Fréttablaðið - 29.09.2012, Qupperneq 84

29. september 2012 LAUGARDAGUR40
HVAÐ SEGIR DÓRI DNA UM STYRKLEIKA GUNNARS OG DEMARQUES?Þ
að að Gunni sé kominn í UFC er
eiginlega stærsta skrefið sem
hægt er að taka. Sá sem er meist-
ari í UFC er í raun heimsmeistar-
inn í blönduðum bardagalistum,“
segir Dóri DNA, sérfræðingur
Stöðvar 2 Sport í blönduðum bardagalistum.
Gunnar Nelson keppir sinn fyrsta bardaga
í UFC-keppninni í kvöld þar sem hann mætir
Bandaríkjamanninum DaMarques Johnson.
Um tvö hundruð Íslendingar munu fylgja
Gunnari til Nottingham á Englandi og styðja
við bakið á besta bardagamanni Íslands.
Upphaflega átti Gunnar að mæta Þjóðverj-
anum Pascal Krauss. Hann heltist hins vegar
úr lestinni sem og Bandaríkjamaðurinn Rich
Attonito. Þá skaut DaMarques upp kollinum.
Dóri DNA segir þetta hringl með andstæð-
inga Gunnars ekki koma til með að hafa áhrif
á Íslendinginn.
„Þetta myndi kannski hafa áhrif á einhverja
aðra keppendur en ekki Gunna. Það eru mjög
margar og mismunandi aðferðir sem menn
nota til að undirbúa sig fyrir bardaga í blönd-
uðum bardagalistum. Sumir kynna sér and-
stæðinginn mjög vel, helstu veikleika og svona
en það gerir Gunni ekki. Hann er jafn vel
undirbúinn fyrir alla andstæðinga sama
hvað gengur á. Hann nýtir sér mistök og
opnanir andstæðinganna og þá skiptir
ekki máli hvort það er Krauss eða DaM-
arques Johnson. Þetta hefur kannski
verið ruglandi að einhverju leyti en ég
held að Gunni sé aðallega feginn að bar-
daginn verði. Það er oft sem bardagarnir
eru slegnir af með stuttum fyrirvara og
DaMarques á hrós skilið fyrir að vilja
mæta Gunna. Það hefði verið hrika-
legt ef bardaginn hefði verið sleginn
af enda tvær fullar flugvélar á leið-
inni út að styðja hann.“
Boxið hans Gunnars vanmetið
Eins og nafnið gefur til kynna eru
blandaðar bardagalistir, blanda úr
öllum helstu bardagalistum heims. Kepp-
endur byrja standandi og mega sparka og
kýla, líkt og í boxi eða karate, en þegar í gólf-
ið kemur reynir meira á glímutökin. Gunnar
er af mörgum talinn einn besti glímumaður
heims í sínum þyngdarflokki og sumir segja
að hann sé ekki jafn sterkur standandi. Dóri
segir þetta hins vegar mikinn misskilning.
„Menn vilja gjarnan sjá hlutina svarthvíta.
Það eru margir sem halda að Gunni sé léleg-
ur standandi en hann er í raun mjög góður í
að sparka og kýla. Hann hreyfir sig eins og
karatemaður, heldur höndunum lágt og er á
mikilli hreyfingu en hann er með mjög góðan
vinstri krók, frábær hægri bein högg og góð
snögg lág spörk. Sá sem vanmetur Gunna
standandi lendir í mestu vandræðum. Gunni
lifir á mistökum sem andstæðingurinn gerir,
hvort sem það er standandi eða liggjandi og
hann er mjög góður í að sjá mistökin sem and-
stæðingarnir gera.“
Allt getur gerst
Dóri segir að þótt Gunnar sé sigurstrang-
legri í viðureigninni í kvöld geti allt gerst
í svona bardaga. „Mér líst mjög vel á bar-
dagann en það má ekki gleyma því að allt
getur gerst. Mike Tyson tapaði til dæmis
eitt sinn fyrir Buster Douglas. DaMarques
Gunnar stefnir á titilinn í UFC
Bardagakappinn Gunnar Nelson stígur sín fyrstu skref í UFC-keppninni í kvöld þegar hann mætir Bandaríkjamanninum DaMar-
ques Johnson. Kristján Hjálmarsson ræddi við sérfræðinginn Dóra DNA sem telur möguleika Gunnars mikla.
Þátturinn Gunnarshólmi, í umsjón
Dóra DNA, verður sýndur á Stöð 2
Sport í dag og endursýndur í kvöld.
Í þættinum verður farið yfir undir-
búning Gunnars fyrir bardagann auk
þess sem blandaðar bardagalistir verða
kynntar. „Við fjöllum aðeins um bardaga-
klúbbinn Mjölni, heyrum í þjálfara hans,
John Kavanagh, sem er stórskemmtilegur
Íri, í Haraldi föður hans og Gunna sjálfum.
Við spyrjum hann meðal annars að því
hvað hann ætli að gera ef hann eignast
milljón dollara,“ segir Dóri. „Við þurftum að
skera niður ansi mikið efni í hálftíma þátt
en vonandi getum við gert meira þegar hann
keppir næst.“
Gunnarshólmi verður sýndur á Stöð
2 Sport klukkan 13.05 og á Sport 3
klukkan 17.20. Bardagi Gunnars
hefst 17.55 í beinni útsendingu á
Stöð 2 Sport og Gunnarshólmi
verður svo endursýndur strax
á eftir.
■ GUNNAR Í BEINNI Á STÖÐ 2 SPORT
er feykilega spennandi andstæðingur af því
að hann er svo agressívur og hann er mjög
reyndur. Hann gæti þó reynt að halda aftur
af sér, reynt að tína Gunna í sundur með
hnitmiðuðum höggum og flýja þess á milli,
svona „hit and run“. Það eru langflestir
sem segja að þetta sé frábær bardagi fyrir
Gunna, hann eigi eftir að finna sínar opn-
anir og ef þeir fara í gólfið þá mun Gunni
vinna. DaMarques er samt alveg ágætur í
gólfinu og hefur klárað bardaga þannig en
fólk áttar sig bara ekki á því hvað Gunni
er góður í gólfinu. Hann læsir andstæð-
inginn, finnur yfirburðarstöðu og klárar
hann. Andstæðingarnir vita að Gunni ætlar
að reyna að ná þeim niður en það breyt-
ir samt engu. Eina von DaMarques er að
halda sér standandi. En eins og ég segi þá
getur allt gerst.“
Dóri spáir Gunnari engu að síður sigri.
„Annaðhvort fer þetta alveg eftir skóla-
bókinni, Gunni tekur hann niður og klárar
í fyrstu lotu, eða þetta verður eltingaleikur,
og þegar DaMarques fer að þreytast tekur
Gunni hann niður í annarri lotu og klárar
hann.“
Stefnir á heimsmeistaratitilinn
Bardaginn gegn DaMarques er fyrsti bar-
dagi Gunnars innan UFC en hann gerði fyrir
skömmu þriggja bardaga samning við sam-
tökin. Þegar bardagar innan UFC fara fram
eru yfirleitt tíu bardagar á kvöldi. Fimm
af þeim eru aðalbardagar sem eru sýndir
í beinni útsendingu. Þar sem Gunnar er að
fara að berjast í fyrsta sinn er bardagi hans
ekki einn af þeim stóru, þó bardagi hans
verði sýndur á Stöð 2 Sport.
„Ef Gunni vinnur sinn bardaga er nokk-
uð víst að hann komist að sjónvarpsmegin
í næsta bardaga. Umfram allt vilja þeir
hjá UFC hafa sem mest spennandi bardaga
þeim megin svo það er að duga eða drepast
fyrir Gunna í kvöld,“ segir Dóri en bætir
þó við að ekki sé um heimsendi að ræða
fyrir Gunnar fari svo að hann tapi í kvöld.
„Þeir reka hann ekki heim þótt hann
tapi bardaganum en það myndi örugglega
hægja á öllu ferlinu. Gunni hefur sjálfur
sagt mér að hann stefni á gullið í UFC. Það
liggur fyrir að hann ætlar sér að verða
heimsmeistari og ég hef fulla trú á því,“
segir Dóri. „Það verður mjög gaman að
fylgjast með honum. Það er ekki til ljót-
leiki hjá honum, ofbeldi eða neikvæðni –
hann er frábær sendiherra Íslands í þess-
ari grein.“
Hann er hrikalega yfirvegaður og gerir ekki
mistök, panikkar ekki þó hann sé undir pressu.
Hann hefur klárlega yfirburði þegar kemur að
andlegu hliðinni.
ANDLEGA HLIÐIN
Hann hefur tapað oft og netverjar segja að ef
hann tapi þessum bardaga verði hann rekinn
frá UFC. Hann hlýtur því að vera rétt stilltur
fyrir þennan bardaga. Hann er agressívur
og reyndur en gerir sín mistök.
Gunni er miklu betri standandi
en fólk gerir sér grein fyrir.
Hannhefur þennan karatestíl
sem gerir honum kleift að
finna opnanir og notar
höggin til að koma sér í
betri aðstöðu. Hann er
með frábæran vinstri
krók og frábæra hægri
beina.
Hann getur rotað
mann með einu
höggi og það er
alltaf hættan í
þessu. En hann er
ekki varnarlega
miðaður, gefur
oft höggstað
á sér. Kraft-
mikill en ekki
yfirburða
tæknilegur.
BOXIÐ
Gunni er gamall karatemaður, með
leiftursnögg lágspörk, þegar þrjú eða fjögur
þannig spörk eru komin er ekki jafn mikið
vor í löppunum á þér og þá missa and-
stæðingarnir oft hraða.
Spörkin hjá honum eru góð. Hann
er kraftmikill og notar hnén mikið.
Það er ekkert sérstakt í gangi þar
en hann er samt öflugur.
Gunni er einn besti glímurmaður heims
í sínum þyngdarflokki. Hann þekkir
verksins glímutök.
Þó hann hafi unnið einhverja
bardaga með lásum er hann enginn
Gunnar þegar kemur að glímunni.
GLÍMAN
SPÖRKIN
Gunnar Nelson
24 ára / 180 cm. / 77 kg.
10 bardagar
9 sigrar - 1 jafntefli
DeMarques Johnson
30 ára / 185 cm. / 77 kg.
30 bardagar (þar af 10 í UFC)
19 sigrar - 11 töp
Námskeiðið er fyrir þá sem vilja njóta lífsins,
lifa lífinu aðeins hægar og huga að andlegri og
líkamlegri líðan. Dvölin gefur einnig einstakt
tækifæri til að taka upp nýjar og skynsamlegar
leiðir hvað varðar hreyfingu, næringu og svefn.
Innifalið er ljúffengur og hollur matur í öll mál,
aðgangur að sundlaugum, baðhúsi, líkamsrækt
og yoga. Nudd og val um ýmsar meðferðir í boði.
Verð á mann kr. 121.900.
7 daga heilsudvöl 11.-18. nóvember