Fréttatíminn - 02.12.2011, Blaðsíða 68

68 matur Helgin 2.-4. desember 2011
 Fiskur á jólaborðið
Fersk skata er
veislumatur
á Íslandi er sterk hefð fyrir því að bera fram kjöt á jólunum enda var það munaðarvara hér áður fyrr hjá þjóð sem
borðaði að mestu fisk. Nú hafa tímarnir breyst
og fiskur er sjaldgæfari á borðum fólks og því
ekki úr vegi að veita sér þann munað að hafa
fisk í jólamatinn.
„Á jólunum er tilvalið að hafa ferska skötu
fyrir þá sem ekki hafa prófað, rosalega bragð-
góður fiskur sem flestir hafa þó einungis borðað
kæstan á Þorláksmessu,“ segir Ari Þór Gunn-
arsson, matreiðslumeistari hjá Fiskfélaginu.
Til að fá ferskan fisk mælir Ari með því að
fara í fiskbúðina hjá Jóni í Hafnarfirðinum. „Það
er rosalega góð fiskbúð hjá honum sem heitir
Litla fiskbúðin. Hún sér okkur hjá Fiskfélaginu
að fyrir mestu fyrir öllum fiski.“
Ef notaður er frosin fiskur, hvernig er best að
meðhöndla hann?
„Ég myndi leggja hann á viskustykki í fat og
láta hann þiðna í kæli. Gott er þá að taka fiskinn
úr frystinum á Þorláksmessumorgni.“ En skyldi
Ari borða fisk á jólunum? „Það eru ekki komin
jól á mínu heimili fyrr en graflaxinn er kominn
á borðið með sósunni hennar mömmu.“
Fiskur er sjaldnast borinn fram sem aðalréttur á jólunum, en ætli fólk sér að breyta því þá
er tilvalið að prófa ferska skötu. Ari Þór Gunnarsson matreiðslumaður gefur nokkur góð ráð
og uppskrift að sköturétti og steiktum humar.
Ari Þór Gunnarsson mælir með að fólk prófi ferska skötu fyrir þá sem ekki hafa prófað, hún er rosalega bragðgóður fiskur
sem flestir hafa borðað kæstan. Ari mælir einnig með að fá fisksalann til að verka skötuna.
Það eru
ekki komin
jól á mínu
heimili fyrr
en graf-
laxinn er
kominn á
borðið með
sósunni
hennar
mömmu.
Fersk skata
1 flak fersk skata
1 msk. smjör
smá olía
Aðferð: Fáið fisk-
salann ykkar til að verka
skötuna frá brjóskinu og
roðfletta hana.
1. Skerið skötuna í 6
jafna bita.
2. Hitið stóra pönnu þar
til hún verður vel heit
og bætið ögn af olíu á
pönnuna.
3. Setjið skötubitana á
pönnuna og brúnið
vel þar til skatan
verður gulbrún eða í
um það bil 2 mínútur.
Lækkið þá hitann og
snúið skötunni við.
4. Bætið smjörinu út á
pönnuna og kryddið
fiskinn með smá salti
og ögn af sítrónusafa.
5. Þegar fiskurinn er
orðinn meir og góður
er hann tekinn af
og þá er hann klár.
Passið að elda hann
ekki of mikið og
fyrir þá sem ekki hafa
eldað skötu áður,
endilega steikið einn
bita fyrst til að prófa.
Steiktur
humar
4 vænir humarhalar
1 stk. hvítlauksgeiri
1 msk. smjör
smá olía
Aðferð:
1. Pillið skelina af humr-
inum og hreinsið
hann.
2. Hitið miðlungs stóra
pönnu þar til hún
verður vel heit og
bætið ögn af olíu á
hana.
3. Leggið humarinn á
pönnuna og steikið í 1
mínútu.
4. Bætið hvítlauks-
geiranum á pönnuna
ásamt smjöri og smá
salti og veltið humr-
inum aðeins.
5. Þegar humarinn er
eldaður í gegn, en er
samt mjúkur, er hann
klár.
Rósakál og
gulrætur
(Hægt að undirbúa að
hluta til deginum áður.)
4 rósakálshausar
2 gulrætur
Aðferð:
1. Setjið pott yfir til suðu
ásamt góðri klípu af
salti.
2. Skrælið gulræturnar
og skerið í jafna bita,
snyrtið endann á
rósakálinu.
3. Þegar suðan er komin
upp í pottinum er
grænmetið soðið
þar til það verður
meyrt og síðan kælt
í klakavatni. Þetta
þarf þó að gera í
sitt hvoru lagi þar
sem rósakálið og
gulræturnar þurfa
mismunandi eldunar-
tíma.
4. Steikið grænmetið
við vægan hita þar til
það er rétt brúnað og
heitt í gegn. Smakkið
til með salti.
Dillsósa
(Tilvalið að gera deg-
inum áður.)
3 egg
1 msk. hvítvínsedik
300 ml. olía
2 búnt ferskt dill
smá salt
Aðferð:
1. Setjið pott yfir til
suðu.
2. Setjið eggin varlega
ofan í pottinn þegar
suðan er kominn upp
og sjóðið í 4 mínútur.
3. Kælið eggin.
4. Takið skurnina af
eggjunum og setjið
eggin í blandara
ásamt ediki, ögn af
salti og dilli, blandið
vel.
5. Hellið olíunni rólega
saman við á meðan
blandarinn er í gangi,
sósan fer hægt og
rólega að þykkna.
Síðan er sósan
smökkuð til með smá
ediki, salti og sykri.
Kartöflumús
4 stk. stórar kartöflur
100 - 200 ml. rjómi
smjör
salt
Aðferð:
1. Skrælið kartöflurnar
og setjið í pott með
vatni.
2. Sjóðið kartöflurnar
þar til þær eru eld-
aðar í gegn, sigtið svo
og látið vatnið renna
vel af.
3. Hitið rjómann í litlum
potti.
4. Setjið kartöflurnar í
miðlungs stóran pott
yfir miðlungs hita og
stappið, hrærið svo
heitum rjóma smátt
og smátt saman við
þar til ákjósanleg
þykkt hefur náðst.
5. Bætið nokkrum
smjörteningum
saman við og
smakkið til með salti.
Sýrðar gul-
rætur
(Tilvalið að gera deg-
inum áður.)
2 stk. gulrætur
150 gr. vatn
150 gr. hvítvínsedik
150 gr. sykur
Aðferð:
1. Skrælið gulræturnar
og skerið í þunnar
sneiðar.
2. Hitið edik, vatn og
sykur í potti þar til
sykurinn er upp-
leystur.
3. Kælið löginn þar til
hann er volgur og
hellið yfir gulræt-
urnar.
4. Setjið inn í ísskáp
og geymið fram að
notkun.
Grenidressing
nokkrar grenigreinar
200 ml. olía
dill
Aðferð:
1. Klippið smá greni af
trénu í stofunni og
setjið í pott ásamt
olíunni.
2. Hitið olíuna aðeins
en passið þó að hita
hana ekki of mikið.
Ef hitamælir er til
staðar er flott að ná
olíunni í rúmlega
60-70°C.
3. Setjið pottinn til
hliðar og leyfið
olíunni að liggja yfir
nótt.
4. Hrærið nokkrar
matskeiðar af greni-
olíunni saman við
jafn mikið magn af
vökvanum sem er á
sýrðu gulrótunum
ásamt smá söxuðu
dilli og dressingin
er klár.
Fersk skata og humar með steiktu rósakáli, sýrðum gulrótum, dillsósu og greni-vinaigrette
GlæsileG jólahlaðborð
Kalt jólahlaðborð með heitu meðlæti
Hátíðarkvöldverður
Jólahlaðborð
Kalkúnaveisla
Hangikjötsveisla
jólaveislur
2011