Fréttatíminn - 02.12.2011, Blaðsíða 62


Litla ljúfa Skrímsla
Huginn Þór Grétarsson
42 síður, Óðinsauga.
Kvöld­
skrímslin
Harðspjaldabók með
myndum unnum í tölvu
og texta til upplestrar
fyrir ung börn (3­5)
um hvernig barn gerist
kvalari föður síns, grænt
og hyrnt með hvassar
tennur og stór augu.
„Ég“ sem teiknimynda­
skrýmsli með öll völd.
Athyglisverð hugmynd
og ugglaust hafa ungir
hugar þörf fyrir vald­
tilfinningu. Hér gefst
hún. Myndir og texti vel
unnar.


Gegnum glervegg-
inn
Ragnheiður Gestsdóttir
270 síður, Veröld.
Önnur
prinsessa í
einangrun
Gegnum glervegginn er
mórölsk spennusaga um
harðstjórn, þann sem
lifir í heimi skjóls og vel­
ferðar en er einangraður
og svo alla hina sem
eru allslausir en eiga þó
samstöðu. Öllu þessu er
svo pakkað í atburðaríka
og skýra frásögn sem
rennur hratt með bráð­
lifandi persónum í birtu
og skuggum, ljóslifandi
í lit. Fín unglingabók
og dugar vel yngri
lesendum.

Komdu höldum
veislu
Björk Bjarkadóttir
28 síður, Mál og menning.
Veisluhöld í
skóginum
Björk Bjarkadóttir á að
baki nokkrar fallegar
bækur fyrir ung börn,
mest til skoðunar og
upplestrar. Komdu,
höldum veislu er í sama
anda. Hver opna býður
uppá grannskoðun og
túlkun lesanda fyrir
hlustanda, leturgerð,
stærð texta eða efnið
gerir ekki ráð fyrir lestri
þess sem er að stauta.
Myndskreytingar hennar
eru þaulunnin listaverk
opnu eftir opnu en
heimta aftur á móti
fulla athygli og þátttöku
lesanda og hugarflug
í lagi.

Agnar Smári –
tilþrif í tónlistar-
skólanum
Halla Þórlaug Óskarsdóttir
42 síður, Salka.
Litli tónlistar­
maðurinn
Halla Þórlaug Óskars­
dóttir sendir frá sér
myndlýst ævintýri til
upplestrar fyrir krakka
sem ekki eru orðnir
læsir. Línur eru of langar
til að það dugi í staut
þótt letur sé stórt og
orðaval hugsað fyrir
byrjendur í lestri. Myndir
eru lifandi og sagan er
kynning á heimi hljóð­
færa klassískrar hljóm­
sveitar. Ágætlega unnið
verk, myndir spennandi
og lifandi og henta til
þáttöku lesanda og
áheyranda. Agnar Smári
er fín hetja og kemst á
leiðarenda.

Víti í Vestmanna-
eyjum
Gunnar Helgason
270 síður, Mál og menning.
Pollamót í
Eyjum
Gunnar Helgason
gefur út sína fyrstu
skáldsögu fyrir stráka
(7­12) um keppnisferð
til Eyja, Þróttur er liðið.
Sagan er spennandi og
undirþræðirnir tveir
(væntanlegt eldgos og
heimilisofbeldi í Eyjum)
eru snoturlega þættaðir
inn í keppnina á mótinu
með hugvitsamlegum
ytri lýsingum, ágætlega
hugsuðum sögumanni
sem tekur inn texta frá
öðrum í formi skop­
stælingar á lýsingum
í hljóðvarpi/sjónvarpi.
Persónusköpun klár og
málið lifandi og eðlilegt.
Fín bók fyrir stráka hef
ég reynt á einum níu ára
sem segir þetta spenn­
andi stöff.
62 barnabækur Helgin 2.­4. desember 2011
Bækur
Páll Baldvin Baldvinsson
pbb@frettatiminn.is

Eiríkur Hansson –
Bernskan
118 síður, Lestu.is.
Aleinn og
yfirgefinn
Hin sígilda saga frá
Vesturheimi um Eirík
Hansson er nú gefin út
í fjórða sinn. Mikil örlög
og nýr heimur opnast
fyrir lesandanum (9­12
er ákjósanlegur aldur),
vesturfarir, nýir staðir,
ný tæki, landnámið og
fóstur hjá írska skassinu
og loks flótti út í nóttina
og framtíðina. Sígild
saga sem hefur farið
lágt. Hún er einnig til
sem rafbók og hljóðbók
á Lestu.is.

Af hverju gjósa
fjöll?
Þorsteinn Vilhjálmsson/Jón
Gunnar Þorsteinsson/Þórarinn
Már Baldursson
58 síður, Mál og menning.
Eldfjöll fyrir
byrjendur
Prýðilega hugsuð bók
sem geymir spurningar
og svör um eldvirkni.
Umgerð vísar öll til
krakka undir 12 ára
aldri en mynd á forsíðu
talar til enn yngri hóps.
Textinn er þaulhugs­
aður en alvarlegur
og algerlega laus við
gamansemi sem hrekur
frá, þurr og stífur. Synd
því hugmyndin er góð.
Teikningar eru ljósar
og lifandi, upplýsingin
einföld og vel fram sett
en fjarri því að vera
lifandi.

Forsetinn, prins-
essan og höllin
sem svaf
Gerður Kristný
77 síður, Mál og menning.
Baun og
prinsessa
Þriðji þáttur í skrípó­
seríu Gerðar um flón
á forsetastóli og
Línu langsokk í gervi
norskrar prinsessu. Hröð
atburðarás, skemmti­
legur sögumaður,
æðislegar hugdettur
og snarpir snúningar
einkenna þessa sögu
sem er bæði til lestrar
fyrir nýlæsa (7­10) og
fyrir orkufulla foreldra
sem vilja fara á flug í
kvöldlestri fyrir yngri
krakka.

Með heiminn í vas-
anum
Margrét Örnólfsdóttir
314 síður, Bjartur.
Gegn illsku
heimsins
Unglingasaga eftir Mar­
gréti Örnólfsdóttur er að
verða árvisst tilhlökk­
unarefni: Sögur hennar
eru spennandi, með
skýrri persónusköpun
og skoða samfélagið
gagnrýnum og glöðum
augum. Hér er sögu­
sviðið ríksmannsheimili í
Reykjavík og Hong Kong,
leikfangaverksmiðja
í Kína og tölvuleikur í
netheimum og unglingar
í öllum aðalhlutverkum,
bæði strákar og stelpur.
Spennandi saga með
fínum boðskap um
ábyrgð og þátttöku fyrir
lesendur á aldrinum
10­15 ára.

Dans vil ég heyra
Eva María Jónsdóttir tók saman
28 síður með lausum geisla-
diski, Mál og menning.
Sagnadansar
fyrir börn
Dans vil ég heyra eru
myndskreyttir fimm
textar, þrír sagnadansar,
einn þeirra kunn­
astur í flutningi Ríó
tríós, nokkrar lausavísur
og þrjár ferskeytlur.
Valið er prýðilegt og
myndskreytingar líka.
„Eitthvað tvennt á
hné“ hélt ég væri eftir
Sveinbjörn Egilsson, úr
lausavísusafninu voru
minnst þrjár vísur sem
ég ólst upp við skömmu
eftir miðja síðustu öld.
Þetta úrval (með geisla­
diski) er smátt meðan
Einu sinni átti ég gott frá
árinu 2006 er aftur fínt
og ítarlegt safn. Báðar
útgáfurnar byggja aftur
á vinnu Andra Snæs
með Árnastofnun um
aldamótin.
Þórarinn Eldjárn ræðst í að ein­
falda texta Hávamála og gengur
vel að sníða forníslensku og
koma henni í skiljanlegan
búning fyrir krakka. Mestu
skiptir þó að Kristín Ragna
Gunnarsdóttir lýsir Hávamál af
stakri snilld með glæsilegum
opnum og einsíðum. Feiki­
fallegur gripur sem vonandi
verður ekki óopnað eintak í
hillum þiggjenda um langt skeið
því efnið er ekki beinlínis á topp
tíu. Mórallinn oftast gildur en
margt orkar tvímælis og kallar
á afstöðu lesenda. Flott verk.

Hávamál
Þórarinn Eldjárn og Kristín
Ragna Gunnarsdóttir
60 síður, Mál og menning.
Vel sleppur margur
Fimm bóka sett um sögur
Biblíunnar, fallegar
heilsíðu-myndskreytingar
á hverri síðu.
Höfðar til barna á aldrinum 5-9 ára.
Sígildar barnabækur
Trúfastir vinir 1-5
Pantanir og upplýsingar í síma 588-7100.
Frækornið, bókaforlag
Suðurhlíð 36, 105 Rvk.