Fréttatíminn - 02.12.2011, Blaðsíða 14

Helmingur brottfluttra
úr borginni 24 til 35 ára
Fleiri hafa flutt frá Reykjavík til útlanda en
til borgarinnar frá hruni. Er munurinn 2.205
talsins. Alls hafa 2.734 íslenskir ríkisborgarar
flutt sig úr borginni og úr landi umfram þá sem
fluttu hingað frá útlöndum. Útlendingum hefur
hins vegar fjölgað um 529 í höfuðborginni frá
hruni. Alls fluttu 7.044 erlendir ríkisborgarar
úr höfuðborginni til útlanda en 7.573 settust
að í Reykjavík. Þetta kemur fram í svörum
borgarstjóra við fyrirspurn sjálfstæðismanna
í borgarráði. Þeir spurðu um menntun þeirra
brottfluttu en upplýsingar þar að lútandi lágu
ekki fyrir. Sjálfstæðismenn spurðu einnig um
aldursskiptingu og sjá má að helmingur þeirra
brottfluttu, umfram þá sem hingað fluttu, eru
á aldrinum 24 til 35 ára. - gag
Segja gjafabréf renna
of fljótt út
Neytendasamtökin telja
gildistíma gjafabréfa
of stuttan. Samtökin fá
fjölmargar kvartanir vegna
gjafabréfa á ári hverju
og er umkvörtunarefnið
yfirleitt það að gjafabréfin
séu runnin út. Frá þessu segir á
heimasíðu samtakanna. Samkvæmt könnun
samtakanna á vinsælum gjafabréfum, eins
og til að mynda hjá flugfélögum, þá gilda
gjafabréfin í eitt ár hjá Icelandair en tvö
ár hjá Iceland Express. Neytendasamtökin
vilja lengja gildistíma bréfanna upp í fjögur
ár sem er jafnlangur tími og almennur
fyrningarfrestur krafna. -óhþ
Dregið úr niðurskurði
til sjúkrahúsa
Guðbjartur Hannesson vel-
ferðarráðherra hefur lagt til, við
aðra umræðu fjárlaga, að dregið
verði úr þeirri hagræðingarkröfu
sem gerð var til sjúkrahúsa og heil-
brigðisstofnana í fjárlagafrumvarpinu
og að framlög til þeirra verði aukin um
samtals 391,2 milljónir króna. Þetta
kemur fram í tilkynningu velferðarráðu-
neytisins. Þar segir enn fremur að ráðherrann leggi
sérstaka áherslu á samráð við stjórnendur heilbrigðis-
stofnana við gerð fjárlaga. Megináherslan hefur verið
lögð á, segir ráðuneytið, að tryggja að stofnanirnar
hafi, þrátt fyrir aðhaldsaðgerðir, svigrúm til að veita
þá þjónustu sem lög um heilbrigðisþjónustu gera ráð
fyrir og að tryggja öryggi landsmanna. - jh
Þrjár milljónir í tap hjá Besta
Besti flokkurinn tapaði rétt rúmum þremur milljónum á árinu
2010 samkvæmt ársreikningi sem birtur er á vefsvæði Ríkisendur-
skoðunar. Þetta var fyrsta starfsár flokksins en hann
bauð fram í fyrsta sinn í sveitarstjórnarkosningunum í
Reykjavík á síðasta ári.
Árangurinn var glæsi-
legur: Flokkurinn fékk
sex menn í borgar-
stjórn og Jón Gnarr,
oddviti flokksins, varð
borgarstjóri. Tekjur
flokksins námu tæpum
átta milljónum en kostn-
aðurinn var um ellefu milljónir.
Atlantsolía og Skólavefurinn voru
stærstu styrktaraðilar framboðsins
en hvor um sig styrkti flokkinn um
100 þúsund krónur. -óhþ
V innustofa Atla Hilmarssonar, VAH, vann nýlega til tvennra verðlauna Alþjóðasamtaka upp-
lýsingahönnunar, IIID, sem veitt voru á
ráðstefnu samtakanna á Taiwan. Verð-
launaverkefnin eru leiðarmerkingar í
tónlistar- og ráðstefnuhúsið Hörpu og
upplýsingakerfi og skilti á svæði í bygg-
ingum í Háskóla Íslands. Verðlaunin,
sem veitt eru á þriggja ára fresti, þykja
mikil viðurkenning, að því er fram kem-
ur í tilkynningu, og fela meðal annars í
sér að umrædd verk hljóta kynningu og
dreifingu víða um lönd.
VAH hlaut verðlaunin í flokki sem
kallast „Wayshowing“, eða vegvísar, en
markmið þess flokks í grafískri hönnun
er að auðvelda almenningi að átta sig á
umhverfi sínu með einföldum og skil-
merkilegum hætti.
Alþjóðasamtök upplýsingahönnunar
hafa bækistöðvar sínar í Vín í Austur-
ríki. Meðlimir í IIID eru háskólar og
listaskólar, grafískir hönnuðir, hönnun-
arstofur og aðrir aðilar sem vinna að því
að miðla upplýsingum.
Vinnustofa Atla Hilmarssonar var
stofnuð árið 2003. Atli lauk BA-námi
frá Parsons, New York og MA-námi frá
Kunstgewerbeschüle (Basel School of
Design), í Basel. Eftir námið vann hann í
nokkur ár í Þýskalandi meðal annars hjá
Meta Design og KMS. Atli hefur verið
stundakennari á Íslandi, í Þýskalandi og
Austurríki frá árinu 1995. Hann hefur
unnið sem hönnuður fyrir mörg heims-
þekkt fyrirtæki og vörumerki. Atli var
um árabil í Þýskalandi og vann meðal
annars að hönnun fyrir sjónvarpsstöðina
Prosieben, bílaframleiðendurna Audi,
Volkswagen, Lamborghini og Seat auk
þess sem hann hannaði útlit Pfandbrief-
bank, sem er bankinn sem stofnaður var
á rústum þeirra þýsku banka sem fóru
á hausinn í hruninu. Atli hefur einnig
unnið sem hönnuður fyrir þýsku járn-
brautirnar, Deutsch Bahn, Heidelberg,
Kirch Media og Novartis. Þá var Atli
verkefnisstjóri við hönnun útlits á Glas-
gow School of Arts.
Með Atla vinnur Hörður Lárusson en
hann hefur unnið á VAH frá árinu 2005.
Hann útskrifaðist frá LHÍ vorið 2006
með BA-gráðu í grafískri hönnun. Hörð-
ur hefur verið stundakennari við LHÍ
síðan 2007 og sama ár var hann kjör-
inn formaður FÍT. Hann á einnig sæti
í stjórn Art Directors Club of Europe.
Hörður hefur gefið út tvær bækur um
íslenska fánann, fyrst bókina Fáninn,
2008, sem sýnir í fyrsta sinn tillögur
almennings að hönnun íslenska fánans
og síðan Þjóðfáni Íslands, 2011, Notkun,
virðing og umgengni.
Hönnuðir VAH hafa unnið að fjöl-
mörgum verkefnum á síðustu árum sem
vakið hafa athygli. Má þar meðal annars
nefna hönnun merkja Veðurstofu Ís-
lands, Faxaflóahafna, Háskólans á Akur-
eyri, Hafnarborgar og fleiri. Þá hannaði
VAH allt útlit landnámssýningarinnar
871 +-2 sem opnuð var í Aðalstræti fyrir
fjórum árum. Auk fjölda viðurkenninga
og verðlauna hlaut VAH menningarverð-
laun DV árið 2008.
Jónas Haraldsson
jonas@frettatiminn.is
 VAH Alþjóðleg VerðlAun fyrir grAfískA Hönnun
Merkingarnar í Hörpu og HÍ verðlaunaðar
VAH, vinnustofa Atla Hilmarssonar, vann til tveggja verðlauna Alþjóðasamtaka upplýsingahönnunar fyrir
leiðarmerkingar í Hörpu og skilti í Háskóla Íslands. Verkefni hönnuða VAH hafa vakið athygli og hafa fengið
fleiri viðurkenningar á undanförnum árum.
Leiðarmerkingar í Hörpu, tónlistar- og ráðstefnuhúsi.Skilti í Háskóla Íslands.
Umrædd verk hljóta
kynningu og dreifingu
víða um lönd.
Ármúla 30 | 108 Reyk jav í k | S ími 560 1600 | w w w.borgun . i s
J
ó
n
s
s
o
n
&
L
e
’m
a
c
k
s

•

jl
.i
s

•

s
Ía
Góðir posar á hagstæðum kjörum
Þjónusta allan sólarhringinn
Viðskiptavinir á landsbyggðinni fá senda posa
sér að kostnaðarlausu
Mundu að panta posa fyrir jólaverslunina
á www.borgun.is eða í síma 560 1600.
Alltaf nóg að
gera fyrir jólin!
14 fréttir Helgin 2.-4. desember 2011