Fréttatíminn - 21.04.2011, Qupperneq 6

N okkur óvissa ríkir um framtíðarhús-næði Geðhjálpar í
kjölfar stjórnarskipta um
síðustu helgi. Félagið hefur
haft aðsetur á Túngötu 7 frá
árinu 1998 þegar það fékk
gefins þetta 460 fermetra
reisulega hús. Á dögunum
barst tilboð í húsið sem
hljóðaði upp á um það bil
100 milljónir, samkvæmt
heimildum Fréttatímans.
Gamla stjórnin vildi taka til-
boðinu og selja húsið en nýja
stjórnin, með Björt Ólafs-
dóttur í fararbroddi, vill bíða
og skoða alla þá möguleika
sem í boði eru. Á aðalfund-
inum um helgina kom fram
að fram undan væri viðhalds-
kostnaður á húsinu upp á 80
milljónir, sem væri stór biti
að kyngja fyrir félagið. Eftir
því sem Fréttatíminn kemst
næst taldi gamla stjórnin að
félagið hefði einfaldlega ekki
bolmagn til að halda húsinu
lengur án þess að það færi
að hafa áhrif á starfsemi
félagsins.
Björt segir í samtali við
Fréttatímann að það sé ekki
hægt að líta svo á að nýja
stjórnin sé á móti sölunni
sem slíkri. „Nýir stjórnar-
meðlimir eins og ég þurfa að
fá smá ráðrúm til að afla sér
upplýsinga til að geta tekið
upplýstar ákvarðanir,“ segir
Björt.
Óskar Hrafn Þorvaldsson
oskar@frettatiminn.is
 húsNæðismál Geðhjálp
Óvissa um fram-
tíðarhúsnæði
Geðhjálpar
Ný stjórn vill endurskoða ákvörðun fyrri stjórnar um að selja
núverandi húsnæði félagsins að Túngötu 7.
Aflaverðmæti íslenskra
skipa nam 9 milljörðum
króna í janúar 2011 sam-
anborið við 8,3 milljarða í
janúar 2010. Aflaverðmæti
hefur því aukist um 669
milljónir eða 8% á milli ára,
að því er Hagstofa Íslands
greinir frá.
Aflaverðmæti botnfisks
var 5,6 milljarðar og dróst
saman um 20,3% frá janúar
í fyrra þegar aflaverð-
mætið nam 7 milljörðum.
Verðmæti þorskafla var
um 3,2 milljarðar og dróst
saman um 23,5% frá fyrra
ári. Aflaverðmæti ýsu
nam 827 milljónum og
dróst saman um 35,3% en
verðmæti karfaaflans nam
660 milljónum, sem er
30,4% aukning frá janúar
2010. Verðmæti ufsaaflans
dróst saman um 20,9%
milli ára, var 314 milljónir í
janúar 2011.
Verðmæti uppsjávarafla
nam um 3 milljörðum króna
í janúar 2011, sem er um
304% aukning frá fyrra
ári. Sú aukning skýrist af
loðnuafla að verðmæti 2,5
milljarðar króna, en engin
loðna veiddist í janúar 2010.
Aflaverðmæti flatfisksafla
nam 346 milljónum, sem
er 34,4% samdráttur frá
janúar 2010.
Verðmæti afla sem seldur
er í beinni sölu útgerða til
vinnslu innanlands nam 5,6
milljörðum króna. - jh
Aflaverðmæti í janúar 9 milljarðar króna
Björt Ólafs-
dóttir, nýr
formaður
Geðhjálpar.
Túngata 7. Á dögunum barst tilboð í húsið sem hljóðaði upp á um það bil 100 milljónir.
Helgin 21.-24. apríl 2011
STÆRSTU MÓT
SUMARSINS
AÐEINS Á SKJÁGOLFI
MAÍ
THE PLAYERS CHAMPIONSHIP
JÚNÍ
US OPEN
JÚLÍ
BRITISH OPEN
ÁGÚST
PGA CHAMPIONSHIP
GOLFKORTIÐ VEITIR
40% AFSLÁTT
AF GOLFVÖLLUM UMHVERFIS ÍSLAND
AUK ANNARRA GLÆSILEGRA FRÍÐINDA
GOLFKORTIÐ FYLGIR MEÐ ÁRSÁSKRIFT
TRYGGÐU ÞÉR ÁSKRIFT Í SÍMA 595 6000 EÐA Á SKJARGOLF.IS