aðgang að Bændatorginu, en í
fyrsta skipti sem bændur skrá sig inn
á torgið þurfa þeir að nota rafrænt
auðkenni hjá Ísland.is. Kveikjan
að Bændatorginu kveiknaði fyrir
um 18 árum hjá undirrituðum
þegar verið var að leggja grunn að
hugbúnaðargerð Bændasamtakanna.
Á þeim tíma mætti hún ekki miklum
skilningi enda internetið að stíga
fyrstu sporin. Engu að síður hefur
náðst ágætur árangur í að veita þeim
stórbrotnu hugmyndum brautargengi
með samstilltu átaki, áhugasömu
starfsfólki og notendum og góðum
skilningi innan Bændasamtakanna.
Bændatorgið byggir á hugmynda-
fræðinni sem tölvudeildin hefur
unnið eftir frá upphafi, að nýta
upplýsingatæknina til hins ýtrasta
til að opna og auðvelda bændum og
ráðunautum aðgang að miðlægum
skýrsluhaldsgrunnum í búfjárrækt og
öðrum gögnum sem gagnast þeim í
búrekstri, m.a. stuðningsgreiðslum til
þeirra samkvæmt búvörusamningum.
Grunnurinn að torginu var að byggja
upp miðlæga gagnagrunna þar sem
gögn og aðgangur eru samræmd og
samþætt. Bændatorgið er þannig
,,torgið“ sem bændur koma á til
að sækja sér allar nauðsynlegar
upplýsingar á einum stað. Á torginu
geta bændur tengst öllum vefforritum
sínum þar sem aðgangsstýring er
samþætt. Ráðunautar hafa sömuleiðis
aðgang að Bændatorginu til að
koma upplýsingum og skilaboðum
á framfæri með skjótvirkum hætti.
Í Bændatorginu fá bændur yfirlit
yfir þau félög sem þeir eru skráðir
í samkvæmt félagatali Bænda-
samtakanna. Í sumar og haust
bættist síðan við möguleiki bænda
að senda inn rafræna umsókn um
þróunarstyrki í jarðrækt. Síðasta
nýjungin kom síðan í tengslum
við atkvæðagreiðslu bænda um
endurskoðun á búvörusamningum,
en í Bændatorginu kemur fram
hvort viðkomandi er á kjörskrá.
Bændatorgið ætti síðan að vera
kjörinn vettvangur til að fá fram
skoðanir bænda á margvíslegum
málefnum eða til að bjóða upp á
rafræna og bindandi kosningu ef vilji
er til þess.
sviðsstjóri tölvudeildar
Bændasamtaka Íslands
jbl@bondi.is
Jón Baldur Lorange
Upplýsingatækni og fjarskipti
Upplýsingatæknibásinn
Málefni íslenska hestsins rædd í Malmö
Hluti þátttakenda á FEIF-fundinum í Malmö.
Undirbúningur vetrarþjálfunar
Hefst 8. des. hjá LbhÍ í Borgarfirði
Járningar og hófhirða
Hefst 12. jan. hjá LbhÍ í Borgarfirði
Húsgagnagerð úr skógarefni
Hefst 18. jan. í Grímsnesi
Hefst 8. feb. í Grímsnesi
Hefst 8. mars á Hallormsstað
Trjáfellingar og grisjun með
keðjusög
Hefst 22. jan. hjá LbhÍ í Hveragerði
Ostagerð
- heimavinnsla mjólkurafurða
Í samstarfi við Austurbrú
Haldið 9. feb. á Höfn í Hornafirði
Hagkvæm nautakjötsframleiðsla
Haldið 14. mars á Stóra-Ármóti
Endurmenntun LbhÍ
Rúningur I
Hefst 17. nóv. undir Eyjafjöllum
Vinnuverndar og réttinda-
námskeið fyrir bændur
Í samstarfi við Vinnueftirlitið og
Búnaðarsambönd um land allt
Hefst 22. nóv. í Önundarfirði
Hefst 4. des. á Geirlandi við Klaustur
Hefst 11. des. á S-Ármóti við Selfoss
Hefst 26. feb. við Höfn
Hefst 5. mars við Egilsstaði
Hefst 11. mars í Aðaldal
Hefst 19. mars við Þórshöfn
Aðventuskreytingar
Haldið 24. nóv. hjá LbhÍ í Hveragerði
Haldið 30. nóv. hjá LbhÍ í Hveragerði
Íslenska landnámshænan
Í samstarfi við Farskólann
Haldið 24. nóv. á Hvammstanga
Haldið 16. mars hjá LbhÍ, Hveragerði
Sauðfjársæðingar
Í samstarfi við Búnaðarsamtök Vestur-
lands og Búnaðarsamband Suðurlands
Haldið 27. nóv. hjá LbhÍ á Hvanneyri
Haldið 29. nóv. á Stóra-Ármóti
Allar nánari upplýsingar má finna á
www.lbhi.is/namskeid
Skráning fer fram á endurmenntun@lbhi.is
eða í síma 433 5000
Við erum líka á Facebook - facebook.com/namskeid
Af óveðursspám
Nokkrar umræður urðu í byrjun
mánaðarins um hvort bændur
hefðu brugðist við í samræmi við
veðurspá sem birtist fyrir óveðrið
10.-11. september síðastliðinn.
Allt lífið erum við stöðugt að
taka ákvarðanir. Sumar reynast
rangar og aðrar réttar, en við verðum
alltaf að sætta okkur við það liðna
hvort sem okkur líkar betur eða
verr. Við bændur sem lentum í tjóni
hefðum svo sannarlega viljað að
við hefðum hagað okkur öðruvísi
í byrjun september en raunin varð.
En það er auðvelt að segja núna:
„Þið hefðuð átt að fara að smala af
því að spáin var svo vond.“
Ekki alveg
Haraldur Ólafsson veðurfræðingur
sýndi kort með spánni fyrir 10.
september aftur í sjónvarpinu um
daginn og sagði að Veðurstofan
hefði spáð óveðrinu. Það var
rétt að hluta en rangt að öðru
leyti. Hefði veðrið verið eins
og spáð var á þessu korti hefði
trúlega engin kind drepist í fönn í
Kelduhverfi og sárafáar, ef nokkrar,
í Þeistareykjalandi og það hefði
engin raflína slitnað á því svæði.
Hitinn reyndist nefnilega tveimur
stigum lægri en spáð var, sem gerði
það að verkum að úrkoman á okkar
beitilönd féll sem snjór en ekki
rigning eða slydda.
Hefði spáin gengið eftir hefði
snjólínan hefði sem sé verið 200
metrum hærra en raunin varð. Það
er þessi tveggja stiga skekkja sem
skiptir öllu máli við þessar aðstæður
og gerir það að verkum að bændur
voru rólegri en þeir hefðu átt að
vera. Það gerir kindum ekkert til
þó að það sé rok og rigning af því
þær eru alltaf í lopapeysu.
Ekki Veðurstofunni að kenna
Mér dettur samt ekki í hug að kenna
Veðurstofunni um hvernig fór. Spár
eru alltaf spár. Ég veit ekki hvort
það er einhver sérstakur sökudólgur
þegar náttúruhamfarir verða. En
það er ekki hægt með nokkru
móti að halda því fram að það
hafi verið sjálfsagt mál að fara að
smala á þessu svæði vegna þeirrar
spár sem Veðurstofa Íslands gaf út.
Hafi Veðurstofan spáð kaldara veðri
daginn eftir var alla vega orðið of
seint að skipuleggja smölun á svæði
sem er mörg hundruð ferkílómetrar.
Einar Ófeigur Björnsson
fjallskilastjóri í Kelduhverfi
í Norður-Þingeyjarsýslu.