Heimilisritið - 01.07.1951, Qupperneq 13

ur hafði mikil áhrif á Spilsbury.
„Þið berið stórkostlega ábyrgð“,
sagð'i hann við stúdentana, „á-
byrgð á velferð og lífi annarra
manna. Því megið þið aldrei
gleyma“.
Þann 17. desember 1947 lauk
Spilsbury sinni síðustu skýrslu,
í gömlu, rykuðu rannsóknarstof-
unni í Lundúnaháskóla. Þegar
hann hafði lok§i því, beindi
hann Bunsenlampa að andliti
sínu og skrúfaði frá gasinu, og
nokkrum mínútum síðar var
hann látinn. Hann varð sjötug-
ur, og hann hafið um mörg ár
þjáð'st af kvalafullri liðagigt,
sem næstum gerði hann að
kryppling. Hann vis^i, að hann
myndi aldrei framar verða fær
um að gera uppskurð eða leysa
úr morðgátu. Og Spilsbury lifði
ekki fyrir annað en starf sitt.
ENDm

Dularíull deilingaraðferð
Reikningskennarinn hafði lokið við
að yfirheyra í kennslustundinni og látið
í ljós von sína um að allir í bekknum
kynnu það, sem þeim hafði verið sett
fyrir. Ragnar reis þá úr sæti sínu og
spurði:
„Kennari, má ég sýna miklu fljótari
aðferð við að deila með tveimur í jafna
tölu, heldur en þá gamaldags aðferð,
sem við notum?“
Kennarinn kinnkaði kolli glottandi.
Ragnar gekk að töflunni, tók krítina
og byrjaði hreykinn á útskýringum sín-
um:
„Þetta er mjög auðvelt. Ég skrifa
bara tölustafinn 2 fyrir framan töluna
og strika út aftasta stafinn. Ef ég deili
t. d. 2 í 4, þá skrifa ég 2 fyrir framan
4, strika síðari stafinn út, það er að segja
4, og þá er 2 útkoman.“
Kennarinn rétti svolítið úr sér og
bömin í bekknum störðu undrandi á
Ragnar.
„Við reynum svo næst með 50,“ hélt
Ragnar áfram. „2 fyrir framan 50 er
250. Striki ég nú núllið út, koma út
25 — og 2 í 50 eru auðvitað 25.
Kennarinn kom ekki upp nokkru
orði og einblíndi á töfluna og reikn-
ingsfærslu Ragnars eins og um töfra-
brögð væri að ræða, en bekkjarsystkinin
hrópuðu fagnandi upp yfir sig. Ragnar
hélt nú áfram dálítið upp með sér:
„Þetta er kannske heldur auðvelt,
svo nú skal ég taka 48 til dæmis. 2 fyrir
framan gera 248. Striki ég 8 út, koma
út 24 — rnjög auðvelt. Eigum við svo
að reyna þriggja stafa tölu, til dæmis
498. Hér sjáið þið. 2 fyrir framan gera
2498, og striki ég 8 burt verða 249
eftir! Nú skulum við reikna það út á
gamla mátann." Hann deildi með 2 í
498. „Sjáið þið! útkoman er 249.“
Fagnaðarópin og lófaklappið dundi
í bekknum — og Ragnar þakkaði með
því að hneigja sig — en kennarinn
reikaði náfölur út úr skólastofunni.
HEIMILISRITIÐ
11