Fréttablaðið - 29.09.2012, Qupperneq 112

29. september 2012 LAUGARDAGUR68
FÓTBOLTI Fram og Selfoss berjast
fyrir lífi sínu í lokaumferð Pepsi-
deildarinnar í dag en það er þó
óhætt að segja að liðin séu í ólíkri
aðstöðu. Það er ekki nóg með að
Framarar standi miklu betur að
vígi í stigatöflunni heldur eru þeir
ókrýndir Íslandsmeistarar í fall-
baráttu enda búnir að fagna oftar
í lokaumferðinni en flest önnur
félög undanfarin ár.
Framarar björguðu sér í loka-
umferðinni í fyrra og það var í
áttunda sinn frá árinu 1999 sem
Safamýrarliðið bjargaði sér frá
falli í síðasta leik. Selfyssing-
ar hafa aðeins einu sinni verið
í efstu deild áður og þeir voru
fallnir fyrir lokaumferðina sum-
arið 2010 .
Selfyssingar þurfa á sannköll-
uðu kraftaverki að halda í dag
ætli þeir að spila áfram í Pepsi-
deildinni næsta sumar. Þeir verða
að vinna sinn leik, á heimavelli á
móti ÍA, á sama tíma og Fram-
arar þurfa að tapa á móti ÍBV á
Laugardalsvellinum.
Það er ekki einu sinni nóg því
Selfossliðið þarf einnig að vinna
upp sex marka forskot Framara í
markatölu. Staða Framara er því
góð og svo gæti farið að þeir geti
fagnað eftir tapleik alveg eins og
þeir gerðu eftir lokaumferðina
árið 2004. Þá töpuðu þeir stórt á
móti Keflavík en úrslit annarra
leikja sáu til þess að þeir voru
áfram í efstu deild.
Innbyrðisviðureignir gilda ekki
í fótboltanum eins og í vetrar-
boltagreinunum sem er gott fyrir
Framara enda unnu Selfyssing-
ar báða innbyrðisleiki liðanna í
sumar, fyrst 2-0 á Laugardalsvell-
inum í maí og svo 4-2 á Selfossi í
ágúst.
Framarar eru því í lykilstöðu til
að bæta við magnaða tölfræði sína
en frá því að þriggja stiga reglan
var tekin upp 1984 hefur Fram-
liðið bjargað sér í níu af þeim tíu
skiptum sem liðið hefur verið í
fallhættu í lokaumferðinni. Þeir
státa af níutíu prósent árangri í
fallbaráttuslag á lokadegi móts-
ins og það bendir allt til þess að
sú tala hækki enn eftir leikina í
dag. Allir sex leikir lokaumferðar-
innar hefjast klukkan 14.00 í dag.
- óój
Selfyssingar þurfa á kraftaverki að halda í lokaumferðinni í dag ætli þeir þeir að spila áfram í Pepsi-deild karla næsta sumar:
Fagna Framararnir enn á ný eftir lokaumferðina?
FÖGNUÐU Í FYRRA Framarar héldu sér uppi í lokaumferðinni í fyrra og héldu upp á
Pepsi-deildar sætið með því að borða saman köku í klefanum. FRÉTTABLAÐIÐ/DANÍEL
Framarar í fallhættu í
lokaumferð frá 1984
1984 Björguðu sér
4-0 sigur á KA á útivelli
1999 Björguðu sér
3-2 sigur á Víkingi á heimavelli
2000 Björguðu sér
1-1 jafntefli við Breiðablik á heimaveli
2001 Björguðu sér
5-3 sigur á Keflavík á heimavelli
2002 Björguðu sér
3-0 sigur á KA á útivelli
2003 Björguðu sér
1-0 sigur á Þrótti á heimavelli
2004 Björguðu sér
1-6 tap fyrir Keflavík á heimavelli. Úrslit í
öðrum leikjum björguðu þeim
2005 Féllu úr deildinni
1-5 tap fyrir FH á heimavelli
2007 Björguðu sér
2-2 jafntefli við Breiðablik á heimavelli
2011 Björguðu sér
2-1 sigur á Víkingi á heimavelli
LIÐ SEM HAFA OFTAST BJARGAÐ SÉR
Fram 9 (af 10 skiptum, 90 prósent)
Grindavík 7 (af 8, 88 prósent)
Víkingur 4 (af 7, 57 prósent)