Fréttatíminn - 20.12.2013, Blaðsíða 126

Grafísku hönnuðirnir Dagný Reykjalín og Guðrún Hilmis-
dóttir reka saman auglýsingastofuna Blek á Akureyri. Þær
eiga heiðurinn af líflegum myndskreytingum Vísindabókar
Villa sem hefur heldur betur slegið í gegn í bókahasarnum
fyrir jólin.
Dagný segir vinnuna við bókina hafa verið sérstaklega
skemmtilega. „Þetta var mjög skemmtilegt og við kláruðum
þetta í rauninni bara á tveimur mánuðum. Þetta var svolítið
góð törn í að gera mjög skemmtilega bók.“
Samvinnan við Vísinda Villa fór mest fram í gegnum netið
þar sem þær unnu mest fyrir norðan og hann fyrir sunnan.
Og þótt Villi hafi verið með í ráðum þá „fengum við lausan
tauminn og það var bara nánast allt samþykkt sem við gerð-
um sem var mjög gaman. Þetta var mjög frjálslegt.“
Dagný segir þær hafa reynt að nálgast viðfangsefnið eftir
texta Villa og reynt að finna út frá honum hvernig best væri
að koma efninu til skila myndrænt.
„Við byrjuðum á að velja okkur grunnliti og gerðum eina
opnu til að búa til stemninguna og svo kom restin út frá
því.“
Dagný segir vinsældir bókarinnar hafa komið þeim vin-
konum skemmtilega á óvart. „Bara eins og Villa í rauninni.
Hann er þekkt andlit og við vissum að hann myndi sjá um að
kynna bókina og allt það en við lögðum upp með að búa til
bók sem okkur langaði í, sem við vildum fletta og eiga uppi
í hillu. Við vildum gera eitthvað sem myndi lifa áfram, ekki
sérstaklega barnabók heldur eitthvað sem fjölskyldan öll
gæti haft gaman af og við líka.“ -þþ
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Ó K E Y P I S
Gleðileg jól
 Dagný og guðrún Teiknuðu vísinDi
Villi gaf þeim lausan tauminn
Lífseigir blaðamenn
Blaðamenn halda fast í númeraröð sína
hjá Blaðamannafélagi Íslands en þar
hefur í áratugi trónað á toppi Þorbjörn
Guðmundsson, fyrrum blaðamaður
Morgunblaðsins, sem hóf störf árið
1942. Margir eru þar á lista sem halda
fast í númer sín þótt þeir hafi ekki
sinnt blaðamennsku árum eða jafnvel
áratugum saman. Með lægstu númer
eru að vonum þeir sem komnir eru á
eftirlaun en næstir á eftir Þorbirni í
númeraröðinni eru Atli Steinarsson, Elín
Pálmadóttir, Matthías Johannessen og
Jónas Kristjánsson.
Athygli vekur hins vegar í nýútkomnum
félagstíðindum Blaðamannafélagsins,
Blaðamanninum, að ýmsir félagar eru
sagðir hafa hafið blaðamennsku sína
nokkuð snemma, eða 1905, árið eftir að
Hannes Hafstein varð ráðherra Íslands.
Það á meðal annars við um ritstjórana
Matthías og Jónas, Odd Ólafsson sem
var á Tímanum á sinni tíð, Sigurdór
Sigurdórsson sem var á Þjóðviljanum,
DV og Bændablaðinu, glæpasagna-
höfundinn Árna Þórarinsson sem var
á Mogga, Ellert B. Schram, fyrrum
ritstjóra Vísis og DV – og síðast en ekki
síst ljósmyndarann góðkunna, Gunnar
V. Andrésson, sem hóf feril sinn á
Tímanum, var á DV en myndar nú fyrir
Fréttablaðið.
 Bragi Páll sigurðarson orðljóTa ljóðskálDið
Bragi Páll er
með höfuð
fullt af ógeðs-
legum hugs-
unum sem hann
gefur vængi í
ljóðum sínum.
Bókarkápan
hlýtur að teljast
ein sú frum-
legasta þetta
árið en á henni
stendur skáldið
á sprellanum
með svínshöfuð
í stað andlits.
Mynd/Hari.
B ragi Páll Sigurðsson hefur vakið athygli með óhefluðu orðfæri í kveðskap sínum. Í fyrra gaf hann
bók með ljóði þar sem Davíð Oddsson,
Jón Ásgeir Jóhannesson og fleiri þekktir
Íslendingar voru leiddir til aftöku á
íþróttaleikvangi. Sitt sýndist hverjum.
Bragi Páll slær hvergi af í nýjustu ljóða-
bók sinni, Hold, þar sem hann rífur subbu-
kjaft og stígur fram á kápunni, kviknakinn
með það allra heilagasta dinglandi og með
svínshaus fyrir andlitinu.
En hvað var það sem varð til þess að
gleðja eða hrella væntanlega lesendur,
eftir því hvernig á það er litið, með því að
stripplast á kápumyndinni?
„Hugmyndin var nú ekki að laða að les-
endur með typpinu en það rataði þangað,“
segir skáldið. „Þegar handritið var að taka
á sig endanlega mynd kom þessi hugmynd
til mín og ég vann hana áfram með Hall-
gerði Hallgrímsdóttur, vinkonu minni og
listakonu, en þetta var alls ekki hugsað til
þess að gera bókina söluvænni.“
Skáldið segir nektarsýninguna heldur
ekki til marks um að hann sé eitthvað
sérlega stoltur af limi sínum. „Ég veit það
ekki. Kápan varð kannski einhvern veg-
inn myndræn framsetning á innihaldinu.
Leiðarstefið í bókinni er heiðarleiki og það
að strípa sig niður er heiðarleiki. Heiðar-
legasta form líkamans er þegar hann er
nakinn.“
Mér finnst líka mikilvægt fyrir lista-
menn að vera heiðarlegir og eina lista-
fólkið sem ég lít upp til er gríðarlega heið-
arlegt í sköpun sinni. Og það er nú bara
þannig að þegar maður er að skoða sig
og skapa eitthvað upp úr því þá verður sú
vinna oft dálítið subbuleg og grafísk og
þannig endar maður allsber með þetta
svínshöfuð.“
Kjafthátturinn í ljóðum Braga Páls er
slíkur að jafnvel Didda skáld og Sverrir
Stormsker fölna í samanburðinum en hvað
á þessi klámfengni munnsöfnuður eigin-
lega að þýða?
„Það eru svo mörg skáld að skrifa fal-
lega og sjá um þá hlið, að upphefja og
dýrka tungumálið. Ég passa mig í raun-
inni á að skrifa eins og ég hugsa og ég
tala. Þá kemur þetta svona út. Ég er ekk-
ert að hugsa um þetta sem hin skáldin eru
að skrifa um, tunglið, vindinn, ástina og
hjartað í sér og eitthvað svoleiðis „fokk-
ing“ kjaftæði. Ég hugsa bara ekki þannig.“
Bragi Páll er harður femínisti og tel-
ur kveðskap sinn bera þess merki. „Ég
hugsa nákvæmlega svona og ef þú skoðar
til dæmis ógeðslegustu ljóðin í þessari bók
þá eru þau rammfemínísk.“
Þórarinn Þórarinsson
toti@frettatiminn.is
Bullaði ævintýri
sem endaði í bók
Ljóðskáldið Bragi Páll Sigurðarson
vakti athygli og nokkra úlfúð í fyrra
með ljóði þar sem hann leiddi þjóð-
kunna Íslendinga til aftöku. Hann
mun sjálfsagt ekki vekja minni
athygli með nýju ljóðabókinni sinni,
Hold, en á kápu bókarinnar samein-
ar hann innihald og umbúðir með
því að stíga fram allsnakinn með
svínshöfuð. Þótt hann sé bærilega
sáttur við millifótakonfekt sitt var
þetta þó hvorki hugsað til að flagga
því sérstaklega eða beinlínis að
laða að kaupendur.
Heiðar-
legasta
form
líkamans
er þegar
hann er
nakinn.
Dagný og Guðrún skemmtu sér vel við að myndskreyta hina feikivin-
sælu Vísindabók Villa og bjóða nánast upp á listaverk á hverri opnu.
Veisla í leikhúsunum
Leikhúsáhugafólk fær
nóg fyrir sinn snúð á
næstu vikum í stóru
leikhúsunum tveimur.
Á annan í jólum
frumsýnir Þjóðleik-
húsið Þingkonurnar í
leikstjórn Benedikts
Erlingssonar.
Jólasýning Borgarleik-
hússins verður hins
vegar ekki frumsýnd
fyrr en 11. janúar, á
afmælisdegi Leik-
félags Reykjavíkur. Er þar um að ræða
Hamlet í leikstjórn Jóns Páls Eyjólfssonar.
Með hlutverk danska prinsins fer Ólafur
Darri Ólafsson en aðdáendur hans geta
fram að þessari frumsýningu barið hann
augum í Hollywoodmyndinni The Secret
Life of Walter Mitty ásamt Ben Stiller. Af
öðrum aðalleikurum í Hamlet má geta
Hildar Berglindar sem leikur Ófelíu, Hilmar
Jónsson er Kládíus og Elva Ósk Ólafsdóttir
leikur Geirþrúði.
Jón Sæmundur sýnir í
Farmers Market
Myndlistarmaðurinn Jón Sæmundur
Auðarson sýnir vatnslitamyndir af haus-
kúpum á vegg í verslun Farmers Market að
Hólmaslóð 2 nú í desember.
Hauskúpan hefur fylgt Jóni í listsköpun
hans undanfarinn áratug eða frá því hann
byrjaði að vinna að Dead konsepti sínu. Á
undanförnum tveimur árum hefur hann
verið á hljómleikaferðalögum um heiminn
með hljómsveit sinni Dead Skeletons og
þar hefur hauskúpan einnig verið með
í för, þar sem hann hefur unnið og sýnt
blekteikningar af hauskúpum á tónleikum
sveitarinnar við góðar undirtektir. Mynd-
irnar á þessari sýningu eru beinu fram-
haldi af þeirri vinnu. Titill sýningarinnar er
nýyrði sem Jón hefur uppfundið yfir þessa
vinnu sína með höfuðkúpuna; kúpismi.
Jón Sæmundur vinnur nú að einkasýningu
í Gallerí Bakarí sem opnuð verður á næsta
ári. Sýningin í verslun Farmers Market er
sölusýning og er opin á verslunartíma.
M
yn
d/
SB
S
126 dægurmál Helgin 20.-22. desember 2013