Heimilisritið - 01.06.1951, Blaðsíða 45

þegar um er að ræða skefjalausa afbrýðisemi eða ástæðulausa tor-
tryggni.
ELDFJALL. — Ef þig dreymir að þú sjáir gjósandi eldfjall, skaltu gæta
þess, að halda skapi þínu í skefjum.
ELDHUS. — Dreymi þig að þú sitjir í eldhúsi, mun einhver gamall vin-
ur eða vandamaður brátt heimsækja þig — einn eða fleiri — og
vera afar forvitinn um heimili þitt og afkomu.
ELDHUSSKAPUR. — Að dreyma tóman eldhússkáp er fyrir fjárhags-
vandræðum. Láta eitthvað í slíkan skáp boðar feng eða óvænta að-
stoð frá einhverjum nákomnum.
ELDING. — Sjá ÞmmuveSur.
ELDSPYTA. — Ef þig dreymir að þú kveikir á eldspýtu, er það fyrir-
boði þess, að óvæntur atburður gcrist, sem stendur í sambandi við
cinhvern vandamann þinn.
ELDUR. — Að dreyma eld, sem logar glatt og stillt, án reykjar og neista-
flugs, boðar hcilbrigði, heimilislán og vinsældir. Ógiftu fólki, eink-
um elskendum, er það fyrjr giftingu, góðu heimili og barnaláni.
Æstur og magnaður eldur táknar, að þú munir brátt reiðast heift-
arlega af litlu tilefni. Slökkva eld þýðir hættu, scm mun takast að
afstýra; sumir ráða það sem fátækt. Reyna að kveikja eld, sem
slokknar jarfnharðan aftur: maður verður sér til skammar. Sjá ann-
an mann brennast: honum fyrir illu. Horfa í eldsglæður: mikil
vonbrigði. Sjá eld falla af himnum: hörmuleg tíðindi. Eld að detta
í: fefletting. Kveikja upp eld: happ. Ylja sér við eld: fjáröflun. Sjá
hús brenna: hættumerki. (Sjá Reykur, Bruni).
ELSKHUGI. — Ef þig dreymir að elskhugi þinn eða ástvinur sé ánægð-
ur og broshýr, er það merki um tryggð. Finnist þér hann hryggur
eða þjáður, er það vottur um tvöfcldni. Að dreyma gamlan elskhuga,
er dreymandanum tákn þess, að einhver ann honum nú hugástum.
EMBÆTTI. — Ef embættismann dreymir að hann missi stöðu sína, boð-
ar það dauða eða mjög alvarlega atburði. Slfkur draumur er einnig
aðvörun um að treysta ekki ókunnugum. Hinsvegar er það fyrir
velgengni að dreyma að maður fái embætti.
ENGI. — Ef þig dreymir að þú gangir um grösugt engi, boðar það þér
giftu og skemmtilegt ferðalag. Sé mikið af blómum á þessu graslendi
boðar það ógiftum hjónabandi fyrr en varir.
ENGILL. — Ef þú sérð cngil í draumi, mun barn fæðast í fjölskyldu þinni
innan árs. Að dreyma engil er yfirleitt gott, en þó má ekki ávarpa
hann. Stundum er það ábending um að vanda betur lífemi sitt. Það
er lánsmerki fyrir elskendur að dreyma engil eða engla. Ef draum-
engill gefur þér eitthvert heilræði, skaltu fara eftir því. Dreymi þig
að þú sért engill, mun eitthvað óvænt gerast. Þegar englar vitrast
þér í draumi, mun þér verða forðað frá yfirvofandi sorg eða mótlætá.
HEIMILISRITIÐ
43