Fréttatíminn - 20.12.2013, Blaðsíða 14

R aunverulegt atvinnuleysi í landinu er hærra en tölur Vinnumálastofnunar sýna vegna þess að í þær vantar þá
sem ekki hafa rétt til atvinnuleysisbóta. Á
þessu ári fullnýta um 90 manns í hverjum
mánuði bótarétt sinn og detta af atvinnu-
leysisskrá.
Þetta kemur fram í nýrri skýrslu frá Hag-
deild ASÍ þar sem fjallað er um atvinnuleysi
og fjárhagsaðstoð sveitarfélaganna.
6.125 voru atvinnulausir í september,
samkvæmt tölum Vinnumálastofnunar, sem
samsvarar 3,8% atvinnuleysi, og hefur það
ekki mælst lægra frá hruni. Í nýrri skýrslu
Hagdeildar ASÍ kemur hins vegar fram að
þessar tölur segi ekki alla söguna.
„Fyrir liggur að raunverulegt atvinnuleysi
er töluvert meira en tölur Vinnumálastofn-
unar gefa til kynna þar sem Vinnumála-
stofnun telur aðeins þá sem eru á atvinnu-
leysisbótum. Það þýðir að þeir sem eru án
atvinnu en vildu vera í vinnu og eiga ekki rétt
á atvinnuleysisbótum teljast ekki með í tölum
Vinnumálastofnunar. Það á m.a. við um þá
einstaklinga sem fullnýtt hafa bótarétt sinn
hjá atvinnuleysistryggingasjóði. Ætla má að
ef þessum einstaklingum yrði bætt við þá
myndi atvinnuleysisprósentan hækka um eitt
prósentustig,“ segir í skýrslu ASÍ.
Auk þeirra sem dottnir eru af bótum
teljast þeir sem taka þátt í sérstökum
tímabundnum vinnumarkaðsúrræðum,
starfsþjálfunar- og reynsluráðningum sem
styrktar eru af Atvinnuleysistrygginga-
sjóði ekki með í atvinnuleysistölunum.
Um síðustu áramót breyttist hámarkstími
atvinnuleysistrygginga. Hann var 48 mán-
uðir en er nú 36 mánuðir með möguleika á 6
mánuðum til viðbótar í svokölluðum biðstyrk.
Grunnfjárhæð fullra atvinnuleysisbóta er nú
172.609 kr. á mánuði en 179.513 kr. ef viðkom-
andi hefur eitt barn undir 18 ára á framfæri.
Um 800 einstaklingar voru án bótaréttar
um síðustu áramót en voru orðnir um 1.400
um mitt árið. Frá þeim tíma er áætlað að um
90 einstaklingar missi bótarétt sinn um hver
mánaðamót, þannig að samtals detti rúmlega
1.000 einstaklingar af atvinnuleysisskránni
vegna útrunnins bótaréttar allt þetta ár.
Í skýrslu ASÍ er fjallað um það álag sem
langtímaatvinnuleysi og missir réttar til
atvinnuleysisbóta hefur í för með sér fyrir fjár-
hag sveitarfélaganna.
„Stór hópur vinnufærs fólks er án atvinnu-
leysisbótaréttar og þarf fjárhagsaðstoð
frá sveitarfélögunum. Sá hópur mun fara
stækkandi á næstunni. Þessi þróun hefur
þegar leitt til aukinna útgjalda sveitarfélag-
anna og frekari útgjaldaaukning er fyrirséð
á næstunni,” segir ASÍ. Ekki er þó hægt
að gera ráð fyrir að allir þeir sem missa
atvinnuleysisbætur færist yfir á félagsþjón-
ustu sveitarfélaganna. Í Reykjavík er áætlað
að það eigi við um 45% þeirra sem missa
bótaréttinn.
Fjárhæð þeirrar aðstoðar sem sveitar-
félögin veita er misjöfn. Hún er hæst í
Reykjavík, þar sem grunnfjárhæðin er
163.635 kr. á mánuði fyrir 18 ára og eldri. Í
sumum sveitarfélögum tekur aðstoð tillit til
fjölskyldustærðar en ekki í öðrum. Í öllum
tilvikum er hún hins vegar tengd tekjum
maka. Tekjutengingin virkar þannig að sá
sem missir rétt til atvinnuleysisbóta og á
maka sem hefur tekjur samkvæmt lág-
markstaxta verkalýðsfélaganna í landinu
fær 41.453 krónur í fjárhagsaðstoð frá
Reykjavík og verða heildartekjur hjónanna
þá rúmlega 245 þúsund krónur. Sem dæmi
um sveitarfélag sem gengur lengra í tekju-
tengingum má nefna Reykjanesbæ en þar
fær viðkomandi 3.625 krónur í fjárhagsstyrk
frá sveitarfélaginu miðað við að maki sé í at-
vinnu og á lágmarkslaunum. Þá eru heildar-
tekjur hjónanna 207.625 krónur.
„Það er því óhætt að segja að þegar um hjón/
sambúðarfólk er að ræða og annar aðilinn er að
ljúka bótarétti sínum þá þarf að mestu leyti að
treysta á tekjur maka,“ segir í skýrslu ASÍ.
Pétur Gunnarsson
petur@frettatiminn.is
Æsispennandi bók sem
þú leggur ekki frá þér
Draumaeyjan
Hermann Ingi Ragnarsson
Dóttirin
Hannah Shah
Falleg og skemmtileg bók
fyrir börn á öllum aldri
Hannah Shah
Dóttirin
SÖNN SAGA
AF FLÓTTA
UNGRAR KONU
ÚR KLÓM
OFBELDIS OG
MISNOTKUNAR
H
annah S
hah
D
óttirin
HANNAH SHAH ER DÓTTIR ÍMAMS –
TRÚARLEIÐTOGA Í MÚSLIMSKU SAMFÉLAGI
Í BRETLANDI. Í MÖRG ÁR MISNOTAÐI FAÐIR
HENNAR HANA Í KJALLARA Á HEIMILI ÞEIRRA.
16 ára að aldri komst hún að því að senda ætti hana til
Pakistans í nauðungarhjónaband en henni tókst að flýja
að heiman. Faðir hennar varð ofsareiður og var ákveðinn
í að finna hana og taka hana af lífi – heiðursmorð. Hún
leyndist með því að flytja hús úr húsi. Það versta var, að
áliti fjölskyldu hennar, að hún yfirgaf íslam og tók kristna
trú. Margir múslimar halda því fram að það sé dauðasök.
Dag nokkurn kom flokkur manna að húsinu sem hún bjó
í og var faðir hennar þar fremstur. Þeir voru vopnaðir
hömrum, prikum og hnífum og ætlun þeirra var að drepa
hana....
Dóttirin er sönn saga, grípandi og tilfinningarík. Hönnuh
tókst með hugrekki og ákveðni að flýja frá fjölskyldu sinni
og samfélagi og finna nýtt líf utan þess – líf frelsis og ástar.
Bók sem þú leggur ekki frá þér fyrr en að lestri loknum.
SALT
9 789935 911520
ISBN 978-9935-9115-2-0
SALT
DRAUMAEYJAN
Draumaeyjan er sagan af Golla litla sem lifir fyrir
það að leita að myndum sem stjórna draumum
hans og leik. Dag nokkurn verður hann fyrir
hverri trufluninni á fætur annarri sem breytir bæði
lífi hans og draumum.
Skemmtileg bók sem vekur börn til umhugsunar
um mikilvægi þess að elska náungann.
H
erm
ann Ingi Ragnarsson
D
raum
aeyjan
Salt
Hermann Ingi Ragnarsson
SALT
9 789935 911513
ISBN 978-9935-9115-1-3
Sönnsaga
ÁHRIFARÍKAR BÆKUR
SEM VEKJA LESENDUR
TIL UMHUGSUNAR
Heildarafli íslenskra skipa í nýliðnum nóvember, met-
inn á föstu verði, var 13,8% meiri en í nóvember 2012.
Það sem af er árinu veiddist 3,9% meiri afli en á sama
tímabili árið 2012, sé aflinn metinn á föstu verði. Aflinn
nam alls 81.874 tonnum í nóvember 2013 samanborið við
90.570 tonn í nóvember 2012 sem er 9,6% samdráttur á
magni milli ára, að því er fram kemur hjá Hagstofu Ís-
lands.
„Botnfiskafli jókst um 3.300 tonn frá nóvember 2012
og nam tæpum 41.200 tonnum. Þar af var þorskaflinn
tæp 24.600 tonn, sem er aukning um tæp 5.100 tonn frá
fyrra ári. Ýsuaflinn nam tæpum 5.200 tonnum sem er
919 tonnum meiri afli en í nóvember 2012. Karfaaflinn
nam rúmum 4.800 tonnum í nóvember 2013 sem er 268
tonnum minni afli en í fyrra. Rúm 3.800 tonn
veiddust af ufsa sem er 943 tonna samdráttur frá
nóvember 2012.
Afli uppsjávartegunda nam tæpum 38.100 tonnum,
sem er rúmlega 12.700 tonnum minni afli en í nóvember
2012. Samdráttinn má rekja til um 10.900 tonna minni
síldarafla, sem nam tæpum 38.100 tonnum í nóvember
2013, og 1.800 tonna minni loðnuafla en ekkert veiddist
af loðnu í nóvember 2013. Nær engar aðrar uppsjávar-
tegundir voru veiddar í mánuðinum.
Flatfiskaflinn var tæp 1.900 tonn í nóvember 2013 og
jókst um 561 tonn frá fyrra ári. Skel- og krabbadýraafli
nam 719 tonnum samanborið við 549 tonna afla í nóvem-
ber 2012.“ - jh
Minni en mun verðmætari afli
 FiskaFli Jókst um 13,8 pRósent í nóvembeR á Föstu veRði
Þorskafli í nóvember var tæplega
24.600 tonn, sem er aukning um tæp
5.100 tonn frá sama tíma í fyrra.
Atvinnuleysistölur sýna ekki þá sem
hafa verið atvinnulausir svo lengi að
þeir hafa misst rétt til atvinnuleysis-
bóta. Um 90 manns standa í þeim
sporum um hver mánaðamót þetta árið.
Atvinnuleysi vanmetið um
eitt prósentustig að mati ASÍ
 atvinnuleysi yFiR 1000 manns haFa misst Rétt til atvinnuleysisbóta á áRinu
Atvinnuleysi mældist 3,8% í september, hið lægsta frá hruni. ASÍ telur það hins vegar vanmetið um eitt prósentustig að teknu tilliti til þeirra sem hafa misst
bótarétt vegna langtímaatvinnuleysis.
14 fréttir Helgin 20.-22. desember 2013